Álqissa, búl sapardyng habary sәuirde shyqqan-dy. Bakuda túratyn Ázirbayjan aqyny Ayda Eyvazly apamyz habarlasyp, "Almas djan, men seni Antaliyagha bir jaqsy press turgha jazdyryp qoydym. Úsyndym, baryp, kórip, demalyp kelgeysin" degen. Eleng ete qalghanmen qatty qúlap sene qoymadym. "Qazaqta myqty jurnalist te, bloger de kóp qoy, bizdi tanday qoymas sirә" dep oilaghan boluymyz kerek.

Sәuirding sonynda Týrkiyadan Osman Qúrt esimdi jigit habarlasqan kezde әjeptәuir tanghaldyq. Osman dәl sol Ayda hanym habarlaghan press tur jóninde baylanysqa shyqqan eken. "Mausymnyng basynda teniz әbden jylynghan kezde kelip, qonaq bolyp, kermetti kózben kórip ketiniz, barlyq shyghyndy ózimiz kóteremiz" dedi...

Biz endi shynymen sene bastaghanday boldyq. Mamyrda Astana Antaliya baghytyna baru, qaytu biyletterin joldady.

Sonymen basyndy auyrtyp ne kerek, mausymnyng segizinshi júldyzy kýni tanerteng Astana әuejayynan "Antaliya, qaydasyn" dep úsha jóneldik.

Stambúlgha barghanymyz bar edi, Antaliyanyng ajaryna qanyq emes ek. Mausymnyng basyndaghy aua rayy maqpalday júmsaq qala qúshaq jaydy: sýngy berdik.

Áuejaydan shygha beriste aty-jónim jazylghan qaghazdy ústaghan jýrgizushige tayandym, "Merhaba, Almas bey" dep kóligine bastady. Jerorta tenizin jaghalap jiyrma minut jýrdik pe, jýrmedik pe... jerdegi Júmaqtyng qaqpasynan attadyq!

Bayou Villas - biz júmaqqa tenep otyrghan jauharday demalys oryny osylay atalady!

Lara Barut Collection qonaqýiler tizbegine kiretin ghajap villa - Islәm Jarylghapovtyng audarmasymen aitsaq, jannatjay biyl ghana ashylghan! Alghashqy qonaqtary әlemning әr elinen kelgen әnshi, akter, bloger, jurnalister eken, solardyng qatarynda Qazaq elinen biz de barmyz.

Qonaqýy keshenine kirgen jerde Osman Qúrt bauyrymyz qarsy aldy. Mening úmytynqyrap qalghan aghylshynym tilime oralyp, biraz sóilestik. Antaliyada tanghy toghyzdan endi ketken shaq, kýn ysy qoymaghan, Bayoudyng elgezek qyzmetkerleri asty-ýstime týsip elpildep jýr, Osmanym bayaghydan tanys adamday ishtesip әngime aitady, ghajap edi sol bir sәt.

Antaliyanyng Lara jaghalau aimaghy halyqaralyq әuejaygha eng jaqyn ornalasqan demalys zonasy. Búl jerdegi qonaqýiler salystyrmaly týrde arzan bolmaytynyn búryn da biletinbiz. Al, Bayou Villastyng nómiri 205 villasyna kirip, ornalasqan kezde ózimning qanday әlemge tap bolghanymdy sezdim...

Kózim kórgendi tilim jetkenshe bayandap kóreyin...
Ýsh qabatty jannatjay. Tómende bir qabat, múnda sauna, týrik hamamy, eki adamgha arnalghan arnayy massaj bólmesi, shaghyn jattyghu zaly men biliyard ýsteli ornalasqan.

Jer betindegi birinshi qabat - negizgi qabat. Múnda ýlken qonaq bólmesi. Kirip kelgende aldynnan keng zal ashylghanda qazaqtyng ýiine kirgendey әser alasyn. Ýstel ýstinde iyisi búrqyrap jana ýzilgen gýlder toly sebet, onyng janynda jemis pen jiydekting neshe týrine tola ýlken sebet.

Birinshi qabattaghy ekinshi bólmede eki bir kisilik tósek túr, sirә, balalargha arnalghan bólme. Osy tósekterding birine men jayghastym. Jeke juynatyn bólme, әjethana, garderob, janyna ne kerekting bәri bar.

