Qazaqstan músylmandary diny basqarmasy aldaghy Qúrban ait merekesine oray mәlimdeme jasady. Basqarma aqparatynsha, biyl músylmandardyng búl merekesi shilde aiynyng 20-22-si kýnderine tura keledi. 

Birinshiden, 2021 jyly qúrban shalu rәsimin ótkizu eki jolmen jýzege asyrylady:

1) memlekettik sanitarlyq-epiydemiologiyalyq qadaghalau organdary tarapynan rúqsat berilgen jergilikti qasaphanalarda sanitarlyq erejelerdi qatang saqtay otyryp qúrban shalu rәsimin oflayn rejimde, yaghny dәstýrli jolmen úiymdastyru.

2) býgingi pandemiya jaghdayynda qúrban shalushygha qolayly jaghday jasau jәne kómekke múqtaj jandardy qoldau maqsatynda ótken jyldyng tәjirebesin qoldanyp, qúrban shalu rәsimin sharighattaghy «ókildik» qaghidasyna sәikes www.qurban2021.kz sayty arqyly onlayn rejimde jýzege asyru.

Búl jobanyng maqsaty – qayyrymdylyqqa dәneker bolu, halyqtyng densaulyghy men ómirine tóngen qauipti seyiltuge ýles qosu, qúrban shalugha niyet bildirgen jandargha karantin jaghdayynda ontayly jol úsynu.

Ekinshiden, karantin jaghdayynda qalada túryp jatqan azamattar ýshin qashyqtyqtan óz atynan qúrban shalugha tapsyrys beru – ontayly sheshim.

Sharighat boyynsha adam ózining atynan basqa kisini belgili bir iske uәkil ete alady. Óitkeni, adam balasy keybir jaghdayda bir isti oryndaugha mýmkindigi bolmay qalady. Osy kezde bireuding kómegine jýginedi, yaghny sol isti oghan tapsyrady, ony ózining atynan uәkil etedi. Birde Payghambarymyz (oghan Allanyng salauaty men sәlemi bolsyn) Hakim ibn Hizam (Alla oghan razy bolsyn) arqyly qúrbandyq satyp alugha tapsyrys beredi. Biz osy oqighadan sharighat boyynsha uәkilge tapsyrys beru arqyly qúrban shaldyrugha bolatynyn anyq angharamyz.

 Ýshinshiden, auyldyq jerde jeke túrghyn ýide túratyn әr adamnyng músylmandyq mindetin atqaruyna QMDB tarapynan eshqanday shekteu joq ekenin jetkizemiz.

Tórtinshiden, hanafy mәzhabynda qúrban ait kýnderi bay adamgha qúrban shalu – uәjip (mindet).

Sharighatymyz boyynsha «bay» dep mal-dýniyesi nisap mólsherine jetken adamgha aitylady. Nisap mólsheri – 40 qoy (eshki), yaki, 30 iri qara, nemese 5 týie, ol da bolmasa qajettiliginen artyq 85 gr altyn (1 230 000 tenge) qarajat. Mal-dýniyesi nisap mólsherine jetpegen, yaghny jaghdayy tómen músylmangha qúrban shalu mindet emes.

Besinshi, Respublika boyynsha múqtaj otbasylar qúrbandyq etin alu ýshin www.qurban2021.kz sayty arqyly biyl 20 shilde kýni ait namazynan keyin ótinish bildire alady. Múqtaj otbasylardyng ótinishterin qabyldau, saraptau jәne qúrbandyq etterin jetkizip beru júmystarymen QMDB-nyng jergilikti ókildikteri ainalysady.

Altynshy, QMDB qarjygha aralaspaydy. Qúrbandyqqa shalynatyn týlik baghasy jergilikti naryq baghasymen kórsetiledi. Osy orayda elimizding әr aimaghyndaghy maldyng baghasy әrtýrli ekenin eskeru qajet.  Núr-Súltan, Almaty, Shymkent jәne oblys ortalyqtarynda maldyng baghasy birdey bolmauy mýmkin.

Tapsyrys berushiden týsken qarajat mal iyesine, yaghny satushygha tikeley beriledi. Óitkeni búl deldaldyq qyzmet emes. Kórsetilgen somagha qasapshynyng qyzmeti ghana kiredi. Al qúrbandyq etin bólshektep, múqtaj jandargha taratu syndy barlyq úiymdastyru júmystary QMDB meshit jamaghaty men eriktilerding kómegi arqyly tegin jýzege asady. Búl – qúrban shalugha tapsyrys berushi azamattar ýshin ýlken jenildik.

 Jetinshi, sayt arqyly tapsyrys qabyldap, qúrbandyq etin kómekke zәru jandargha taratu tәjiriybesi Saud Arabiyasy, Týrkiya, Malayziya, Indoneziya, Birikken Arab Ámirlikteri syndy birqatar músylman memleketterinde búrynnan qalyptasqan jýie. Búl jyl sayyn iygi dәstýrge ainalghan. Jobanyng basty ereksheligi – qúrbandyq etin týgeldey múqtaj azamattargha taratu.

Segizinshi, atalghan joba sanitarlyq talaptardy saqtay otyryp, halyqtyng ómiri men densaulyghyn saqtaudy kózdeydi. Sonymen qatar joba maqsaty – kómekke asa zәru azamattardy qoldap, olargha úlyq meyramda quanysh syilau, az da bolsa, qayghy-múnyn seyiltu. Qúrbandyq shaludyng negizgi mәni osy.

Qúrbandyq etin múqtaj jandargha ýlestiru arqyly músylmandar arasynda mahabbat pen sýiispenshilik artady. Sonymen qatar ózining boyyndaghy qatygezdik, sarandyq syndy sipattardan arylyp, ony meyirimdilik, jomarttyq, kishipeyildik qasiyetterge auystyrady.

Abai.kz