Ángime

«Ketik» oraluynmen. Biz әli kez­desemiz…»
Osy basy tilek, sony yzbarly da yzgharly sózben siyrqúiymshaqtana sozyla ayaqtalyp, basqasy tabylmaghanday, jylan qabyrshaqtanghan qatyrma qaghazben jetken habar kónilin qauzaghaly ýsh-tórt kýn. Múnda, týstiktegi «N» qalasyna kelgenine de sol shama. Biraz uaqyty jolda ótti. Bir kez­de kónil jarasyp, kele-kele aralary suysyp ketken múnlyghymen qayta tabysqan synayly edi. Onyng da keuili myna suyq ta súghanaq, ish tartty qaghazdan qalyp túr. Obaly ne kerek, әzirshe, syr bildirmegen keyip tanytqanmen, әlipting artyn baqqan týri bar. Onysyn ózi jasyrghanymen múng toly janary men múndalaydy. Sosyn, búdan 7-8 jyl búrynghy laqap atyn esine týsiruine ne joryq?.. Bolary bolyp, boyauy sindi emes pe? Jibergen qateligi ýshin eng jaqsy, barynsha albyrt ta asau jastyghyn berip, bәrimen, barymen esep aiyrylysqan joq pa? Mynalaryna jol bolsyn?! Qúryghanda aty-jón, jón-josyqtaryn kórsetse etti. Ol da beymәlim. Taghy da, sondaghyday әuenge salyp, ot bastyrmaqshy ma? Joghaltyp tapqan, endi aiyrylmastay bolghan Almasynyng jan tolqynysynyng múng bolyp kózine úruynyng da syry osynda. Bolmasa, bir týsken sugha qayta týskendey kýy keshu kimge abyroy. Múny da týsinu kerek, týsinu… Ishki qyjylyn syrtqa teptire almady. Teptire almaytyn. Óitkeni qúshaghynda jatty, ol.

Apyray, týrmeden shyqqany bolmasa, múnda tartqanyn eshkim bilmese kerek edi. Álde ana kameralas ant atqan Ámirding isi me? Bolmasa, shy qaydan shyqty. Bilinip-sezilmestey iz jasyrghan siyaqty edi. Qalay bolghanda da qiyn, qiy-e-en! Endi saq bolu kerek. Milisiyagha esepke túrghanyna da kóp bolghan joq. Bar bolghany ýsh-aq kýn. Onda da sol Alma arqyly, sonyng bedeldi-bekemi arqyly. Sony ózining eki bólmesine de tirkegen sol – Alma. Búl bolsa oghan qasiret-qayghydan basqa ne tarttyrdy deysin… Ekeuining arasyndaghy kez­deskennen bergi jazdyng úzaq kýn, qysqa týnindegi núrly bolashaq, baqytty otbasy-oshaq qasy, bala-shaghaly ghúmyr keshu jayly syrlasyp, qabirstangha deyingi mahabbat turaly ant-su ishuleri albyrt alyp-úshpadan ada jastaryna qaramay ózinshe bir әngime.. Joq, bolmas, bir jaghyna shyghu kerek. «Bolsam bolyp, bolmasam borday tozuym» da óz qolymda. Qasyndaghy tósektes Almany qúshyrlana qysyp, úz-a-aq sýidi. Býgin kórgendey. Ol da әldenege alan, alaqat kónildi jigit, sýigenining bir sheshimge kelgenin sezgendey jýregine jýregin, erinine ernin taqap: «Men saghan senemin. Qateden song qatelik jibermeytinindi bilemin» degendey bolyp kórindi, oghan. Olay demegen de shyghar bәlkim, biraq onyng әreketin Almat solay qabyldady.

Kózin ashyp, Almanyng ornyn sipaghanda, tósek suyp qalypty. Qashanghy әdetinshe sergek, sezimtal. Ózining de bir kez­de jastyqpen jibergen qateligin týsinetin tәrizdi. Búl da ony betine salyq qylghan emes. Bir-birin ishtey, qas-qabaqpen týsinisedi. Sportshygha tәn әdetimen tósekten jenil kóterilip, jýre kiyinip ashanagha bettedi. Alma da qarsy shygha berdi. Qinalghanyna qaramay qimastyghyna basty. Erkeley kelip, moynyna asyldy. Osydan pәlen jyl búryn da dәp osynday bolatyn. Ekeui tanghy tamaqqa sol úghysqan kónil, taza peyilmen otyrdy.