Eng ghajaby - osy birinshi qabattan biz ózimizding villamyzdyng aulasyna shygha alamyz. Aulada ne bar deysiz be? Aulada synsyghan jataghan aghash, yrghala ósken boyshang gýlder, eng bastysy - basseyn bar! Bireu emes! Ekeu! IYә, bir villagha eki basseyn. Keng aula, birneshe shatyr, jaghalay qoyylghan júmsaq divan, basseynnen shyq ta aunay ket, eshkim "nege ýittin" demeydi. Rahat! Jannat demey kór endi!

Osylaysha, birinshi qabatqa tanghalyp bolyp ekinshi qabatqa kóterildik. Ekinshi qabattaghy ýlken zaldyng ortasynda eki adamgha arnalghan keng tósek. Kýn barynsha mol týsetin ýlken tereze, balkonyn ashyp ekinshi qabattaghy terrassagha shyqsanyz aldynyzdan ertegidey ghajap kórinis ashylady. Kórshi villalarda shulaghan balalar, demalyp jatqan sheteldikterding әr tildegi dauystary aralasyp Antaliya sәskesin aluan boyaugha toltyryp jiberdi. Kózben kórgenning bәrine tamsanyp, sóz joq tek emosiyamen bas shayqay bergenim esimde qalypty.

Osmannyng aituynsha, biz birinshi kýnimizde taza demalamyz, keshki as ýstinde ghana jolyghuymyz kerek bolghan. Alayda, Antaliyanyng jeligi jatqyza ma, úshaqtaghy az úiqynyng oryny tola jatar dep, Lara Baruttyng ailapat aumaghyn aralaugha shyqtyq. Jolbasshym sol Osman.

Osman - stambúldyq týrik. Kózi kógildir, biday óndi, jiyrenge jaqyn sary shashy siyrekteu, aghylshynshany әdemilep, bayau dauyspen sóileytin jigit.

- Almas bey, villagha ornalasqan qonaqtargha Laradaghy barlyq iygilik tegin, tez jetkiziledi. Siz villanyzdan shyqpasanyz da osy keshendegi barlyq qyzmet, barlyq susyn, barlyq tamaq týrleri aldynyzgha aparylady. Tenizdi alys deseniz, kólik shaqyrynyz. Týrik tәttilerimen shәy ishkiniz kelse, búiyrynyz. Balmúzdaq qalaysyz ba, telefon shalynyz. Tanghy asty tóseginizge әkelip bereyik pe, ony aitynyz...

Antaliyanyng aspanynda tengedey búlt joq. Qaz-qatar egilgen zәulim palimalardyng kólenkesimen Jerorta tenizine jaqyndap kele jattyq.

- Tóbesi qamyspen jabylghan mynau ýishikter - gavana dep atalady. Búl da sizderding iygilikteriniz. Qalaghan gavananyzgha ornalasyp, tanghy, týski nemese keshki asynyzdy osynda ishkiniz kelse, tenizge qarap otyryp auqattanghynyz kelse, Almas bey, aitynyz.

Men ishpey mas, jemey toqpyn. Kók shalghyndy tilip salghan asfalit bitip, qúmdauyt jaghalau bastaldy. Ashyq aidynnyng jaghasyna kelgende ong jaghymnan ghalamat kórinis ashyldy - Jerorta tenizining kekjiygen kógildir taulardyng etegin shayyp jatqanyn kórip tilim baylanyp qalypty. Osmannyng bir sózin estisem, bir sózin estimeymin, o toba✅

Kýnimiz tútas seruenmen, Lara Barut keshenimen tanysugha ketti. Toghyz restoran, jeti bar tamaqty da, susyndy da esepsiz taratyp jatyr. Ótip bara jatyp kóz aldynda syghylghan apelisin shyrynyn ish, ketip bara jatyr dәmi til ýiirgen týrik kebabyn tistey ket, qabaq shytqan kisi bolsashy...

