Jwma, 3 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Jañalıqtar 1611 0 pikir 24 Şilde, 2012 sağat 17:15

«Ordabası» ozıp twr

Şımkent qalasında önerkäsipti keşendi damıtudıñ ülgisi sanalatın «Ordabası» industriyaldı aymağınıñ direktorı, Şımkent qalalıq mäslihatınıñ deputatı Nwrğazı Bwharbaev irgeli önerkäsiptiñ aymaqtağı salanıñ zor mümkindikteri men jetistikteri jöninde bizdiñ tilşimizben tömendegidey oy bölisedi.

- Nwrğazı Baqtıbaywlı, Qazaqstan Ükimeti arnayı ekonomikalıq aymaqtardı qwru arqılı belsendi jwmıs jürgizu üşin elimizdiñ 13 öñirinde industriyaldı aymaq aşudı qolğa alğanı belgili. Aytıñızşı, bwl şın mäninde nätijeliligin körsetti me?

Şımkent qalasında önerkäsipti keşendi damıtudıñ ülgisi sanalatın «Ordabası» industriyaldı aymağınıñ direktorı, Şımkent qalalıq mäslihatınıñ deputatı Nwrğazı Bwharbaev irgeli önerkäsiptiñ aymaqtağı salanıñ zor mümkindikteri men jetistikteri jöninde bizdiñ tilşimizben tömendegidey oy bölisedi.

- Nwrğazı Baqtıbaywlı, Qazaqstan Ükimeti arnayı ekonomikalıq aymaqtardı qwru arqılı belsendi jwmıs jürgizu üşin elimizdiñ 13 öñirinde industriyaldı aymaq aşudı qolğa alğanı belgili. Aytıñızşı, bwl şın mäninde nätijeliligin körsetti me?

- Eger Ükimet industriyaldı aymaqtardı damıtu isine basa män berse, onıñ nätijeliliginen kümändanuğa bolmaydı. Elimizde quattı ekonomikanı jolğa qoyu üşin aldımen oğan jaqsı jağday jasaluı tiis. Industriyaldı aymaqtar osınday maqsatta qwrıldı jäne bwl jetkilikti deñgeyde qordalanğan mäselelerdi şeşuge mümkindik beredi. Sonday-aq, Elbası N.Ä. Nazarbaev aytıp ötkendey, industriyaldı aymaqtar önerkäsipti jañğırtuda jetekşi täsil bolıp sanaladı. Birinşiden, mwnday aymaqtardı damıtu arqılı öñirdiñ ekonomikasına investiciya saluğa jol aşıladı jäne aymaqtardağı önerkäsipten tüsetin tabıstıñ joğarı mejesin qamtamasız etedi. Ekinşiden, käsipkerlikti qoldau isi qarqındı jürgizilip jatqan öñirdegi  osınday aymaqtardı tañdağan önerkäsip ieleri infraqwrılım resurstarın jürgizudegi şığındarın da azaytadı. Bizdiñ oblısımız osı bağıtta jwmıs jürgizip jatqan birden-bir öñir. Üşinşiden, AEA qwru önerkäsipti ıntalandıru isine äser etedi. Işki narıqta tauarlardı integraciyalauğa mümkindik beredi, sonımen qatar qosımşa jwmıs orındarı da aşıladı. Nätijesinde biz qosımşa investiciya tartu arqılı joğarı sapalı, bäsekege qabiletti önerkäsip önimderin jasap şığaramız, ozıq tehnologiyalardı igeremiz. Sonday-aq, industriyaldı aymaqtar öñirdiñ ekologiyalıq mäselelerin de şeşuge ıqpal etedi. Bwl degenimiz, önerkäsip orındarın qalanıñ şetki böliginde ornalastıru arqılı  halıq köp şoğırlanğan jerdegi  auanıñ lastanuınan saqtandıru bolıp tabıladı. Qazirgi tañda elimizde birneşe industriyaldı aymaqtar jwmıs istep jatır jäne olar naqtı nätije körsetip jatır deuge negiz bar.

- Oblıs ortalığında «Oñtüstik» jäne «Ordabası» industriyaldı aymağı jwmıs isteude. «Ordabasınıñ» özindik erekşeligi nede?

