"Kazachiy kurier" gazetining qúityrqylary

Tamyz aiynyng orta sheninde belgisiz bireuler redaksiyamyzdyng kensesine bir buma gazet әkep tastapty. Sirә, jayshylyqta qazaq BAQ-tarymen istes, mәmileles boludy onsha qosh kóre qoymaytyn Qazaqstan orys, kazak jәne slavyan úiymdarynyng ókilderi bolar. Yaghni, olardyng da bir kózdegeni, sausaghyn ishke býkken әldeqanday sayasaty bolghany shyghar. Qalay joramaldasaq ta múnday әreketterding bekerden-beker jasalmaytyny beseneden belgili. Týrli-týsti boyaumen sapaly qaghazgha basylghan "Kazachiy kurier" gazetining kezekti - №7-sany eken. 16 bettik búl basylymnyng menshik iyesi Qazaqstan orys, kazak jәne slavyan úiymdarynyng Ýilestiru kenesi kórinedi.

"Kazachiy kurier" gazetining qúityrqylary

Tamyz aiynyng orta sheninde belgisiz bireuler redaksiyamyzdyng kensesine bir buma gazet әkep tastapty. Sirә, jayshylyqta qazaq BAQ-tarymen istes, mәmileles boludy onsha qosh kóre qoymaytyn Qazaqstan orys, kazak jәne slavyan úiymdarynyng ókilderi bolar. Yaghni, olardyng da bir kózdegeni, sausaghyn ishke býkken әldeqanday sayasaty bolghany shyghar. Qalay joramaldasaq ta múnday әreketterding bekerden-beker jasalmaytyny beseneden belgili. Týrli-týsti boyaumen sapaly qaghazgha basylghan "Kazachiy kurier" gazetining kezekti - №7-sany eken. 16 bettik búl basylymnyng menshik iyesi Qazaqstan orys, kazak jәne slavyan úiymdarynyng Ýilestiru kenesi kórinedi.

Tútas nómirinde Qazaqstannyng egemendi, tәuelsiz memleket ekenin moyyndaudan meylinshe búltalaqtay jaltarghan "Kazachiy kurier" alghashqy betinen-aq Belorussiyanyng nemis-fashist әskerlerinen azat boluynyng 65 jyldyghyna oray osy elding Preziydenti A.G.Lukashenkony: "Postkenestik kenistiktegi halyqtardyng Batiko degen qúrmetti ataghyna ie bolghan birinshi sayasy liyder", "tendesi joq túlgha", - dep aspandata maqtap kelip, Qazaqstan kazaktary qoghamdyq úiymdary odaghynyng atynan altyn qanatty kýmis krespen marapattaghany jazylghan. Onyng da esh sókettigi joq, demokratiyalyq qoghamda keybireuler múnday alqa ataulyny únatpasa, bazbir qoghamdyq úiymdar osynday jyltyraq belgilerdi ondy-soldy ýlestiruge tym әues. Gәp Lukashenkogha jazylghan qúttyqtaudyng sonyndaghy: "Narody byvshego SSSR gordyatsya Vamiy!" degen erekshe tújyrymda bolyp túr. Búl әreket Birinshi dýniyejýzilik soghystan keyin kýiregen Avstro-Vengriya imperiyasy halyqtarynyng atynan 1940-jyly әldekimge alqa taqqan sekildi qisynsyzdyq, asqan óreskeldik. Postkenestik elderding egemendik, tәuelsizdik alghandaryna aldy 20 jyl, kemi 18 jyl boldy. Turasyn aitsaq, bayghús tarih osyghan deyin osynday óresizdikti, soraqylyqty bastan keship kórmegen bolar. "Búrynghy KSRO halyqtary" degender kimder?! Baltyq tenizi jaghalauyndaghy halyqtar ma? Biraq, KSRO-ny, әsirese orystardy bostandyghymyzgha qara balta siltegen basqynshylar dep esepteytin olar Kenes Odaghynyng qúramynda bolghan kezdi qasiret, qara tanba jyldary dep sanaydy. Tipti, ondaghylar A.G.Lukashenkony әldekimder "Batiko" deytininen de beyhabar boluy yqtimal. Álde Ortalyq Aziya halyqtary ma? Qazir olardyng da әrbirining óz últtyq memleketi, maqtan tútatyn qazaq, ózbek, qyrghyz, t.b. asqaq әri qasiyetti ataulary bar. Onyng ýstine múndaghy músylman elderi Aleksandr Grigorievichti kýmis krespen marapattay qoyynyng da qisyny kelmeydi. Kavkaz ba?.. Olardyng kóbi búrynghy KSRO-ny esten shygharghaly qash-shan... Soghys jyldarynda Qazaqstan men Sibirge jer audarylghandar men olardyng úrpaqtarynyng kóbi qyzyl imperiyany qarghyspen eske aluy zandy da. Zúlmat ashtyqty, onyng milliondaghan jazyqsyz qúrbandaryn eske aludan qashqaqtaytyn qazaqtarday emes, kekshil tau halyqtary ótken qasiretti tarihyn onay úmytpaytyny belgili. Endeshe "búrynghy KSRO halyqtary" degen ataudyng tasasynda at tóbelindey kazaktardyng belgisiz toby ghana túrghany ghoy. Biraq... "Kazachiy kurier" tilge tiyek etken KSRO kezinde kazak degen jeke halyq, últ, tipti, qauymdastyq bolypty degendi de eshkim estigen joq edi.