Keshki salqynmen taghy da teniz jaghalauyna tarttyq. Ynyrana kýrsinip Jerorta tenizi jatyr. Kýn batyp, ymyrt endi ýiirilgen shaq. Týrik turizmining tanghajayybyn, Antaliya keremetining taghy birin osy kezde bayqadym. Biz túrghan tústan 20 shaqyrymday jerde ghana túrghan Antaliya әuejayyna alyp úshaqtar әr otyz sekund sayyn úshyp qonyp jatty. Bir úshaq jer bauyrlay bergen kezde endi bir úshaq kózge anyq kórinip qanaty dirildep kele jatady. Al, búl kezde ýshinshi úshaqtyng jylt jylt etken jaryghy búlt arasynan kórinip qap kele jatady. Sol úshaqtyng bәrinde Týrikting tamasha demalysyna, keremet qyzmetine asyghyp kele jatqan jolaushy toly ekenine kýmәn joq-ty.

Ekinshi kýni biz tanghy astan song Lara Barut Collection bas diyrektorynyng orynbasary, Antaliya keshenining basshysy Onur Chankayamen kezdestik. Óz júmysyn qatty jaqsy kóretin hәm óte jetik biletin Onur myrza bas ayaghy jiyrma minuttyng ishinde bizge býkil keshenning júmysyn tolyq bayandap shyqty.

- Dәl qazir bizding korporasiyada 8 000 adam júmys istep jatyr. Jazgha deyin údayy ósu ýstinde bolady jәne tamyzdyng sonynda on myng adamnan astam qyzmetkerge júmys tabylady.
- Bayou Villas kesheni iske biyl qosyldy. Bizdi tandaghan demalushylardyng komforty ýshin biz barymyzdy saldyq. Villalar eng songhy ýlgidegi qúrylys materialdarymen salyndy, ishindegi detalidargha qarajat ayalghan joq.
- Biz qazir Týrkiyadaghy tandauly qonaqýiler qataryndamyz. Al, bizding villalarymyz stiliindegi demalys oryndary óte siyrek, tipti joq desek te bolady.
- Týrik serviysi - býkil әlem moyyndaghan "bәri qamtylghan" - "all inclusive" stiliimen tanymal. Bizding bes júldyzdy villalarda "ultra all inclusive" dәrejesinde qyzmet kórsetiledi. Múnda siz óz villanyzdan shyqpay-aq barlyq qyzmet týrlerine ie bola alasyz!
- Tamaq pen susyn turaly Sizder óte jaqsy bilesizder dep senem. Desek te, sizderge beymәlim taghy bir aqparatym bar. Bizde "Tirmiys" atty restoran bar. Búl dәmhanada dәl qazir biz otyrghan jerden 100 shaqyrym qashyq ainaladan ghana әkelingen ónimder úsynylady. Et te, kókónis te, sýt te, bәri bәri osy Antaliya aimaghynyng tól dәmi. Biz ol restorangha býgin keshke birge baryp keshki as ishemiz-, dedi Onur Chankaya myrza.

Chankaya shapshang sóilep, shalt qimyldaytyn azamat eken. Mýmkin, qyzmeti de uaqytty tiyimdi paydalanugha mindeyttin shyghar, әr minutyn aqparatqa toltyryp, súraqtargha da naqty qysqa jauap berip, mәslihatty ayaqtady.

Osylaysha ekinshi kýnge josparlanghan júmystar da mәrege jetti, biz tanghy on kezinde azat boldyq. Aldymyzda teniz, týrli susyndar, tórt qabat ýidey attraksiondar men dәmi til ýiirer týrikting bay ashanasy túr edi.

Villamyzgha kelip resmiyleu kiyimderimizdi sypyryp tastap jaghajay demalysyna arnalghan kiyimderimizdi kiyip atyp shyghystyq. Ómir bizdiki!!!

Kelesi kýni Astana uaqytymen bir oyandym, telefonyma ýnilip jatyp taghy úiyqtap ketippin, Antaliya uaqytymen taghy bir oyandym da tósekten túra sala auladaghy basseynge kýmp sekirdim. Men búnday lәzzatty endi qashan sezinerimdi Qúday bilsin, sol sәt "Qúdaydyng bergen nyghmeti ghoy" dep sheksiz shýkir ettim. Rasynda búnday demalysqa әr qazaq jurnaliysi nemese blogeri layyq edi, solardyng biri kelui әbden mýmkin-di, biraq, sheber Qúday Almas Altaydy jarylqap túr ghoy.

