Memleket qayratkeri, ghalym Jaqsybek Qúlekeev eks preziydent Núrsúltan Nazarbaevty keshirudi súrady, - dep habarlaydy Dalanews.kz.

Jaqsybek Qúlekeev Nazarbaevtyng 30 jyl boyy atqarghan enbegi zor ekenin aitady.

"Bәri birdey ol kisiden teris ainalyp ketti dep aitu qiyn shyghar. Janynda jýrgen azamattar bar. Nazarbaevtyng ózin de kezen-kezenge bólip qarau kerek. Alghash egemendik alghan kezde 2005 jylgha deyin elbasy óte ýlken qyzmet jasady. Jalpy egemendikting 30 jyldyghynda elbasynyng atqarghan enbegi zor. Qazaqstandy dýniyejýzine tanytty, shekaramyzdy bekitti, ol kisining qabileti óte zor azamat.

Al songhy 10 shaqty jylda ol kisi ózining bedelin, biyligin jeke basyna, otbasyna kóbirek paydalanyp ketti. Sodan halyq sharshady", - deydi Qúlekeev "Súrauy bar" YouTube-arnasyna bergen súhbatynda.

Jaqsybek Qúlekeev Núrsúltan Nazarbaevty keshirudi súrady.

"Elbasy da pende, ol da әke. Ol da ata. Nemere, shóbere sýiip otyr. Otbasynyng ainalasyndaghylargha qatysty qoghamda aitylyp jatqan pikirlerge o kisi alandamaydy eken, qynjylmaydy eken dep aitu óte qiyn. Ol da et pen sýiekten jaralghan adam ghoy. Meninshe, o kisini dәl qazir tabalaudyng qajeti joq. Qolymyzdan keletin bolsa, egemendik ýshin, keleshek úrpaq ýshin o kisining jaqsy atyn saqtap qalghan dúrys.

Elbasy men onyng ainalasynda jýrgen adamdardyng ozbyrlyghyn nemese qylmystyq әreketin bólip qaraghan jón dep oilaymyn. Preziydentting ústap otyrghan sayasaty da sonday. Memleket ýshin, bolashaq úrpaqtar ýshin, egemendikting tuyn berik qylu ýshin Nazarbaevtyng atqarghan róli óte joghary. O kisini qazir qorlaytyn bolsaq, ol – egemendikti qorlaghanmen birdey nәrse.

Sondyqtan búl túrghyda men halyqtyng elbasygha keshirimdi bolghanyn qalar edim. Al otbasynyng jaqyn mýsheleri men otbasygha jaqyn azamattar, jaqyndyghy bolmasa da sol kisining janynda jýrip kóp paydasyn kórgen azamattar bar. Solardyng isin keshiru-keshirmeu jasaghan is-әreketterine, qylmysyna baylanysty", - dedi Qúlekeev.

Ayta keteyik, Qantar oqighasynan keyin әuejaygha asyqqan Darigha Nazarbaeva sheshesin úmytyp ketken degen aqpar taraghan bolatyn. DALA INSIDE telegram arnasy osy turasynda oy órbitip, birqatar qyzyqty tezisterdi ortagha salghan tanymal sayasatker Jaqsybek Qúlekeevtyng kitabyna qayta ýnilgen bolatyn.

Qantardyng qarsanynda eks-preziydent Germaniyada ota jasatqan "santehniyk" inisi Bolattyng kónili súrau ýshin Shamalghangha kelgen.

Jaghday ushyqqan tústa Nazarbaev pen keybir әulet ókilderi brondalghan kólikpen qyrghyz shekarasyn kesip ótken. Qyrghyz jerine tabany tiygesin, qauip búlty seyilip, Nazarbaev klany sol aradan әuejaygha jetkizilgen, әri qaray Dubay qaydasyng dep Arab jerine tartyp otyrghan.

Qúlekeevting aituynsha Áliya әuelden-aq Arab әmirliginde bolghan. Búghan onyng keyinnen óshirip tastaghan әleumettik jelidegi akkaunty dәlel.

"Servis Áliyanyng ornalasqan jerin avtomatty týrde Arab әmirligi dep anyqtady. Jariya túlghanyng akkaunty kókpen belgilense, múnday anyqtama qoyylady", – deydi ol.

Qantar kezinde Nazarbaevtyng basqan keshkenderin kózi qaraqty qauym shet-shaghalay biledi. Al eks-preziydentting túla boyy túnghyshy Darighanyng Almatydan shygha almay, sory qaynaghanyn bireu bilse, bireu bilmes.

Abai.kz