Nemese men nege Mәjilisting Qoghamdyq palatasyna mýshe bop endim?

Qúrmetti aghayyn!

Tayauda men Mәjilis janyndaghy Qoghamdyq palatagha mýshe bop qabyldandym.

Qarasam, mening búl qadamymdy әrkim, sonyng ishinde mening qarsylastarym, san-saqqa jýgirtip jatqanday. Soghan týsinikteme bere keteyin.

Birinshiden, Qoghamdyq palata – qoghamdyq úiym, onyng qúramynda elge tanymal,erkin oily, sonyng ishinde biylikke syny kózqarasymen kózge týsip jýrgen qogham qayratkerleri, tәuelsiz sarapshylar bar.

Ekinshiden, Jana Qazaqstan birtútas últty 30 jyl boyyna qaq jaryp (biylik jәne onyng qarsylastary), bir-birimen ymyragha kelmestey etip tastaghan eski Qazaqstannyng pasyq ta sasyq tәjiriybesinen boyyn aulaq ústauy tiyis dep sanaymyn: Jana Qazaqstan memlekettik jәne últtyq mýddeni qorghau, Ádilettik, Shyndyq sekildi әr azamat moyyndaytyn, qoldaytyn qúndylyqtar manayyndaghy jalpyúlttyq mәmileden bastaluy tiyis dep sanaymyn.

Búl - mening 26 jyl boyy sayasy oppozisiyada jýrip týigen bir oiym.

Ýshinshiden, men halyq biyligi, demokratiya, adam qúqy, sóz bostandyghy, memleket túraqtylyghy sekildi ózimning prinsiptik ústanymdarymnan ainymaghan qazaqpyn. Osy jyldar boyyna kәsiby jurnalist retinde qalamymdy qoldan týsirgen joqpyn.

Eski Qazaqstanmen osynshama jyl kýresip, Nazarbaevtyng jeke bas biyligine ashyqtan-ashyq qarsy shyqqan maghan Jana Qazaqstannyng basty úrandary jaqyn.

Desek te, ol maqsattardyng jýzege asu barysyna kónilim tolmaydy. Ózgerister qogham ómirining barlyq salasyn qamtyp, keshendi, eski Qazaqstan endi oralmastay sipat aluy kerek dep sanaymyn. Soghan әr azamat shama-sharqynsha at salysuy kerek dep sanaymyn. Óz basym kәsiby jurnalist, publisist retinde elde ornyqqan jaghday turaly eshkimge de tәueldi bolmay, ashyq aityp, ashyq jazyp, qoghamdyq-sayasi, aghartushylyq qyzmetimdi jalghastyra bermekpin.

Osy oiymdy Mәjilis tóraghasy Erlan Qoshanovqa da aittym. Mening pozisiyama ol kisi týsinistikpen qaraghanday. Sol ýshin ol kisige alghysymdy bildiremin.

Qúrmetti aghayyn!

Áriyne, Qoghamdyq palatanyng óz erejesi, óz reglamenti, óz ókilettigi bar. Ár otyrysynyng bekitilgen kýn tәrtibi bar. Ol zang qabyldaytyn Parlament emes, qauly shygharatyn ýkimet emes. Ol – qoghamdyq úiym, onyng mýmkindikteri de shekteuli.

Desek te, ómir tek qana zang talqylaudan túrmaydy ghoy.

Sol sebepti ózimning Mәjilisting Qoghamdyq palatasynyng mýshesi retindegi uaqytsha ghana mýmkindikterimdi paydalanyp, memlekettik manyzy bar bolsyn, qoghamda oryn alghan әdiletsizdikter men jónsizdikter bolsyn, kýndelikti kýiben-tirshilikke qatysy bar bolsyn – kez kelgen mәsele boyynsha sizderding pikir-tilekterinizdi, aryz-ótinishterinizdi qúzyrly organdargha jetkizuge әzirmin!

Onday mәseleler boyynsha maghan tikeley habarlasularynyzgha bolady.

Mende tiyisti apparat ne kómekshi degender joq. Ár hatqa ózim jauap beruge tyrysamyn.

Osy Feysbuk jәne onyng messendjeri arqyly kýndelikti baylanysta bolamyn. Osy Feysbukte mening telefon nomerim bar (men ol nomerimdi 1997 jyldan beri ózgertken joqpyn), onda barlyq messendjer bar. Solargha da habarlasularynyzgha bolady.

Qúrmetpen, Ámirjan Qosan

Abai.kz