Ukrainalyq sayasatker Anton Gerashenko Toqaevtyng Qazaqstandy týbegeyli demokratiyalandyru turaly sheshimi kórshiles Reseylik sayasatkerler ýshin «atom bombasy» bolatynyn aitty.

Preziydent Qasym-Jomart Toqaev elde kezekten tys preziydent saylauyn 2022 jyldyng kýzinde ótkizudi, eldegi preziydenttik biylik jýiesin aitarlyqtay ózgertudi úsyndy. Qazaqstan Preziydenti ómirinde bir ret qana qyzmet atqara alady. Ókilettik merzimi – 7 jyl. Eger úsynys qabyldansa, Toqaev merziminen búryn saylau jariyalap, oghan barugha dayyn.

Kelesi preziydenttik saylau 2024 jyly, al parlament saylauy 2025 jyly ótui tiyis. Úsynylghan bastamalar maqúldansa, kelesi preziydent biyl kýzde saylanady. Al 2023 jyldyng birinshi jartysynda parlamenttik saylau ótedi. Qazirgi preziydent Toqaev birden birneshe reformalyq bastama kóterdi.

Qantar oqighasyna qatysushylargha raqymshylyq jariyalandy. Áyelder ýshin zeynet jasy 63-ten 61-ge deyin tómendetildi. Qazaqstan Últtyq qorynyng jyldyq investisiyalyq kirisining 50 payyzyn jylyna bir mәrte әrbir kәmeletke tolmaghan azamattyng shotyna audaryp úsyndy.

Ukraina Ishki ister ministrligi basshysynyng kenesshisi Anton Gerashenko ózining Telegram arnasynda úsynylghan sayasy bastamalar memleketti demokratiyalandyrudyng qaytarymsyz prosesi ekenin jәne kórshiles Reseylik sayasatkerler ýshin «atom bombasyna» ainalatynyn atap ótti.

«Toqaev aitqan iydeyalar Reseylik sayasatkerler ýshin atom bombasy bolyp tabylady. Qazaqstan Preziydenti Putindik Reseymen emes, órkeniyetti әlemmen birge bolatynyn kórsetti. Qazaqstanda demokratiyalandyrudyng qaytymsyz prosesteri bastaldy», - dedi Gerashenko.

Kerimsal Júbatqanov

Abai.kz