– Alma, býgin men júmys qarastyrayyn. Qamalyp otyra bergennen ne shyghady. Eski tamyr-tanystar kez­desse qyzmet súrarmyn…

– Men de izdestirip jatyrmyn ghoy. Ýsh-tórt kýn búryn bir mektep bokstan jattyqtyrushy kerek degendey bolghan. Solarmen habarlasarmyn, – dedi Alma onyng sózin ile. Kómeyine keptelgen «eski tamyr-tanys» turaly qoya túrsayshy degen sózdi Almattyng kónili ýshin býgip qaldy.

– Aytpaqshy, býgin Talghattyng tughan kýni, soghan baramyz. Keshikpe. J..o..oq, qashqalaqtama. Birge baramyz. Júrtpen «mysyq-tyshqan» oinaghanymyz jetedi. Keudemizdi tik ústap, kóshede qatar jýrip, toy-tomalaqta ashyq-jarqyn qatar otyratyn uaqytymyz keldi, – dedi sózin jalghastyra. Oiyn anyq ta, ashyq jetkizsem degen asyghystyqtan ba, ózi de tolqyp ketti.

Búryn bas-ayaghyna jayau-jarym shygha salatyn qalanyng qoltyghy sógilip, órisi keneyipti. Biylghy jaz da jarylqap túrghan synayly. Qalyndyqqa kelgen qorjynnyng auyzy sógilgendey ainalany jasyl-ala boyau kómkergen. Ózining jasyl qala atyna say keskin-kelbet tanytqanday. Ortalyq kóshening eki jiyegin әdiptey aghyp, aghylghan kólikti, kóliksiz júrtpen jarysqan aryq suy da kóz toltyryp, kónil qytyqtaydy. Qalanyng tiginen de, kóldeneninen de qanat jayghany kórinip-aq túr. Týstikting eng kórikti «A» men «N» qalasyn tel emip ósken Almatqa búl da janalyq. Alyp Alatau etegindegi «A» qalasynda tuyp, es bilip, etek jighan shahary – shym qala «N». Ekeuin de bes sausaqtay biledi. Ekeuin de birdey saghynady, ekeuin de birdey únatady. Negizgi ústalyp, týrmege otyrghan jeri – A». Onyng qos qalagha da kinә artar jóni joq, ózi aiypty. Myna etek-jendi qalada ony bilip jatqan kim bar deysin! Álgi qúpiya, júmbaq qaghazdyng jan jep, jýrek janshyghany bolmasa. Ózin qoyshy, Almagha auyr.

Qaghaz demekshi, onyng iyesin qaydan izdegen jón. Bazar… Vokzal… Monsha… Syrahana… Búlardyng qay-qaysysy da onyng sybaylastarynyng qújyrasy.
Qazir ne kóp, bazar kóp. Júrttyng bәri saudagha aralasyp, kóshege shyghyp ketken kórinedi búghan, býginde. Aynaldyrghan 7-8 jyldyng ishinde halyq qatty kýizelip ketipti. Qayyrshylar da qara kóbeytken. Olardan tiyn-tebenin ayamaytyn júrt býginde qasha, kóz taydyra qaraytyn bolypty. Búl әdiletsizdikti qoysayshy. Búryn ózi de kýshine senetin. «A» qalasyndaghy eki iyinin júlyp jegen, úr da jyq talay jigitterding mysyn basyp, aldynda qúrday jorghalattyrghan da ózi edi. Býkil eki qalanyng kóksoyyldary búl ne dese ishken astaryn jerge qoyatyn. Sony bilip, sezetin әkesi úrysqanda, atasy marqúm «Áy nemereme úryspa, aldymen ózinning kim bolghanyndy bil» dep shang juytpaytyn. Sóitken atasy da ótti. Imandy bolghyrdyng ólgenin bylay qoyghanda, keshe qayt­qanda basyna da bara almady. Óterde nemeremdi kóre almadym-au dep ýzilipti. Atasy: «Pәniyden baqigha deyin synyq sýiem ghana. Adamdy auru almaydy, ajal alady», – deytin. Sol shirkinning týsi qanday ózi? Ýzilip bara jatqan atasynyng jýzinen de kórip qalmady. Kóre de almaytyn. Týrmede otyrdy. Nege ekenin qaydam, óte beristegi mandayshasynda ýlken әriptermen eki tilde «Shashtaraz» dep jazylghan enseli de jaryq ýige kirip, ainagha qaraghysy keldi… «Aldymda eki ghana jol; biri bayaghy әuen – kýsh kórsetip, kýn kóru, әldebireuding jeteginde jýrip, әldebireudi jeteginde jýrgizu; ekinshisi – Almanyng eteginen ústap, dúrysy Almany eteginen ústatyp baqytty ómir sýrip, ýili-borandy bolu» degendi de osy tústa oilap ýlgerdi. Sol-sol-aq eken, óninen әldeqanday salqyn lep esip, reni solghyn tartyp, aqsorlanyp shygha kelgen sekildi.