Jalpy, Qazaqstandaghy osynday diasporalardyng qoghamdyq úiymdarynyng keybir sóz jýzinde ghana tәuelsizdigimizdi moyyndap, naqty iske kelgende kereghar әreket jasaugha úmtylatyny jii angharylatyn soraqylyq. "Qasqyrdy qansha asyrasang da, ormangha qarap úlidy", - degen úlaghat osyndaydan aitylsa kerek. Mәselen, Qazaqstan orys qauymdastyghynyng basshysy Yu.Z.Bunakovtyng Qyrghyzstandaghy Preziydent saylauyna baylanysty EQYÚ-nyng bas hatshysy Mark Perrin de Brishambo myrzanyng atyna qúityrqylyqqa toly aryz jazyp: "Na dnyah v Kirgiziy sostoyalisi vybory Preziydenta Respubliki, rezulitaty kotoryh vnovi vyzvaly volnu protesta obshestvennosti. My mojem dati obektivnui osenku etomu sobytii..." - dep kýshenshektenui mýldem kýtpegen jayt. Tәuelsiz qyrghyz halqy Elbasyn ózderi tandady, kóp bolyp saylady. Búl - olardyng Qúday bergen zandy qúqyqtary! Oghan bóten elding (kórshiles memleket bolghanmen) azamaty Yu.Bunakov, Qazaqstandaghy orys, kazak, slavyan úiymdary qanday obektivti bagha berui mýmkin? Álde, azattyq sýigish qyrghyz bauyrlar búlardyng "aqyldaryna" asa múqtaj ba? Bәlkim, bizdegidey emes, Qúrmanbek Bakiyev myrza ózge últtyng "erkelerin" mýldem kózge ilmegendikten shirkinderding ishterine qan qatty ma? Beybastaq Yu.Bunakov myrza halyqaralyq bedeldi úiym basshysynyng atyna jazylghan qysqa ghana resmy aryzynda tútas eldi aiyptaumen qatar, "Kirgiziya" degendi 4 ret, "Kirgizskoy Respubliki" degen ataudy 1 ret qoldanghan. Búl - onyng asa sauatsyzdyghy nemese qasaqana arandatuy. Óitkeni, Alatau biyigindegi bauyrlas memleketting resmy atauy - Qyrghyzstan Respublikasy, oryssha da Respublika Kyrgyzstan. Janylyspasaq, 90-jyldardyng sonynda tәuelsizdigin jariyalaghan qyrghyz júrty óz Otandaryn búdan bylay "Kirgiziya" dep atamaudy mindettegen bolatyn. Ómir tosyn jayttargha toly ghoy, biz atamekenimizdi Qazaqiya dep әli kýnge atay almay jýrmiz-au. Bir sózben aitsaq, egemendi, tәuelsiz memleketting atyn resmy qújatta dúrys jazbau, birtútas halyqtyng namysyn taptau jәy ghana mәdeniyetsizdik, óresizdik emes, naghyz ojar órkókirektik. Úly imperiyashyl shovinisterding ózgelerdi kózge ilmeuinen tuyndaghan tonmoyyndyq.

