Qazaqstandyq tennisshiler Olimpiadadaghy jarystaryn týgel ayaqtady. Bizding komandada kortqa shyqqan Aleksandr Bublik pen Aleksandr Nedovesov júptyq synda jenilip qaldy.

Júptyq syndaghy jenilisten song Bublik shyghyp býidedi: «Búl nәtiyjemizge bagha beru qiyn. Áriyne, mýmkindik boldy. Medalidi aitpaghanda, jeniske jetuding ózi qoldan kelmedi. Qazaqstandyqtardan birneshe oiynda jene almaghanym ýshin keshirim súraymyn. Sashamen (Nedovesov - red.) songhy ret 2022 jyly oinadym. Júptasyp jattyghugha da mýmkindik bolmady. Birge oinaytyn tәjiriybemiz az. Biraq búl da aqtalu emes» (pikirdi olympic.kz jariyalady).

TENNISShI JIGITTER ÝMITTI AQTAMADY!

Bublik jekeley synda alghashqy ainalymda jenilis tapqan. Jekeley syndaghy alghashqy ainalymda ol reytingte 11-orynda túrghan amerikalyq Teylor Frispen kezdesti. Eki setke sozylghan matchta Bublik jenilis tapty.

Osynyng aldynda tennisshi Aleksandr Shevchenko Parijdegi Olimpiada oiyndarynyng birinshi ainalymynda útylghan edi. Shevchenko alghashqy ainalymynda chehiyalyq Yakub Menshikpen kezdesti. Eki setke sozylghan matchta 6:3, 6:4 esebimen jenilgen.

Búl tennisten erler qúramasynyng el namysy synalar tórt jyldyqtyng basty bәsekesindegi kórsetkishteri.

TENNISShI QYZDAR JARYSPAY JATYP JENILDI

Al tennisshi qyzdar tipti masqara qyldy. Parijge úshyp baryp, belsendi týrde jattyghularyn jasap jýrgen Yuliya Putinseva ayaq-asty Olimpiada jarystaryna qatyspaytynyn mәlimdedi. Búl habardy QR tennis federasiyasy jetkizdi.

Putinseva dayyndyq kezinde tizesin auyrtyp alypty. Medisinalyq tekseruden ótken song turnirden bas tartu turaly sheshim qabyldaghan eken.

Qazaqstan tennis federasiyasynyng viyse-preziydenti Dias Dosqaraev atalghan jaghdaygha qatysty: «Parij Olimpiadasy biz ýshin synaqpen bastaluda. Aldymen Elena Rybakina syrqatyna baylanysty bas tartsa, Yuliya Putinseva jarqatyna baylanysty jarysty toqtatty. Eki sportshygha da ýlken ýmit arqan edik, ókinishti», - dedi Dosqaraev.

Al Elena Rybakinanyng jaghdayyn osyghan deyin egjey-tegjeyli jazdyq. Olimpiadagha tura bir kýn qalghanda, «densaulyq jaghdayyn» aityp, Olimpiadagha barudan bas tartqan. Dәrigerler oghan «kortqa shyqpaq týgili, úshaqqa minuge tyiym salghanyn» aitqan. Osydan son, Rybakinagha Qazaqstan qoghamy ókpesin bildirdi. Halyqaralyq tennis federasiyasynyn, Qazaqstan tennis federasiyasynyng hәm Rybakinanyng ózining aqtalu sózderin – syltau dep qabyldady.

Sóitip, Qazaqstannyng tennisshileri tórtkýl dýnie kóz tikken tórt jyldyqtyng basty bәsekesinde týk tyndyrmay qaytyp barady.

El jýlde kýtken qyzdar jarysqa týspey jyghyldy. Rybakina mýlde barmay qalsa, baryp túrghan Putinseva sayysqa týsken joq. Al erler alghashqy ainalymnan jenilip, jarysty toqtatty. Bublikting ózi aitpaqshy, «medalidi aitpaghanda, jeniske jetuding ózi qoldan kelmedi».

PARIJDEGI SÁTSIZDIK – ÓTEMÚRATOVTYNG ARIFMETIKASY MA?

Qazaqstan tennis federasiyasyn úzaq jyldardan beri oligarh Bolat Ótemúratov basqarady. Álgi jeme-jemde «bronhy» auyryp qalatyn Rybakinany attay qalap, Reseyden aldyrtqan da osy Ótemúratovtyng ózi edi. Rybakinanyng halyqaralyq jarystaryna Ótemúratovtyng ózi baryp, tamashalap jýrgen suretteri de jelilerge san mәrte taralghan edi.
Sportty monopoliyalap alghan olligarh sheneunikterding attay qalap sheteldik sportshylardy elge tartuyn, Elena Rybakinanyng Reseydegi bapkerining sózimen aitqanda «Dayyn asqa tik qasyq boluyn» últ sportyna bolghan janashyrlyqtan tughan әreket dep baghalau orynsyz bolar edi.

Qantar oqighasynan keyin jasaghan alghashqy joldauynda preziydent Toqaev preziydent Nazarbaevtyng biyligi kezinde elimizde әlemdik dengeydegi at tóbelindey olligarh toptardyng payda bolghanyn tilge tiyek etti. Nazarbaev jaqyndary men jaqtastaryna tәuelsiz elding jer asty-ýsti baylyghyn ghana emes, sayasi, mәdeny tetikterdi de basqarugha berdi. Qazirgi Qazaqstan tennis fedarasiyasynyng preziydenti Bolat Ótemúratov kezinde Nazarbaevtyng kómekshisi, is jýrgizushisi bolghany belgili.

Qazaq sportyna qojalyq jasaghandar bir Ótemúratov emes. Timur Qúlybaev Últtyq olimpiada komiytetin tizgindegen tústa Kәrim Mәsimov, Asqar Mamiyn, Danial Ahmetovterge deyin bir-bir federasiyagha iyelik etti. Osydan-aq qazaq sportynyng 30 jyl naryqtyq bәsekening qazanynda emes, biylikting nazarynda bolghanyn bayqau qiyn emes.

Ótemúratovtyng «arifmetikasy» turaly sóz Rybakinanyng Olimpiadagha barmaytyny turaly aqparattan keyin taray bastady. Sebebi, Qazaqstan qoghamy Rybakinanyng Týrkiya kurortyndaghy suretine qarap onyng qazaqtar tóleytin 250 myng dollardy qomsynyp, әri jaraqat alyp qaludan saqtanghandyq dep sanaydy. Al aghylshyn tildi «tennis.com» sayty: «25 jastaghy tennisshi songhy ret «Uimbldon» turniyrine qatysyp, jartylay finalda aqyrghy chempion Barbora Kreychikovagha jenilip qaldy. Endi Rybakinanyng nazary Soltýstik Amerikadaghy hard turnirlerine auyp otyr. Ol 6 tamyzda Torontoda Rodjers úsynghan National Bank Open turniyrinde baq synaydy dep josparlanghan», - dep jazdy.

Ótemúratov birdene dep, týsinikteme berer dep otyrmyz... Áytpese, ózgelerin aitpaghanda, dәl Rybakinanyng Parijge barmay qaluy – Ótemúratovtyng jeke arifmetikasy degen pikirler de әste-әste aitylyp qap jatyr...

Abai.kz