Ishining ystyghyn, oqys kóterilgen kónilining alabajaq, aqshang alyp úshpasyn salqyn syramen basqysy keldi.

Býginde qalanyng qaltarysynda ne kóp araq, syra satatyn qúiryq basty, taban tireter jer kóp. Solardyng biri búryn ózi biletin, ortalyq bazar janyndaghy «Kabakhana» edi. Bәri solay ataytyn. Búzyp tastamasa soghan barghysy keldi. Otyrghangha deyin san baryp, san mәrte shanyn qaqqan jeri. Syralghy. Bar bolsa qazir de jatsyna qoymas. Álgi qanbaqsha qalbalaqtaghan, aqsónke qanqa sekildi qauqaryna qaramay bildey «Kabakhanany» jatqyzyp túrghyzatyn әzerbayjan shal tiri me eken, ózi. Onyng syrtynda jigitteri túratynyn júrt ta biletin. Biraq ózine kelse olar týkke tatymaydy. Qayta olar múnyng qala kóksoylarynyng arasynda qanshalyqty bedeldi ekenin bilip, aldynda qúrday jorghalaytyn. Shalgha da sony ýiretip qoyghan. Ákki shal búl kelennen:

– Á, «Ketik» (erkeletken týri) kelding be? Jogharyla, jogharyla! Áy, noyandar, «Ketikke» qyzmet etip jiberinder, – dep qalbalaq qaghatyn. Sodan «ketik» atanyp ketti. Ne bolsa da o bastaghy oiy, iz kesudi osy syrahana, búrynghysha ait­qanda, «Kabakhanadan» bastaghandy jón kórdi. Búl ayaq asty sheshim edi.
Joq búzylmapty. Qayta zamanyna layyq jóndeuden ótken sekildi. Bastapqy әserden iymengendey tabaldyryq atasa da, esin tez jinap aldy. Aldymen kózge úrghany búrynghyday kezek joqtyghy. Adamnyng qarasy da az. Álde bazar qyzyp, el jinala qoymaghandyqtan ba eken. Áytpese, anau-mynau tәrtipke boy aldyra qoymaytyn el emes pe edi, búl týstikter! Orazasyn osynda ashatyndar búryn da az bolmaytyn, qazir de qara kóbeyip túr. Olardy kópshilikten birden bóle-jara angharugha bolady. Búrynghy kýieleri joq pa, әlde jyndary basylyp qalghan ba, bir búryshta ýrpiyisip qana top-top bolyp túr. Jetekshileri joqtay. Kәri-qúrtang azayyp, jastar kóbeygen be, qalay?.. Kóbisi sary auyz auylbaylar syqyldy kórindi. Almat bos oryndyqtardy kórse de kórmegen bolyp, tik kóldeneng úzynnan úzaq jasalghan beldeu oryn, oqshau túrghan satushygha qaray bettedi.

Tik keude, iyqty, súnghaq boyly, qapsaghay deneli jigitting nyq basqan ayaghynyng tyqyry ishtegi júrttyng nazaryn audarmay qoymaydy. Ishinen sezip keledi, múndaghylar birin-biri tanymasa da, ózdi-ózine kózqaryqty bolyp qalghan jaylary barlyqtaryn anghartady. Satushy men múnyng arasy sonshalyqty qashyq bolar ma, sirә? Ony ishtey ózining jәy jýris, auyr ayaq basysyna jorydy.

Qarsy aldynda ózinen sәl-pәl úzyn, jinishke sary túr. Shashy úzyn, bir qaraghangha iymek túmsyq. Áyteuir orys emes. Shyghynqy qabaq, tereng kózderin kólegeylegen qoy qas kirpikteri qay últ­tyng ókili ekenin túmshalay týsedi. Búghan bәribir emes pe, kýnige kelip jatqan joq.

