Cyrtqy Ister ministri Múhtar Tileuberdi «Habar 24» arnasyna qysqasha súhbat berdi. Syrtqy sayasatty qamtyghan súhbatta ol Qazaqstannyng Ukrainagha qatysty pozisiyasyn da naqtylay ketti.

«Qazaqstan yadrolyq qarudan bas tartqan beybitshilikti jaqtaytyn memleket ekenin aitqym keledi. Biz halyqaralyq qatynastaghy barlyq janjaldy beybit sheshudi qoldaymyz. Bizding elimiz Resey-Ukraina qaqtyghysynyng kelisim arqyly, diplomatiya negizinde sheshilgenin qalaydy. Qaqtyghystyng alghashqy kýnderinde preziydent Qasym-Jomart Toqaev Resey preziydentine jәne Ukraina preziydentine habarlasyp, qaqtyghysty beybit formatta, kelisim arqyly sheshuge shaqyrghan bolatyn. Qazaqstan jalpy tendik pen qauipsizdikti qoldaydy jәne 2010 jyly EQYÚ sammiyti boyynsha Astana deklarasiyasynda jazylghan prinsipterdi ústanady. Qazaqstannyng Reseymen tarihi, mәdeni, gumanitarlyq baylanysy tyghyz. Álemdegi eng úzyn qúrlyq shekarasy arqyly biz ekonomikalyq jәne gumanitarlyq baylanystardy saqtaugha, damytugha niyettimiz. Sayasy jәne qúqyqtyq túrghydan biz seriktes jәne әriptespiz. Qaqtyghys ayaqtalghan song biz Ukrainamen tyghyz baylanysymyzdy jandandyratyn bolamyz. Búl eki elding әskery qaqtyghysy bizding otandastarymyz ýshin auyr kýrsinispen qabyl alyndy. Sondyqtan biz Kiyev pen Mәskeu jaqyn aralyqta búl qaqtyghysty beybit jolmen sheshuding jolyn tabatyn shyghar dep ýmittenemiz», - deydi ministr.

Jurnalistting «Kiyev pen Mәskeu arasyndaghy kelissózder qalay ayaqtaluy mýmkin» degen súraghyna ministr bylay dep jauap qatty: «Biz kelissózder barysyn múqiyat qarap otyrmyz jәne qanday da bir kelisim jasau mýmkindigine qol úshyn bergimiz keledi. Qazaqstan búl qaqtyghysty beybit sheshudi qolday otyryp, halyqaralyq qauymdastyqtyng mýshesi retinde gumanitarlyq mәseleler sheshiluin, qaqtyghystyng ayaqtaluyn qalaydy. Týrkiya úiymdastyrghan formatty qoldaymyz. Kelissózder Donbass statusyn anyqtap, sanksiyalardy alyp tastaugha, qaqtyghystyng ary órshimey, kelisimge әkeledi dep senemiz».

Sanksiyalargha qatysty ministrding oiy kelesidey: «Bizding elimiz halyqaralyq qatynasta sanksiyalardy qysym kórsetu kýshi retinde qoldanugha qarsy, әriyne oghan BÚÚ qarary arqyly salynghan sanksiyalar jatpaydy. Ekonomikalyq nemese sayasy sanksiyalar halyqaralyq arenada qaqtyghystar men daulardy retteuding tiyimdi joly emestigin kórip otyrmyz. Sondyqtan Qazaqstan Reseyge salynatyn sanksiyalargha qosylugha niyetti emes. Óz memlekettik mýddemiz tarapynan búl sanksiyalardyng bizding ekonomikamyzgha keri әseri tiymeui ýshin sharalar qabyldap jatyrmyz. Qazaqstan Ýkimeti qazir osy mәsele boyynsha Batystyq әriptesterimizben kelissózder jýrgizude. Janama sanksiyalar salynbau ýshin Qazaqstan óz aumaghynan sanksiyalardy ainalyp ótuge jol bermeydi. EEO mýshesi retinde, DSÚ mýshesi retinde Qazaqstan Reseymen de, ózge eldermen de tauar jәne sauda qatynasyn damyta bermek. Áriyne, әlemdegi iri ekonomikanyng biri sanalatyn Resey ekonomikasynyng oqshaulanuy әlemdik ekonomikagha keri әserin tiygizedi».

Búghan deyin de Qazaqstan biyligi Reseyge salynghan sanksiyalardy bizding aumaq retinde ainalyp ótuge jol berilmeytinin atap ótken bolatyn.

Ashat Qasenghaliy

Abai.kz