ء"بىز جاپسارلاس سانكتسيالارعا بايلانىستى تاۋەكەلدەردى جاقسى تۇسىنەمىز، سول سەبەپتى ارىپتەستەرىمىزدىڭ بارلىعىمەن تاۋار الاماسۋدى مۇقيات باقىلايمىز", – دەيدى باسىلىم دەرەككوزى. ونىڭ ايتۋىنشا، قازاقستان رەەكسپورتتى ازايتۋ باعىتىندا ۇنەمى جۇمىس ىستەپ كەلەدى.
قازاقستان ۇلتتىق ستاتيستيكا جونىندەگى بيۋرو مالىمەتىنشە، 2022 جىلى قازاقستاننان رەسەيگە تاۋار ەكسپورتتاۋ كورسەتكىشى 25 پايىزعا ارتقان.
اقش پەن ەۋرووداق قازاقستان رەسەيگە سانكتسيالاردى اينالىپ وتۋگە كومەكتەستى دەپ ەسەپتەيدى. باتىس ۋكرايناعا سوعىس اشقان رەسەيگە سانكتسيالار سالعان. قازاقستان بيلىگى رەسەيگە شەكتەۋلەردى اينالىپ وتۋگە كومەكتەسپەيتىنىن بىرنەشە مارتە مالىمدەگەن. بۇنىڭ الىندا Bloomberg رەسەي زىمىران جاساۋعا پايدالاناتىن ميكروچيپتەردى ءۇشىنشى ءبىر ەلدىڭ كومەگىمەن الىپ وتىرعانىن حابارلاعان. اگەنتتىك مۇنداي مالىمەتتى ەۋروپالىق لاۋازىمى جوعارى ءبىر ديپلوماتقا سىلتەمە جاساي وتىرىپ تاراتقان.
ناۋرىزدىڭ باسىندا قازاقستاندا بولعان اقش مەملەكەتتىك حاتشىسى ەنتوني بلينكەننىڭ ايتۋىنشا، اقش سانكتسيالاردىڭ رەسەيگە كورشى ەلدەرگە قالاي اسەر ەتىپ جاتقانىن "مۇقيات باقىلاپ وتىر". بلينكەننىڭ مالىمدەۋىنشە، قازاقستانداعى كومپانيالار رەسەي بيزنەسىمەن بايلانىستىڭ بارلىق تۇرىنەن باس تارتۋى ءتيىس. قازاقستان سىرتقى ىستەر مينيسترلىگى ەكى ەل اراسىنداعى ساۋدا پروتسەستەرىن باسقارۋ وڭاي ەمەستىگىن مويىنداعان.
ەۋروستات مالىمەتىنشە، ساكنتسيا ەنگىزىلگەن سوڭ ەۋروپادان رەسەيگە تاۋار ەكسپورتتاۋ كورسەتكىشى 2022 جىلعى ناۋرىز-قاراشا ايلارىندا 47 پايىزعا تومەندەپ، 36,3 ملرد ەۋرو عانا بولعان. دەگەنمەن ەۋروپالىق تاۋارلاردىڭ بەلارۋس، ارمەنيا، قازاقستان، گرۋزيا، وزبەكستان جانە قىرعىزستان سەكىلدى ەلدەرگە ەكسپورتى 48 پايىزعا ارتىپ، 20,3 ملرد ەۋروعا جەتكەن.
Abai.kz
