Otbasy qayda túryp jatqany jayynda әr deputat ózi jauap berui kerek. Búl pikirdi Mәjilis tóraghasy Erlan Qoshanov aitty, dep habarlaydy QazAqparat tilshisi.

Mәjilisting jalpy otyrysynan keyin tilshiler E.Qoshanovtan búrynghy deputat jәne qazirgi Ghylym ministri Sayasat Núrbekting otbasy shetelde túryp jatqany qanshalyqty etikagha say keletinin súrady.

«Mening oiymsha, keshe Sayasat Núrbek ózining otbasy ne sebepti shetelde ekenin týsindirgen siyaqty. Ekinshiden, ol tórt ay búryn ghana deputat retinde keldi. Oghan deyin S.Núrbek deputat bolmaghan edi. Yaghny salyq tóleushiler esebinen budjetten jalaqy almady. Sondyqtan búl onyng tandauy boldy», - dedi Mәjilis tóraghasy.

Osy orayda ol qanday da bir tekseru bolmaytynyn aitty.

«Ár deputat sizderdin, halyqtyng aldynda balalary qayda oqyp jatqany, otbasy qayda túryp jatqany jayynda ózi jauap berui kerek. Men ózime qatysty jauap bere alamyn, mening balalarym qarapayym mektepte bilim aldy», - dedi E.Qoshanov.

Sonymen qatar ol Mәjiliste etika komissiyasy bar ekenin, deputattargha qatysty mәsele onda qaralmaghanyn aitty. Jaqynda Ghylym jәne joghary bilim ministri lauazymyna taghayyndalghan Sayasat Núrbek balalaryn nege shetelde oqytqanyn týsindirdi.

«Onyng ýsh sebebi bar, eng aldymen júbayymnyng densaulyghynda kinәrat bar, oghan naqty medisinalyq úsynym da bar. Ekinshiden, balalarymdy Qazaqstandaghy jeke mektepterde oqytugha qarajatym jetpedi, ýshinshiden, Kiprde britandyq formattaghy jaqsy aghylshyn mektebi boldy. Biraq uayymdamanyzdar, 26 mausym kýni balalarym Qazaqstangha úshyp keledi», - dep jauap berdi ministr.

Abai.kz