"Kazachiy kurierdi" bizding redaksiyamyzgha bayqatpay tastap ketken beytanystardyng basty maqsaty osy gazetting tútas bes betin alyp jatqan orys, kazak jәne slavyan úiymdary Ýilestiru kenesining tóraghasy Yu.F.Zaharovtyng kólemdi súhbatymen júrtshylyqty keninen tanystyru bolghan sekildi. Gazet betin ayamay bergen son, Yuriy Filippovich te ózgelerding "betin" ayamay, Belorussiyadan basqanyng bәrin auyr syn soqqysyna alghan kórinedi. Ásirese, elimizde qazir qalyptasqan ekonomikalyq ahual, bankter men qarjy salasyndaghy bylyqtar, burokratiyalyq apparattyng shekten tys úlghangy men orynsyz qaghazbastylyqty nazardan tys qaldyrmay, "Kazatompromdy" (naq osylay jazylghan - J.Sh.) týirep ótedi әri sybaylas jemqorlyqtyng da ayamay sybaghasyn bergen. Ádilin aitayyq, syn pikirlerining kópshiligi óte oryndy jәne búl mәseleler qazaqtildi BAQ-tarda ýnemi kýn tәrtibinen týspey túrghan kemshilikter. Sóite túra Yu.F.Zaharov myrza mýldem qisynsyz qorytyndy jasaugha sheber. Mәselen, kadrler mәselesin tilge tiyek ete otyryp: "Sondyqtan imperiyalyq bilim alghan, bir kezderi respublikanyng halyq sharuashylyghy keshenin qúrghan jәne óndiris jayyn biletinderdi basshy oryndarda kóbirek ústau kerek", - dep kósheli sóz aitqansidy. Múny qoldaushylar tabyluy da mýmkin.

Biraq, qalasaq ta, qalamasaq ta qazirgi ómir shyndyghyn moyyndaugha tiyispiz. Yu.Zaharov sóz etip otyrghan әlgi maqtauly mamandardyng kóbisi, tipti, KSRO kýiregende eng jas delingen kadrlerding kópshiligi qazir zeynetkerlik jasynan asty. Óitkeni, KSRO-nyng "halyq sharuashylyghy" qayta qúru kezinde, 1987-88 jyldary-aq birjola kýirep, óndiris oryndary jappay jabyla bastaghan. Respublikalar barterlik aiyrbasqa auysqan. Tereng daghdarys, qúldyrau kezeninde sol kadrlerinizding kóbi tal qarmaugha da jaramaghanyn júrt әli úmyta qoyghan joq. Arada ótken 20 jyldan astam uaqytta óndiris oryndary týbegeyli ózgerdi, jana tehnologiyalar qoldanysqa endi. Al jana óndiris salasyn eski kadrlermen basqarghansha, bilikti, jas mamandar men kadrlerdi nege kóptep tәrbiyelemeske? Onyng ýstine búl azamattyng ishin kýidirip otyrghan basty jayt kadrler mәselesi nemese jalpy burokratiyanyng kóptigi emes, basqaru oryndaryndaghy qazaq mamandary men jastarynyng kóbengi. "Da, eto deystviytelino boleznennyy vopros dlya nasionalinogo samosoznaniya vsego russkoyazychnogo soobshestva, kogda predstaviytely titulinoy nasii, daje v severnyh oblastyah zanimait vse gosudarstvennye doljnostiy", - dep kýnirenedi. Osy tústa asa ókinishti bir jaytty eskeruge tiyispiz. Eger qazaq aqparat qúraldary "orystar nemese ózge bir últtyng ókilderi mynaday salada barlyq lauazymdy oryndy jaylap alghan" dep mәlimdegen jaghdayda, sol sәtte-aq oghan "últarazdyghyn qozdyrushy", "ekstremistik pighyldaghy pәleket" degen auyr aiyp taghylary sózsiz. Al arandatushy súraqty qoyyp otyrghan gazet tilshisi de, Yu.Zaharov ta betteri shimirikpesten qazaq azamattary Qazaqstannyng soltýstik oblystaryn basqarmaugha tiyis degen oidy túspaldap otyr.