«Kóp te bolsang armyan ne evrey shatyssyn-au» dep oilady. Tau halqynyng da nyshany bar. Kónilining tórinen bayaghy әzerbayjan shal kóterildi. Ol jayly súraghysy da kelip ketti. Biraq auzyna:

– Bir krujka syra, – degen sóz týsti.

– Bizde jayghasyp otyrady. Qyzmet etetinder bar, – degendi ýzik-ýzik esitti. Qúlaghy auyr siyaqty emes edi. Qyzteke me ózi? Dauysy qalay-qalay shyghady. Qaraptan-qarap túryp saytany qozdy. Búny sol ýsh-tórt kýngi jýike tozysynyng kórinisine jorydy. Bolmasa búl búldanatynday týk te bolghan joq edi.

– Joq, maghan qyzmetting keregi bolmas. Osynnan qúi, – dep kesip aitty. Ayt­qanyn shegeley týskisi kelgendey: – Ony ana otyrghandaryna kórsetersin, – degendi de qosty.

Beytanys jigitting tóbeden týskendey jauabynyng ojarlyghy ma, әlde tәrtibi ótinish oryndau ma, satushy qarsylyq kórsetpedi. Auyr kirpikterin bir jalp etkizdi de syra qúidy. Almat bolsa úzynnan-úzaq sol beldeu orynnyng shetine syrasyn qoymay túryp, krujkanyng ortasyna deyin bir-aq tartty. Sodan song baryp qana ainalasyna sabyrly, sap-sap kónilde kóz jýgirtti. Tolyq bireuden keyin-aq salqyn syra ishke týsti. Baghanaghy ishting ystyghy basylyp, buy syrtqa úrghanday kýy keshti. Kezek kýttirmey ekinshisin aldy. «Áy deytin әje, qoy deytin qoja joq». Ózimen-ózi. Búl reti kelgen song aitylghan sóz, әitpese, Alma da qolyn qaqqan emes. Ózi de ishimdikke sonshalyqty әuey-әuestik tanytpaydy. O basta solay bolatyn.
Shynynda da, osy, shirkin, ajaldyng týsi qanday eken, ózi! Kózine ýnilip bir qarasa! Atasynyng basynda bolghanda kórer me, qayter edi. Ýzilerde úzaq qinalypty. «Ayaq-qolym suyp, tynysym tarylyp barady. Nemeremdi bir kóre almadym-au» dep baryp, jýrip ketipti. Sondaghy úshpaqqa shygharghany qaysy, basyna baryp qúran oqytugha da shamasy kelmedi.

Tifu, myna bir sumaqay, suyq oidyng sonsha sanasyn indetip alghany nesi! Tifә, Tifә! Tifә! Janyna ýsh týkirip, aghash beldeuding jiyegin ýsh qaqty. Yrymshyl emes edi, kórgenin istedi.

Joq, bara-bara kelushilerding de qarasy artty. Janaghy jalghyz saudalaghan últy belgisiz qyztekening janyndaghylar da qordalana týsti. Búlar, «Kabakhananyn» tilimen ait­qanda, «Úr toqpaqtary». Ár zamannyng óz ertegisi bolady-au, sirә! Mynalar, әitpese, әlimsaqtan ayan ertektegi «Úr toqpaqqa» kelmeydi. Sadagha ketsin. Ekeui eki basqa әlem, ekeui eki basqa tirshilik nyshany. Oiyn:

– Jigit, seni bir jerde kórgen sekildimin. Temeking bar ma? – degen dauys bóldi.

– Búl eski tәsil. Býginde olay tanyspaydy! – dedi ol sózin salmaqtay jauap berip. Úp-úzyn túrqyna da kóz jýgirtip ýlgerdi. Bir úruynan qalmaydy. Ayaq qoyyp, taltaya túrghan túrysynyng ózi, tóbelesting adamy emestigin bayqatady. Soghan qaramay ózi tartpasa da qaltasynda jýretin temekisinen úsyndy. Búl sonau ala qúiyn kez­den qalghan әdet. Sonda temeki súraghandargha qasaqana berip, aramdyghyn sezse, eki ese qaytaryp alatyn. Búl jolghysy da sonyng qaytarymy. Ázirshe, әlipting artyng baqpaqshy. Jazyqsyz kýiip ketpesin degeni.
– Ýiim jaqyn bolghasyn jii kelip túramyn. Dýisenbi – demalysym. Zauytta brigadirmin. Smenamen isteymin. Jalghyz bastymyn. Osydan eki-ýsh jyl búryn qatyn-balam jol apatynan qaytys bolyp, jalghyz qalghan jayym bar. Týring tanys degenge renjime, biz – qazaq bir-birimizge úqsas kelemiz ghoy. Bolmasa nem bar. Temekining bitip qalghany ras. Jauabyna qarap, kóniline dik alyp qalghanyndy sezip túrmyn, – dep ózining artyq ketken túsyn juyp-shaydy da, әngimesin odan әri taghy da keshirim súrau­men ayaqtady.

