Aughanstandaghy sikh pen ýndi azshylyqtarynyng qauipsizdigi men bolashaghy turaly belgisizdik jalghasyp jatqan kezde, aughandyq sikh qauymdastyghy 16 tamyzda Kabulda Taliban ókilderimen kezdesti. Búl turaly Indian Express arnayy habarlama taratty. 

Kezdesuden keyin sikh qauymdastyghynyng ókilderi tәlibterding olargha "beybitshilik pen qauipsizdikke" kepildik bergenin aitty.

Kabuldaghy "Karte Parvan Gurdvara" (Sikh hramy) preziydenti Gurnam Singh The Indian Express-ke telefonmen habarlasyp, Taliban biylikti óz qolyna alghannan beri 300-ge juyq adamnyng "Karte Parvan gurdvarasyna" pana izdep kelip, jasyrynghanyn aitqan.

"Gurdvarda Taliban ókilderimen ótken kezdesude sikh pen ýndi azshylyqtarynyng qauipsizdigi men tynyshtyghyna kepildik berildi. Taliban qauymdastyqtar elden ketuding qajeti joq, olar osynda beybit ómir sýrudi jalghastyra alady jәne óz dinin ústana alady, diny rәsimderge eshqanday kedergi bolmaydy dedi. Olar bizge qanday da bir mәseleler tuyndaghan jaghdayda habarlasa alatyn nómir berdi", - dedi Gurnam Singh.

Ol Djalalabad pen Gazniyde túratyn sikh pen ýndi otbasylary da Kabulgha kelgenin jәne olardyng barlyghy qazir Kabuldaghy eki gurdvardy panalaghanyn aitty.

Búl elde bir kezderi 100000-nan astam sikh pen ýndiler mekendegen. 1992 jyly modjahedter biylikke kelgennen keyin búl azshylyqtardyng Aughanstannan jappay ketui oryn aldy. Alayda, sikhter men ýndilerding Aughanstannan ketuining songhy sebepteri 2018 jәne 2020 jyldary bolghan qandy shabuyldar edi. Eki shabuyldan 44 ýndi qaza tapqan bolatyn.

Alayda, Talibannyng jana kepildikterine qaramastan, sikh pen induizm qauymdastyghynyng jergilikti mýsheleri elden ketuge dayyn. Sebebi tәlibter ýndi әielderining islam sharttaryna say kiyinu kerektigin aityp otyr.

Eki qauymdastyq ta mýmkindiginshe tezirek ketuge mýmkindik izdeytinin aitady. Olar Ýndistan, Kanada, AQSh nemese ózge elge qonys audarugha dayyn.

"Endi biz Talibannyng búrynghy biyligi kezindegi qayghyly oqighalardy eske alghymyz kelmeydi, sebebi búl bizge qiyndyq tudyruy mýmkin. Biz búl joly Taliban uәdelerin oryndaydy dep ýmittenemiz. Biraq sikh pen .ýndi otbasylarynyng kópshiligi ketuge dayyn. Bizding jýgimiz jinauly. Biz Ýndistannyng nemese basqa elding bizdi evakuasiyalauyn kýtip otyrmyz", - dedi cikh ókili.

Taliban 21 tamyzda Ýndistan әskeriy-әue kýshterining (IAF) úshaghyna otyrugha attanghan 72 aughandyq sikh pen ýndinin, onyng ishinde eki aughandyq  deputat Narinder Singh Halsa men Anarkaly Kaur Honoryardyng tobyn toqtatyp, olardyng elden shyghuyna tyiym saldy.

Ýndistan pushtundar Pәkistannan búiryq alyp, Aughanstandaghy ýndi men sikhtardy qughyndauy mýmkin dep sekemdenip otyr.

Abai.kz