Tipti, ol Preziydent әkimshiliginen bastap barsha ministrlikterdegi sansyz sheneunikterding tym kóbeyip ketkenin oryndy synay kelip: "Al osy qampighan "qaryndardy" mayda jәne orta kәsipkerlikpen ainalysugha attandyru kerek", - deydi. Ile-shala Resey jәne Belorusi Respublikasymen tyghyz odaq qúrudy úsynuynyng ózi mýldem týsiniksiz. Zaharovtyng ózi aitqanday, Qazaqstannyng "qampighan qaryndarynan" qútyla almay otyryp, oghan qosa jana odaqtyng - Resey men Belorussiyanyng qosymsha "qaryndaryn" moynymyzgha jýk etip artudyng qanday qajettigi bar? Búl toyymsyz "qaryndardy" Yuriy Filippovich pen kazaktar asyray ma? Degenmen, Yu.Zaharov myrza Reseydegi qazirgi ekonomikalyq sayasi, әleumettik jaghdaydyng óte auyr jәne mýshkil ekenin bizden jaqsy biledi. "Mine, múnday sayasattan býginde bizding halqymyz qanday jemis kórip otyr: ata-analary tiri bolghanmen 700 myng bala túl jetim, jylyna basym bóligi orys adamdarynan túratyn 1,5 million adam kóz júmuda jәne Resey týrmeleri men qapastarynda million adam qamauda. Osylardyng 95 payyzy etnikalyq orystar men kazaktar. Múnday súmdyq jaghday bizding tarihymyzda eshqashan bolmaghan", - deydi ataman.

Qazirgi Reseydegi jaghdaydy búdan әrmen qaratýnek etip surettep, býgingi reformalar tolyq ayaqtalghanda әlem kartasynda Resey memleketi bolmauy mýmkin ekenin de eskertudi esten shygharmaydy. Resey burokratiyasyn "ekijýzdi, alayaq" dep aiyptap otyra túryp, osynday elmen odaq boluymyz kerek ekenin qayta-qayta úsynady. Yaki, Reseydi mesheulik qúrdymnan qútqarugha Qazaqstan jegiluge tiyis. Shyndyqty aitalyq, óz halqyn osynshalyq túralatqan, basyna qaratýnek zaman ornatyp, baqytsyzdyqqa úshyratqan memleketpen qanday odaq qúrugha, onyng basshylarymen qanday damu, órkeniyet turaly sóz etuge bolady? Ne ýshin? Qazaqstanda dәp osynday qaratýnekting úiyghyna birjola batuy ýshin be?

Turasyn aitalyq, Reseydi qiyn jaghdaydan tek qana reseylikterding ózderi eren enbekteri, úmtylystarymen qútqara alady. Oghan Resey Syrtqy Ister ministrliginen aqsha alyp otyrghan, qol jayyp súrap jýrgen (y.Zaharovtyng Stranovoy kenes turaly әngimesinen mәselening dәp osylay ekenin aiqyn biluge bolady - J.Sh.) Qazaqstandaghy tilenshi orys, kazak jәne slavyan qauymdastyghynyng qanday qatysy boluy mýmkin. Eger búl azamattardyng tarihy Otandaryna shynymen-aq jany ashysa, taghdyryna alandasa, әldeqashan Reseyge kóship baryp, kýnirenistegi atajúrtyna óz enbekterimen kómekteser edi ghoy. Olardy Reseyge jappay shaqyryp, arnayy memlekettik baghdarlama qabyldanghanyna da eki-ýsh jyldyng jýzi boldy. Al ózge elde shaghyn diaspora, jana tәuelsiz memlekettik azamaty bola túryp, óz taghdyryn, tarihyn qalyptastyryp jatqan býgingi Resey turaly: "Múnday súmdyq jaghday bizding tarihymyzda eshqashan bolmaghan", - dep kýizelu, baybalam saludyng etikalyq әbestigin bylay qoyghanda, adamdyq túrghydan naghyz jany ashymastyq.