Tanghy astan song biz Osman Qúrttyng bastauymen Antaliyanyng eski bóligi - Kale ichy - Qala ishi audanyna tarttyq. Bakudyng ortasyndaghy kóne Bakudy әzirbayjan aghayyndar "Icheri sheiyr" - Ishkeri shahar deydi ghoy. Búl da tap sol sekildi Antaliyanyng kóne bóligi, qazirgi Antaliya sol Kaleichy audanyn qorshay salynghan.

Áseri ghajap boldy. Ásirese, Jerorta tenizining aurasy ghajap, kógildir taulary qol sozymda túrghanday, aq jelkendi qayyqtary men sýirikter súlu yahtalary mamyrajay týrik demalysynyng belgisindey...

Antaliyanyng eski bóligin jayau kezip, әbden sharshappyz, týsqayta villa kele qúladym. "Dushqa týsem be" dep oilagham, villagha kirip kele jatqanda mende bir emes, eki basseyn bar ekeni esime týsti. Ekeuine bir birden sýngip shyqqanda qúr attay bop jaynap shygha keldim. Degenmen, tósegime jatuym múng eken andyghan "dúshpan" alyp jyqty.

Tura keshki asqa barar kezge deyin úiyqtappyn. Uәde boyynsha býgingi keshki as Onur Chankaya myrzamen birge ghoy, "Tirmiske" kelsek aqsiya kýlip kýtip túr ekee azamatym.

Ýstelge jayghasqan song Onurdyng birinshi súraghy "Antaliyada Sizge eng qatty әser qaldyrghan ne" degen súraq boldy. Qúday da sheber ghoy, salyp túr ghoy auyzgha: - Bayou Villas -, dedim júlyp alghanday. Onurdyng quanghanyn kórseniz sol kezde, ornynan túryp biylep jiberuge qaptaghan qyzmetkerlerinen qysyldy bilem, qatty riza bolghanyn erekshe jaynap ketken janarynan bayqadym. Negizi, Onur biz aralaghan Antaliyany aitty ghoy, alayda, mening bergen jauabym ony sheksiz quantty.

"Tirmiste" ótken keshki as ýstinde Onur Chankayanyng da, Osman Qúrttyng da Týrkiyany sheksiz jaqsy kóretinin, "týrik bop tughany ýshin bek baqytty" ekenin bayqadym. "Tirmiske" Antaliyanyng jýz shaqyrym aumaghynan taza, balghyn, dәmi búzylmaghan tabighy kýide kep jatqan әr taghamyna toqtalyp, әr jýgerining dәnine deyin jany qalmay maqtaghanda Týrik júrtyna degen mahabbattary ýshin mynau eki azamatqa sheksiz qúrmet sezimi biyledi.

Keshki astan song Osman ekeuimiz shulap jatqan keshki keshendi kesip ótip amfiyteatrgha bettedik. Múnda jyldyng eng tandauly matchy - Stambúldaghy Atatýrik stadionynda Chempiondar Ligasy turniyrining finaly ýlken ekranda kórsetilip jatqan. Birinshi taymnan song úiqym keldi, villama qayttym, óitkeni, erteng Astanagha úshuym kerek-ti.

Kelesi kýnning tanynda ómirimning әdemi ýsh kýni sýrilgen Bayou Villas keshenine shyghyp, Osman bauyrymdy qúshaghyma qysyp, qoshtasyp, әuejaygha bettedim.

P.S. Eyr Astananyng Airbus A 320 NEO layneri shassiyin Anadoly topyraghynan kótergende "biyl taghy bir kelip ketermiz" dep oilap ýlgerdim.

Azdan song borttaghy planshetten filim izdep, jol qysqartpaqqa niyet ettim. Tandauym maestro Gay Richiyding "Fortuna" Operasiyasy: Jenu óneri" atty kartinasyna týspey me? Sýitsem, basty rólde Jeyson Steytem oinaytyn әigili filim Antaliyada týsirilipti. Dәl keshe ózim aralaghan Kaleichy audanyn filimnen taghy bir kórip mәz bop qaldym. Tamasha sezim eken búl bir!

Osylaysha, ýsh kýnge sozylghan "jerdegi júmaqqa" jasalghan sapar mәresine jetti. Antaliyadan alghan aiuan әser alty aigha jeteri anyq. Oghan deyin mýmkin Anadolygha taghy bir kep qalarmyz, ә?!

Abai.kz