Preziydent Toqaev keybir BAQ pen blogerlerge zang jýzinde shara qoldanylatynyn aitty, dep habarlaydy Abai.kz.

– Búqaralyq aqparat qúraldary jәne ózderin bloger sanaytyn keybir azamattar tabighat apatyna qatysty dýrbeleng tudyryp baybalam salu, biylikti orynsyz aiyptau qoghamdy ortaq iske úiystyrugha bóget bolatynyn, memlekettik organdar ahualdy uysynan shygharyp aldy degen jalghan úghym qalyptastyratynyn týsinuge tiyis. Múnday әreket әleumettik kýizelis tudyrady. Onyng saldary halqymyzdyng abyroy-bedeline núqsan keltiredi. Sondyqtan biylik osynday kelensiz jaghdaylardyng aldyn alu ýshin memleket qauipsizdigine qater tóndiretin adamdargha zang jýzinde shara qoldanady, – dedi Memleket basshysy.

– Qazirgi kýrdeli kezende elding birligi men yntymaghyn saqtau – eng basty mindet. Biz qoghamgha iritki salatyn әrbir әreketke tosqauyl qoyamyz. Men búryn da aitqanmyn, qazaqtyng memlekettigine qarsy keybir teris pighyldy adamdar qarap otyrmaydy.

«Atyng shyqpasa, jer órte» degen. Olar qogham ishine iritki salu ýshin әleumettik jelide týrli qiytúrqy әreketterge baratyny anyq. Bir sózben aitsaq, halyq arasynda jalghan mәlimet taratady. Sondyqtan bәrimiz kez kelgen aqparatqa syn kózben qarap, tek resmy mәlimetterge sýienuimiz qajet, – dedi Memleket basshysy.

Abai.kz