y.Zaharov tayauda ózi bolyp qaytqan Belorusiti joghary baghalaydy, bizge ýlgi etedi. Ol elmen tez arada odaq qúruymyz kerek ekenin jii aitady. Qazaqstannyng auylsharuashylyghyn, tau-ken jәne múnay-gaz keshenin osy elding ónerkәsibimen tyghyz baylanystyrugha shaqyrady. Biraq... Belorusiting óndiristik el, Reseyding de aldynghy qatarly derjava boluyn qalaytyn ataman myrza Qazaqstannyng bayaghysha astyq, sýt, et, balyq óndiretin ghana agrarly memleket bolyp qala beruin tileydi. "Biz gharyshtyq derjava bolamyz ba, joq pa, ol әli belgisiz", - dep búlang qúiryqqa salady. Eng tandanarlyghy da osy. Qazaqstan eshqanday odaqsyz-aq astyq óndiruden әlemdegi jetekshi bes elding qataryna endi, al ún óndiruden әlemde birinshi oryngha shyqty. Onyng ýstine tәuelsizdik alghan uaqyt jotasynda tau-ken óndiru, múnay-gaz keshenin saqtap qalumen birge, olardy týbegeyli qayta qúrugha qol jetkizip, aitarlyqtay órkendetti. Múny әlem halyqtarynyng barshasy moyyndaydy. Endi bolashaghy búldyr odaqty qayta qúryp, osy tabystarymyzdyng bәrin Resey men Belorusi burokratiyasyna syrly tabaqpen op-onay tartu etuimiz kerek pe? Sóitip... qazaqtar bayaghysha jappay mal baghugha tiyis pe?! Aqqan ózenge eki ret sugha týsuge bolmaydy deydi, biraq Yu.F.Zaharov syndylardyng bizdi mesheu, baqytsyzdyq qúshaghyndaghy Reseymen odaq bolugha iytermeley beruin jany ashymastyq, әlde arandatu deymiz be?

Eng tandanarlyghy sol, osy súhbatta Yu.Zaharovpen birge Resey armiyasyndaghy jana reformalar men qysqartaulardy Qazaqstannyng búrynghy Qorghanys ministri, general-polkovnik A.Qasymov ta qatty syngha alady. Eks-ministrding aituynsha, Resey armiyasynda týbegeyli reformalar jýrse "belgisiz bir kýshter" Qazaqstandy basyp alatyn siyaqty. "Reformalardyng nәtiyjesinde basqa nәrse joyylady, jәne búl el ýshin, bizding bәrimiz ýshin, onyng ishinde osy joldardy oqyp otyrghan әrbirimiz ýshin shyn mәninde qauipti", - dep ýreylendiredi oqyrmandy. Al Yuriy Filippovich "osy belgisiz kýshterdin" AQSh pen Qytay ekenine esh kýmәn keltirmeydi. "Predstavite na miyg, chto Rossiy bolishe net y my, Kazahstan, ostalisi odin na odin s etim mirom...", - dep jas balany qaranghy bólmemen qorqytqan "meyirban" әkening keypin kiyedi. Sóitip: "Polojeniye, konechno, ocheni neprostoe, no budem nadeyatisya na to, chto yadernoe orujie Rossiy v blijayshie pyati let strahuet nas ot pryamoy agressiy inostrannyh gosudarstv", - dep balgerlik tanytady.

Qysqasy, jalpaq qazaq Reseyding yadrolyq qaruyna tәu etip, tilegin tileui kerek sekildi. Óitpegen jaghdayda bes jyldan song bizdi ózge memleketter jaulap almaqshy dep týtindetedi. Sóite túra KSRO-dan qalghan arsenaldyng kýni ótip, әbden eskirgenin eks-ministr de, kazaktardyng atamany da moyyndaydy. Ol ol ma, generaldar men polkovnikterding shekten tys armiyasyn asyrau Resey syndy alyp әri bay elge de auyr ekenin ekeui de joqqa shygharmaydy. Osyghan qaramastan olar "reforma jýrmeui kerek" degen qorytyndy shygharghan. Shynyn aitsaq, Resey songhy jyldary kórshilerdi "ózge memleketterding agressiyasynan" qorghaghannan góri, ózi basty qauip-qater oshaghyna ainalghany barshagha belgili. Baltyq jaghalauy respublikalary, Gruziya, Ukraina, Moldova, Polisha, tipti, ózimiz orystarmen bauyrlas deytin Bolgariya da Reseyden aulaq bolghandy qalaydy. Búrynghy sosialistik elderding bәri de Resey "qamqorlyghynan" at-tondaryn ala qashatyny ayan. Endeshe, osynday baqytsyz, beybaq elmen Qazaqstan nege odaq qúrugha tiyis? Búl mýldem týsiniksiz.

Ásili, Qazaqstan eshkimmen odaq bolmay-aq, qúldyq qamytyn moynyna qayta kiymey-aq damyghan, órkeniyetke úmtylghan jana túrpatty memleket qúrghanyn әlemge әigiledi. Endeshe, Yu.F.Zaharov syndy atamandardyng "janashyrlyghynan" Alla saqtasyn!

«Týrkistan» aptalyghy.  №36 (790)

10 qyrkýiek

2009 jyl