Mәskeu oblysyndaghy tәjik migranttarynyng aituynsha, songhy bir aptada polisiya qyzmetkerleri migranttardy birneshe mәrte tekserip, birnesheuin ústaghan.

Adam qúqyqtaryn qorghaushylardyng pikirinshe, Istra audanynda "Pyaterochka" dýkenine shabuyldan song migranttargha qysym kýsheygen. Biyl 9 aqpangha qaraghan týnde bolghan shabuyldan dýkenning 51 jastaghy kassa qyzmetkeri qaytys boldy, dýken qojayyny men әieli auruhanagha týsti. Polisiya shabuylgha qatysy bar delinetin tórt kýdiktini ústaghan. Reseylik aqparat qúraldary olardyng tәjik azamattary ekenin jazghan.

Sodan beri aimaqtaghy enbek migranttarynan maza ketti, deydi Umarshoh esimdi tәjik azamaty. Onyng aituynsha, polisiya qyzmetkerlerine aimaqty qylmys jasauy mýmkin adamdarda tazartugha tapsyrma bergen. Degenmen jergilikti polisiya múnday mәlimetti rastamady, teristegen de joq.

"Bir aqymaqtyng kesirinen biz zardap shegip jatyrmyz. Búghan deyin de keremet emes edi, endi tipti qiyn boldy. Tekseruden kóz ashpaymyz", - deydi Umarshoh. Enbek migranttarynyng qúqyqtaryn qorghaushy Múhammadjon Sobirovtyng aituynsha, bir aptanyng ishinde Istrada shamamen 100 adam ústaldy. Tәjikstannyng Reseydegi elshiligi azamattardan shaghym týskenin rastady. Qazir Reseyde bir millionnan astam tәjikstandyq júmys istep jýr.

Abai.kz