Jaqynda AQSh-tyng búrynghy memleket ister hatshysy Pampeonyng ómir bayandyq kitaby jaryq kórgeni belgili. Amerika dausynyng tilshileri Pampeo myrzadan kitaby jayly arnauly súhbat alghan.

Tilshi: Siz kitabynyzdyng bir tarauyn kommunistik biylikting qauiptiligine arnapsyz. Tipti, Qytay basshysyn «dýniyedegi eng qauipti adam depsiz». Ne ýshin?

Pampeo: Qytay qazir búrynghy Qytay emes, Shiyding dara biyligi. Kezinde әskery gimnaziyadan ýirengenim: qarsylasyndy baghamdau ýshin kýshi men betalysyna qarau kerek. Biz Qytaydyng gharysh, qorghanys, internet salasyndaghy quatyn kórip otyrmyz. Milliardtan astam tútynushysy bar iri ekonomikalyq alyp memleket. Amerikagha ghana emes, kýlli әlemge әser ete alady. Al betalysyna kelsek, Shy tóraghanyng әlemge yqpal etu pighyly әshkerelenip keledi, sol maqsatta qarqyndy júmys jýrgizude. Bizding bilim menshik qúqymyzdy úrlap, AQSh-tyng enbek naryghyn jaulauda. Ádil bәsekeni әlde qashan úmytqan. Búryn biz qúndylyqtarymyz úqsamasa da, sauda baylanysy arqyly Amerika mýdesin oilaydy dep senip edik. Býgin olardyng kerisinshe qimyldap otyrghanyna kózimiz jetti. Shy tóragha әlem tap bolyp otyrghan eng myqty qarsylas. Bizding úrpaqtarymyzdyng amerikalyq ýlgidegi ómir súru formasyna eng ýlken qauip.

Tilshi: Ukraina soghysyna bir jyl tolghanda, Qytay Reseyge әskery qaru beredi eken degen aqpar shyqty. Siz Putinmen de kezdeskensiz, onyng ózi men ainalasyn jaqsy bilesiz. Kezinde Putindi rayynan qaytarugha bolar ma edi? Qazirde soghysty toqtatugha tetikter bar ma?

Pampeo: Bizding Tramp ýkimeti kezindegi atqarghan júmystarymyz Putindi shoshytty. Biraq ol ózgergen joq. Men onymen kóp kezdestim. Ol Kenes odaghynyng ydyrauyn eng ýlken qylmys dep sanaydy. Europadan Reseydi joghary qoyghysy keledi. Bәri qauipti baghamdauyna baylanysty. Barak Obama kezinde Putin Ukraina jerining besten birin jaulap aldy. Tramp kezinde synyq sýiem jer de alghan joq, Europagha da azu kórsete almady. Biraq jana preziydent kelgen song Putin qatigez soghysty bastady. Kәri qúrlyqqa qauip tóndirdi. Putindi auyzdyqtaugha bolar edi. Biz kezinde oghan teris qadamnyng qanday zardapqa әkilitinin jintiktep týsindirdik. Bayden biylikke kelgen song Putin keler qauip joq dep sanady. Europagha soghys ashty.

Tilshi: Kitabynyzdaghy Soltýstik Koreyagha qatysty bólekterge toqtala ketseniz?

Pampeo: Iә mening kóp uaqytym Soltýstik Korey men onyng basshysyna saryp boldy. Biz Soltýstik Korey basshysyn atom qaruyn jasaudan bas tartsa, baqytty ómirge qol jetkizetinderine sendiruge tyrystyq. Betpe-bet kezdesude onyng halyqtyng qamyn oilamaytyn qatigez adam ekenini kóz jetkizdim. Men Soltýstik Korey eline alghash 2018 jyly bardym. Ol kezde ortalyq barlau mekemesining basshysy edim. Amerikalyq bir jas Korey týrmesinde azaptalyp, artynan Amerikagha jetkizilgen son, zoryghudan kóz júmdy. Maghan búl jaghday auyr tiydi.

Ekinshi ret baruym ýsh amerikalyqtyng zansyz tútqyndaluyna baylanysty boldy. Men Korey basshysyna ýsh azamatty qoya berudi, ózimmen birge alyp ketuge kelgenimdi aittym. Kezdesu ayaqtalyp, úshugha sanauly minuttar qalghanda ýsh amerikalyqty әuejaygha alyp keldi. Biz eshqanday saudalasqan joqpyz. Olar menimen birge amerikagha aman-esen qaytty. Kimdi bolsa da әserlerdiretini anyq.

Tilshi: Siz Soltýstik Korey, Resey, Qytay basshylarymen, tipti Irannyng atyshuly genaralymen de kezdestiniz. Amerikagha qaysysy eng qauipti dep qaraysyz?

Pampeo: Mening oiymsha Qytay basshysy. Ol óte suyq, qatal. Ol biylikti qalay paydalanudy biledi, tap bolyp otyrghan qiyndyqtarynda jaqsy biledi.

Halyq sany daghdarysyn da, ózining biyligine keletin qauipti de bәrin baghamday alady. Qazir ol ómir boyy tóragha bolugha bekindi. Ózining algha qoyghan maqsatyn oryndaugha kirisip ketti. Tayuandy qaytaryp aluda sonyng ishinde.

Ázirlegen Esbol Ýsenúly

Abai.kz