دۇيسەنبى, 15 شىلدە 2024
بيلىك 2042 2 پىكىر 5 ماۋسىم, 2023 ساعات 14:17

قازاقستان: ورىستا بار مۇناي بىزدە دە بار!

قازاقستان پرەزيدەنتى قاسىم-جومارت توقاەۆ گەرمانياعا تاسىلاتىن مۇنايدىڭ ءبىر جىلدىق كولەمىن 200 مىڭ توننادان 1,2 ملن تونناعا دەيىن جەتكىزۋدى ۇسىندى. بۇل تۋرالى قازاقستان باسشىسى شولپان اتادا وتكەن "ورتالىق ازيا – ەۋروپا وداعى" سامميتىندە مالىمدەدى.

قازاقستان 2023 جىلدىڭ بەس ايىندا گەرمانياداعى مۇنايدى قايتا ءوندىرۋشى "شۆەدت" زاۋىتىنا 90 مىڭ توننا مۇناي جەتكىزگەن. استانا جىل سوڭىنا دەيىن بۇل كولەمدى 200 مىڭ تونناعا دەيىن جەتكىزۋدى جوسپارلاعان. بىراق توقاەۆ سامميتتە بۇل كولەمدى ەڭ از دەگەندە التى ەسەگە كوبەيتسە بولاتىنىن ايتتى.

"بۇل كورسەتكىشتى ءبىر جىلدا 1,2 ملن تونناعا جەتكىزۋ مۇمكىندىگى بار", - دەدى قازاق پرەزيدەنتى.

"شۆەدت" زاۋىتى ۋكراينادا سوعىس باستالعانعا دەيىن رەسەيدىڭ "روسنەفتي" كومپانياسىنا تيەسىلى بولعان.

قازاقستان ەۋرووداققا مۇناي جەتكىزۋدى بيىل كوبەيتتى. ۇلتتىق ستاتيستيكا بيۋروسى مالىمەتىنە سايكەس، ەۋرووداققا بيىلعى جىلدىڭ ءبىرىنشى توقسانىندا 71% مۇناي ەكسپورتتالعان. بىلتىر بۇل كورسەتكىش 65% اينالاسىندا بولعان.

گەرمانيادان باسقا قازاق مۇنايىن يتاليا دا ساتىپ الادى. بۇل ولكەگە مۇناي جەتكىزۋ بيىلعى جىلدىڭ ءبىرىنشى توقسانىندا 38% قۇرادى. بىلتىر بۇل كورسەتكىش 28% بولعان. ال فرانتسياعا ەكسپورتتالعان قازاق مۇنايىنىڭ كولەمى 5 پايىزدان 7%، رۋمىنياعا 4 پايىزدان 7% وسكەن.

"ۆەدوموستي" باسىلىمى 2023 جىلى قاڭتاردا گەرمانيا رەسەيدەن 1 ملن توننا مۇناي العانىن جازدى. ەگەر قازاقستان كولەمىن كوبەيتسە، وندا ورىس مۇنايىن تولىق الماستىرۋى مۇمكىن.

الايدا قازاق مۇنايى گەرمانياعا رەسەي اۋماعىنداعى "دوستىق" قۇبىرى ارقىلى جەتەدى. كولەمدى كوبەيتۋ ءۇشىن قازاقستان رەسەيدىڭ ەنەرگەتيكا مينيسترلىگىنەن رۇقسات الۋى كەرەك.

رەسەيدىڭ مۇنايدان تۇسكەن تابىسى 2023 جىلدىڭ قاڭتار-اقپان ايلارىندا 52% قىسقارعان. ناۋرىز ايىندا مەملەكەتتىك بيۋدجەت تاپشىلىعى 2,4 تريلليون رۋبلدەن 3,4 ترلن رۋبلعا كوبەيگەن.

ەۋرووداق ەلدەرى 2022 جىلدىڭ جەلتوقسان ايىندا ورىس مۇنايىنا شەكتەۋ قويعان. ەكى اپتادان كەيىن ورىس گازىنا دا شەكتەۋ ەنگىزدى.

قازتاي ايانا سەرىكقىزى

Abai.kz

2 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1210
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1904
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1953