Júma, 29 Nauryz 2024
Biylik 1906 2 pikir 5 Mausym, 2023 saghat 14:17

Qazaqstan: Orysta bar múnay bizde de bar!

Qazaqstan preziydenti Qasym-Jomart Toqaev Germaniyagha tasylatyn múnaydyng bir jyldyq kólemin 200 myng tonnadan 1,2 mln tonnagha deyin jetkizudi úsyndy. Búl turaly Qazaqstan basshysy Sholpan atada ótken "Ortalyq Aziya – Europa odaghy" sammiytinde mәlimdedi.

Qazaqstan 2023 jyldyng bes aiynda Germaniyadaghy múnaydy qayta óndirushi "Shvedt" zauytyna 90 myng tonna múnay jetkizgen. Astana jyl sonyna deyin búl kólemdi 200 myng tonnagha deyin jetkizudi josparlaghan. Biraq Toqaev sammitte búl kólemdi eng az degende alty esege kóbeytse bolatynyn aitty.

"Búl kórsetkishti bir jylda 1,2 mln tonnagha jetkizu mýmkindigi bar", - dedi qazaq preziydenti.

"Shvedt" zauyty Ukrainada soghys bastalghangha deyin Reseyding "Rosnefti" kompaniyasyna tiyesili bolghan.

Qazaqstan Euroodaqqa múnay jetkizudi biyl kóbeytti. Últtyq statistika burosy mәlimetine sәikes, Euroodaqqa biylghy jyldyng birinshi toqsanynda 71% múnay eksporttalghan. Byltyr búl kórsetkish 65% ainalasynda bolghan.

Germaniyadan basqa qazaq múnayyn Italiya da satyp alady. Búl ólkege múnay jetkizu biylghy jyldyng birinshi toqsanynda 38% qúrady. Byltyr búl kórsetkish 28% bolghan. Al Fransiyagha eksporttalghan qazaq múnayynyng kólemi 5 payyzdan 7%, Rumyniyagha 4 payyzdan 7% ósken.

"Vedomosti" basylymy 2023 jyly qantarda Germaniya Reseyden 1 mln tonna múnay alghanyn jazdy. Eger Qazaqstan kólemin kóbeytse, onda orys múnayyn tolyq almastyruy mýmkin.

Alayda qazaq múnayy Germaniyagha Resey aumaghyndaghy "Dostyq" qúbyry arqyly jetedi. Kólemdi kóbeytu ýshin Qazaqstan Reseyding energetika ministrliginen rúqsat aluy kerek.

Reseyding múnaydan týsken tabysy 2023 jyldyng qantar-aqpan ailarynda 52% qysqarghan. Nauryz aiynda memlekettik budjet tapshylyghy 2,4 trillion rubliden 3,4 trln rubligha kóbeygen.

Euroodaq elderi 2022 jyldyng jeltoqsan aiynda orys múnayyna shekteu qoyghan. Eki aptadan keyin orys gazyna da shekteu engizdi.

Qaztay Ayana Serikqyzy

Abai.kz

2 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1578
Alashorda

Qojanov mejeleu nauqanynda (Jalghasy)

Beybit Qoyshybaev 2280
Ghibyrat

Qaysar ruhty ghaziz jan

Múhtar Qúl-Múhammed 3601