Býgingi satira

Ýkimetke energetika jәne qarjy ministrligining ókilderi palau jeuge kelgen joq. Elimizding key ónirlerin gazdandyru mәselesining mýiizin qaghyp tastap, mayyn tamyzu jóninde sóz boldy.

Tóragha últy orys deputat Gennadiy Keremetovichke sýiek emes, sóz berdi. Deputat taza qazaq tilinde bylay dedi:

– Mening gaz salasyna qarasty ministrlik ókiline qoyar súraghym mynaday: Qyzylorda oblysy, Aral audanyndaghy bir eldi mekende 13 myngha juyq halyq túrady. Avtomattandyrylghan gaz stansiyasy salynyp jatyr. Ishki gaz taratu salasy ýshin, 422 milliard tengege ótinim berilgen eken. Alayda, ministrlik búl qarjyny kýzge qaldyryp otyrmyz deydi. Jaraydy, kýzde berilsin, tenderi bar, basqasy bar, mәsele qys ailaryna sozylyp ketedi. Qazaqta jaqsy sóz bar ghoy, «Qystyng qamyn jaz oila» – degen. Sonda, halyq kógildir otynsyz qalay otyrady? Osyghan jauap berseniz?

– Gaz degen iyә, kógildir, – dedi ministrlikten kelgen ókil kibirtiktep. – Gaz degen gaz ghoy. Gaz bolsa, halyq mәz bolady. Nu, iysi jaman...

– Negizgi mәseleni aitynyz, – dedi tóragha tomsyrayyp.

– Gaz degenimiz – gaz. Ol kógildir bolyp janady. Gazdyng aty – gaz...

– Keshiriniz, gazgha sipattamanyng keregi joq. Nege qarjy jedel bólinbeydi, – dedi tóragha.

– Nu...  A, mojno, po russkiy? Gaz – eto gaz. Goluboy gaz...

– Siz ne aityp kettiniz? Kim goluboy?

– Net, gaz... Gaz – eto zapah. Gaz eto – jizni y smerti.

– Nege smerti?

– Nu.. gaz iysi shyqsa, ludy na tot svet...

– Siz mýlde dayyndalmay kelipsiz. Gazdyng iysi múrnynyzgha barmaydy? Apparat basshysy bolyp qalay otyrsyz?

Apparat basshysy ornynan túryp, esikke qaray bettedi.

– Otyrynyz, qayda barasyz?

– Men... Men gaz iyiskep keleyin dep edim...

Otyrghandar qúlap qaldy, bir – ekeui jylap qaldy, al biri-birinen: «Ministrlikte misyzdar jinalghan ba?» – dep súrap qaldy. Oi, Allay, osynday da bolady eken, misyzdarmen halyq qalay onady eken?

Múhtar Sherim

Abai.kz