– Qansha jyldan beri túrasyz, búl manda?

– O, onshaqty jyldan asty ghoy.

– Ázerbayjan shal qayda ketken?

Ángimening kim turaly bolyp túrghanyn sezgen beytanys jigit sol ashyq-jarqyn kýiinen tanbay:

– Osynda, búdan 7-8 jyl búryn eki toptyng joyqyn tóbelesi bolyp, onyng arty adam ólimimen bitken. Bireu bolsa eken-au, baqanday ýsh jigit. Olardyng da izdeushileri myqty eken, әlgi «sen túr men atayyn» eki toptyng toz-tozyn shyghardy. Sodan keyin, onda múny «Kabakhana» deytin, jauyp tastady. Sodan súrap otyrghan shaldyng úly úshty-kýili joghaldy. Bireuler eline qaytyp ketken deydi. Endi bireuler kórsetip bergeni ýshin qasaqana óltirgen dep jýrdi, úzaq uaqyt. Áyteuir әngime kóp.

Almattyng qúlaghy eleng ete qaldy. Búl ne, zandylyq pa, әlde kez­deysoqtyq pa? Sol joly shynynda da ýsh jigit qaytys bolghan. Myna, beytanys jigit kózben kórip, qolmen ústaghanday aityp túr. Onday ósekting qala jaylaghany da ras. Ol tóbeles songhy on-on bes jyldaghy erekshe bir oqigha bolghan edi. Qylmys әlemin ayaghynan tik túrghyzghan. Sol ýshin qansha adam ataq-dәrejesinen qaghyldy desenizshi! Ólgen ýsh jigitti atqan ózi túrghylas, búnyng qarsylasy «Qynyr» degen laqap atty baukespe bolatyn. Ony ústap bergen shal da, Almat ta emes, ózi edi. Kezekti bir syrahanada maqtanyp túrghanda ústaghan. Olardyng tobynyng shaldan, sodan song Almattan kórgeni de beker emes. Shaldan búryn «A» qalasyna qashyp baryp, bas saughalaghan Almat qolgha týsken. Biraq onyng ol tóbeleske qatysqany dәleldenbey, búrynghy aula arasy jekpe-jek tóbelesi ýshin sottalghan. Onda da bireuding jalghyz balasynyng jaghyn syndyryp jibergen dep aiyptaldy.

– Estuimshe, sol tóbelesti úiymdastyrghandardyng biri týrmeden shyghyp kelipti. Osynda men ataqty «Qynyrmyn» degenin de qúlaghym shalyp qaldy. Nem bar, «bәleden mashayyq qashypty» degen emes pe? – degen beytanystyng sózi oiyn búzyp jiberdi.

– Ne deysin? «Qynyr» bosanyp kelip pe, әlde qashyp shyghyp pa? – degende týsi búzylyp ketse kerek, manadan sampyldap túrghan jigit әngimesin sap tyya qoydy. Ony qarsy aldyndaghy qabyrghanyng jartysyn alghan ainagha qaraghanda ózi de anghardy.

Shynynda da, osy, shirkin, ajaldyng týsi qanday eken, ózi? Managhy saual kónil tórinen qayta kóterildi. Aynadan bop-boz ózin kórdi. Ajaldyng týsi osy emes pe? Tifә! Tifә! Tifә! Janyna ýsh týkirdi. Búl joly shyn niyet, aqjarma kónilimen týkirdi. Múnyng bәrin kórip túrghan jana tanysy syrahanadan syrghyp shyghyp bara jatty…

