Býgin, san týrli aqparattar aghynyn qarap otyryp, ózimdi tang qaldyrghan bir derekterdi kórip, shynyn aitqanda, antarylyp qaldym. Meni tang qaldyrghan janalyq – Últtyq bankining tóraghasy Ghalymjan Pirmatov myrzanyng ótken jylghy inflyasiya turaly bergen maghlúmaty bolatyn. Bas bankirding aituynsha, 2022 jylghy inflyasiya 20,3 payyzdy qúrapty. Al azyq-týlik baghasynyng ósui 25,3 payyzgha jetken kórinedi.

Sonyng aldynda «Ukraina shyndyghy» saytyn qarap shyqqan bolatynmyn. Sondaghy aqparat esime týsip, sol saytqa qayta oraldym. Oraldym da, óz kózime ózim senbedim. Ukrainanyng 2022 jylghy inflyasiya kólemi – 26,6 payyz eken! Mýmkin emes. Aydyn, kýnning amanynda, bizding mamyrajay elimizdegi inflyasiya on bir ay qandy qyrghynnyng ortasynda otyrghan, jýzdegen zauyt-fabrikalary jermen-jeksen bolghan, energetika kózderining teng jartysy isten shyqqan, territoriyasynyng besten biri okkupasiyagha týsken, ekonomikany maydan qajettiligine beyimdeuge mәjbýr bolghan, milliondaghan azamattary shet elge qonys audarghan eldegi inflyasiya kólemine jaqyndap qalypty.

Qúdaygha shýkir, bizde bәri tynysh. Jút bolghan joq, jer silkinip, qalalarymyz qiraghan joq, múnayymyz tausylghan joq, kerek deseniz, eginimiz de biyl bitik shyqty.  Biraq, nege ekeni belgisiz, qymbatshylyq basyp, tirshilik qysyp barady. Nege ekeni belgisiz, tozaqtyng ortasynda túrghan Ukrainagha da jetip qalyppyz. Kim jauap beredi? Álde búl da «memlekettik qúpiyagha» jatady ma?

Qysqasy, bәri de salystyrudan kórinedi eken.

Búl – «Jana Qazaqstannnyn» alghashqy jәne búryn-sondy bolmaghan «jetistigi». Alla qazaqqa jer de, mal da, jer astynyng baylyghyn da, aqyldy da enbekqor halyq ta berdi. Biraq, sol baylyqty iygerip, halyqtyng yrysyna ainaldyratyn, el basqarugha layyqty aqyldy adamdardy bermepti.

Dos Kóshim      

Abai.kz