- Mäselen, «Ordabasınıñ» jer aumağı  143 gektardı qwraydı jäne birneşe bölikke bölingen, infraqwrılımımen ğimarattar, keñselik mekenjaylar qarastırılğan. Qazirgi tañda bizdiñ aymaqtıñ 200 jeke qızmetkeri kelgen adamdarğa öndiristiñ tiimdi şarttarın wsınuğa qızmet körsetedi. Aymaqtıñ basım bağıtı  maşina qwrastıru, himiyalıq önerkäsip, twrmıstıq tehnika men sauda qwral-jabdıqtarın jasau bolıp sanaladı. Mwnda kelgender kommunikaciya mäselesine bas qatırmaydı, su, jarıq, gaz, jılu jäne jeke ört söndiru bölimi bar. Bwdan bölek, bizdiñ aymaq oblıstağı iri logistikalıq ortalıq bolıp tabıladı. «Ordabasıdağı» kommunaldıq qızmet qwnı Şımkentke qarağanda 30 payız arzan. Mäselen bir killovat elektr energiyası 9 teñge twradı, bwl qalada 16 teñgeni qwraydı. Mine, osınday tiimdi jağday jasau arqılı bizdiñ aymaqta qanşama öndiris orındarı iske qosılıp, jwmıs istep jatır. Öz kezeginde atqarılğan jwmıstar öz nätijesin berude. Bizde jerdi jalğa alu qwnı da birşama arzan. Öndiris qızmetkerlerine arnalğan jataqhana, ashanağa arnalğan ğimarattar da qarastırılğan.  Aytpaqşı, joba iske qosılğannan bastap alğaşqı tauar şıqqanğa deyingi merzim eki aydan kem emes. Jalpı aytqanda, isin örkendetemin degen adamğa mwnda  barlıq jağday jasalğan.

- Büginge deyin qanday öndiris orındarı iske qosıldı?

- Qazir industriyaldı aymaqta 1300 adam jwmıs isteytin 30 käsiporın iske qosılğan. Maşina qwrastıru, metallkonstrukciya önerkäsibi, avtokölikterdiñ äynekteri, plastikalıq terezeler, PVH  önimderi, qwrılıs materialdarı, motor mayları, energiya ünemdegiş lampalar, tipti jılıjay şaruaşılığına qajetti qwral-jabdıqtar şığarıluda. Keleşekte aymaqta bes mıñ adam jwmıs isteytin jüzge juıq käsiporındardı iske qosudı josparlap otırmız. Bizdiñ maqsatımız  käsipkerlerge körsetiletin qızmet sapasın jetildiru jäne olardıñ nätijeli jwmıs isteuin baqılau. 2011 jılı tauarlardıñ jük aynalımı 2929 vagondı, yağni 203074 tonnanı qwradı. Qosımşa paydalanılmağan jerlerdi igeru arqılı jaña käsiporındar aşılıp, nätijesinde 3000 vagonğa, yağni 300 mıñ tonna türli önimderge wlğaytıldı. Bügingi tañda «Ordabası» industriyaldı aymağınan öndiriletin tauarlar alıs-jaqın şetelderge jöneltilude. Juıq arada biz Türkiyanıñ «Ostim» önerkäsip aymağımen birlesip qazaq-türik aymaqtıq öndiris ortalığın qwru jobasına dayındıq üstindemiz. Bwl Türkiya, Egipet, Irak, Soltüstik Afrika, Oñtüstik-şığıs Aziya elderindegi industriyalıq zonalarında damığan joba. Mwnday seriktestik bizdiñ öñirdegi ärtürli bağıttağı joğarı tehnologiyalı önerkäsiptiñ esebinen  industriyaldı sektordıñ damuına zor mümkindik beredi.

- Demek, Siz Şımkenttiñ önerkäsipti jañğırtu isinde köşbasşı bola alatınına senimdisiz ğoy?

- Nege bolmasın! Bizdiñ qalamızdıñ geografiyalıq jağınan tiimdi ornalasuı, onıñ Euraziyanıñ ortalığı boluı ekonomikalıq qarım-qatınastardıñ damuına ülken septigin tigizedi. Tipti, Şımkent iri tranzittik joldardıñ torabında twr. Onıñ üstine, Özbekstan, Qırğızstan elderimen şekaralas bolu körşi elderdiñ narığına önim ötkizu mäselesinde aytarlıqtay qarjılıq şığın orın almaydı. Bwdan bölek, Qazaqstan ekonomikanıñ alıbı  - Qıtaymen şekaralas. Sondıqtan, Şımkent   mwnday seriktestikke, önim şığaru men ötkizu isine öte ıñğaylı märe alañı üşin zor mümkindik bolıp tabıladı.

Swhbattasqan - Erğali Qayırken

0 pikir