Jeksenbi kýni Reseydegi Daghystannyng Derbent jәne Mahachkala qalalarynda bolghan shabuyldan kem degende 17 adam, onyng ishinde 15 polisiya qyzmetkeri qaza tapty.

Respublikada lankestikke qarsy operasiya rejiymi engizildi, eki qaladaghy úrystar keshke deyin jalghasty. Saghat 23:00-de Últtyq antiyterroristyk komiytet (ÚAK) Derbentte arnayy operasiyanyng belsendi fazasy ayaqtalghanyn habarlady.

Mahachkala men Derbenttegi soyqan: Anyq-qanyghy qanday?

Týnde ÚAK operasiya barysynda 5 shabuylshy qaza tapqanyn habarlady.

«Derbentte ótkizilgen jauyngerlik is-shara nәtiyjesinde eki bandiyt, Mahachkalada ýsh bandit beytaraptandyryldy», - delingen habarlamada.

Daghystannyng basshysy Sergey Melikov: «15-ten astam polisiya qyzmetkeri qolyna qaru alyp, Daghystannyng beybitshiligi men tynyshtyghyn qorghap, býgingi lankestik әreketting qúrbany boldy», - degen edi. Ol sonymen qatar, shabuyl saldarynan birneshe beybit adamnyng qaza tapqanyn aitty.

Shabuyl jasaushylardyng naqty sany әzirge belgisiz. ÚAK sodyrlargha kómektesushilerdi izdeude. Respublika IIM mәlimetinshe, Mahachkala auruhanasyna 16 adam jetkizilgen. Qaza tapqandar turaly aqparat naqtylanuda.

Reseyding Tergeu komiyteti «Terakt» baby boyynsha qylmystyq is qozghady.

24-26 mausym kýnderi Daghystanda aza tútu kýnderi dep jariyalandy.

Aymaq basshysy Daghystandaghy jaghday biylik pen jedel organdardyng baqylauynda ekenin aitty.

«Qaza tapqandardyng jәne zardap shekkenderding otbasylaryna materialdyq kómek kórsetiledi. Daghystanda sodyrlardyng úiyqtap jatqan úyashyqtaryn anyqtau jalghasady», - dep mәlimdedi Melikov.

Biylikting aituynsha, sodyrlardyng shabuylynan keyin órtenip ketken shirkeu men sinagoga qalpyna keltiriledi.

Kýsh qúrylymdary Mahachkaladaghy Uspen sobory aumaghynda qarumen júmys isteudi jalghastyruda. Olar qosalqy ýi-jaylardy tintedi. Aumaq әli de qorshalghan. Shirkeu audanynda túratyn adamdardy óz ýilerine jiberdi. QTO rejiymi ónirde әreket etuin jalghastyruda.

Kremli Daghystandaghy oqigha turaly әzirge ýnsiz túr, shabuyl jasaghandardyng jeke basy men olardyng sany turaly resmy aqparat әzirge aitylmaghan.

Sonday-aq, Sergokaly audanynyng basshysy Magomed Omarovtyng úldary men tuystarynyng oqighagha qatysy bar ekendigi turaly resmy týsinikteme joq.

Qazir Birinshi Mahachkala yqsham audanyndaghy shirkeu audanynda túratyn adamdardy óz ýilerine kirgizgeni belgili boldy, biraq atys ornyna ótu joly әli de jabyq.

Magomed Omarov pen onyng úldary: «Edinaya Rossiya» neden jaltardy?

Reseyding «zapastaghy preziydenti» Medvediev bastap, Qadyrov qoshtap, búghan Ukraina men Batysty, AQSh-ty aiyptaugha kirisip ketken. Qazir Reseydegi iydeologiya sol, bar pәlege aiypty - Ukraina, AQSh pen Batys. Al búl diny alauyzdyq. Kәdimgi radikaldy diny kózqarastaghy kýshter men toptardyng terrorlyq әreketi.

Resey sayasatshylary búl oqighadan Ukrainanyng qol izin izdep әlektenip jatqanda, qaza tapqan 2 terrorshynyng kim ekeni anyqtalypty. Sóitse, ólgen ekeu Daghystannyng Sergokalinski audanynyng әkimi Magomed Omarovtyng eki úly bolyp shyqqan.

Sergokalinski audanynyng әkimi Magomed Omarov qyzmetinen ketu turaly ótinish jazdy jәne RF Tergeu komiyteti ony tergeudi bastap ketti. Ýiine tintu jýrgizildi. Onyng eki úly Osman men Ádil  terrorlyq әreket kezinde óltirildi.

Magomed Omarov Putinning «Edinaya Rossiya» partiyasynyng mýshesi bolghan. Alayda, osy oqighadan song partiya saytynan Omarov jayly derekter joyylghan.

Preziydent Toqaev Putinge kónil aitty

Memleket basshysy Qasym-Jomart Toqaev Daghystandaghy pravoslavie shirkeui men sinagogagha lankestik әreketter jasalyp, sonyng saldarynan din jәne qúqyq qorghau organdary qyzmetkerlerining qaza boluyna baylanysty Resey Preziydenti Vladimir Putinge kónil aitty.

Qazaqstan Preziydenti qúqyq qorghau jýiesi arqyly jedel-izdestiru sharalaryn jýrgizude kómek kórsetuge dayyn ekenin jetkizdi. Memleket basshysy adamzatqa qarsy jasalghan múnday әreketti ýzildi-kesildi aiyptaydy, sonday-aq, BÚÚ, ShYÚ jәne basqa da bedeldi halyqaralyq úiymdar ayasynda lankestikpen kýresu ýshin kópjaqty yntymaqtastyqty damytudy qoldaydy.

Abai.kz