"Biz japsarlas sanksiyalargha baylanysty tәuekelderdi jaqsy týsinemiz, sol sebepti әriptesterimizding barlyghymen tauar alamasudy múqiyat baqylaymyz", – deydi basylym derekkózi. Onyng aituynsha, Qazaqstan reeksportty azaytu baghytynda ýnemi júmys istep keledi.
Qazaqstan últtyq statistika jónindegi buro mәlimetinshe, 2022 jyly Qazaqstannan Reseyge tauar eksporttau kórsetkishi 25 payyzgha artqan.
AQSh pen Euroodaq Qazaqstan Reseyge sanksiyalardy ainalyp ótuge kómektesti dep esepteydi. Batys Ukrainagha soghys ashqan Reseyge sanksiyalar salghan. Qazaqstan biyligi Reseyge shekteulerdi ainalyp ótuge kómektespeytinin birneshe mәrte mәlimdegen. Búnyng alynda Bloomberg Resey zymyran jasaugha paydalanatyn mikrochipterdi ýshinshi bir elding kómegimen alyp otyrghanyn habarlaghan. Agenttik múnday mәlimetti europalyq lauazymy joghary bir diplomatqa silteme jasay otyryp taratqan.
Nauryzdyng basynda Qazaqstanda bolghan AQSh memlekettik hatshysy Entony Blinkenning aituynsha, AQSh sanksiyalardyng Reseyge kórshi elderge qalay әser etip jatqanyn "múqiyat baqylap otyr". Blinkenning mәlimdeuinshe, Qazaqstandaghy kompaniyalar Resey biznesimen baylanystyng barlyq týrinen bas tartuy tiyis. Qazaqstan syrtqy ister ministrligi eki el arasyndaghy sauda prosesterin basqaru onay emestigin moyyndaghan.
Eurostat mәlimetinshe, saknsiya engizilgen song Europadan Reseyge tauar eksporttau kórsetkishi 2022 jylghy nauryz-qarasha ailarynda 47 payyzgha tómendep, 36,3 mlrd euro ghana bolghan. Degenmen europalyq tauarlardyng Belarusi, Armeniya, Qazaqstan, Gruziya, Ózbekstan jәne Qyrghyzstan sekildi elderge eksporty 48 payyzgha artyp, 20,3 mlrd eurogha jetken.
Abai.kz