Sol bir tóbelesten song olar «Qynyrdyn», taghy da basqa bir top jigitterding zang qúryghyna týskenin shaldan kórip, ony óltirgennen keyin ol bayghústyng jazyqsyz ekendigin bilip, bar bәleni «Ketikten» kórgen edi. Mine, zaual!
«Qynyr» týrmeden shyqsyn, shyqpasyn bәribir, bolghan oqighagha ózi jauap beretinin ishtey sezindi. Biraq kimge? Qayda? Qashan? Endi ózin aqtap ala almaytynyna kózi jetedi. Olardy satpaghany, satqyndyq qasiyet oghan tәn emestigi bir ghana Tәnir, sodan song ózine ayan. Dәleldep kór! Neni bolsa da, qalay bolsa da, bәri-bәrisin osy jerde kýtip alady. Qasyndaghy úzyn túryqty jigitting qalay susyp shyghyp ketkenin de bayqamay qaldy.
Búl kez­deysoqtyq pa, zandylyq pa?

Jazdyng úzaq kýni ótip bolmastay kóringen. Almanyng keshke degeni 6-7 shamasy ekenin bilip-aq túr. Onyng kýtetinin de, sodan song tughan kýnge baryp taghy da alandap otyratynyn da biledi. Aldynda bir-aq jol, ol búrynghy qarsylastary, onyng ishinde dostary bar, barlyghyna ózining satqyn emes, satpaghanyn dәleldeu. Kuә bolatyn, kuәge jýretin de ózi.

«Kabakhananyn» ishi tanertengidey emes, yy-qii. Tәrtip jayyna qalghan. Bazardan joly bolyp, qolyna qargha sanghyghandary bar, kýn úzaq sauda-sat­tyq jasap oiyndaghysy oryndalghandar bar, qoyshy әiteuir qújyra qúmyrsqa iyleuine ainalghan. Týlki inine salghan morday qara týtinge qúryq ilip qoysang da bolatynday. Tek mas bolmau kerek, mas bolmau kerek.. Qúlaghy shynyldaydy. Shynynda da, osy shirkin, ajaldyng týsi qanday, ózi? Qabyrghadaghy ainagha qaraghanda baghanaghy bop-boz emes, jýrek dirili basylyp, ózine-ózi kelgen adamdy kórdi. Ajal taghy týsin aldyrmady… Tek mas bolmau kerek. Ishtey eki qaytalady. Esik jaqqa kózi týsip ketkende bayqady, managhy «syrlasy» qayta enip keledi eken. Endigi bar qalghany әlipting artyn baghyp, «Kabakhanany» jauyp bir-aq shyghu. Bolmaghan jaghdayda satushy arqyly taksy shaqyrtyp, qalanyng syrtyna shyghyp, olardy ashyq dalada qarsy alu. Oiynyng songhy sheshimine taban tiredi. Qalay bolghanda da jaryq barda mәseleni sheshu kerek. Kýn úzaqty jýris-túrghysynan onay aldyrmaytyn jau ekenin sezdi de, satushy da ait­qanyna «kóne» ketip, taksy shaqyrdy.

Taksy qaladan shygha, artyna qaraghanda sonynda kele jatqan eki jenil mashinany kórdi. Taksist oqighagha qanyq sekildi. Jaq ashyp, syr bermeydi. Birinshi bolyp ózi til qatty.

– Bayqaymyn, oqighanyng qalay bet alyp bara jatqanyn bilesin. Búlardyng aldynda arym taza. Anau-mynau bolsam, myna telefongha belgisiz bireu retinde bolghan oqighany aitarsyn. Qoryqpa. Ol әiel bәrin bilip, sezedi. Qanday jaghday bolsa da kónip, tózuge bel baylaghan. Milisiyagha habarlamaydy. Endi anau dónning ýstine baryp toqtay qoy, – dedi de, ýy telefonyn úsyna berdi. Saghat tili 5,30-dy kórsetip túr.

Taksy búryla berip, songhylardy kýtip túrdy. Almat ayaghyn nyq basyp baryp, kók shalghyngha otyrdy. Kýn sinip, jel qaqty shópten ómir iyisi búrq ete qaldy. Apyr-au, mynau ómirding týsi ghoy. Sonda ajaldyng týsi qanday bolady eken, ózi! Almat artyna qaraghanda, managhy ózin әkelgen taksiyding rólinen «Qynyr» týsip jatty.

Búl joly onyng kóz aldyna ajaldyng emes, kýn sindi, jel qaqty ómir iyisi singen shóp týsi keldi…

Esbergen Alauhanov, zanger-jazushy

Abai.kz