Ózderiniz bilesizder, 16 kýnge sozylghan Parij Olimpiadasynda 205 elding ókilderi jýzdegen jýldeni sarapqa saldy. Osynshama elding tek 93-i ghana medali ala aldy. Qazaqstan olimpiyashylary 1 altyn, 3 kýmis, 3 qolamen jalpy komandalyq esepte 43-oryngha taban tiredi.

Búl kórsetkish osynyng aldyndaghy Tokio Olimpiadasynda alghan 84-orynmen (0 altyn, 0 kýmis, 4 qola) salystyrghanda sәl imantarazylau. Al Rio-2016 Oiyndaryndaghy 30-oryn (2 altyn, 5 kýmis, 10 qola) búl kýnde arman bolyp qalghany ras (onyng aldyndaghy jetistikterdi eske almaghannyng ózinde).

QAZAQ SPORTYNDA ILGERILEU JOQ!

Demek, qazaq sportynda ilgerileudin, damudyng joq ekenin moyyndaghan jón, búl jayt osy sala jetekshilerin oilandyruy, batyl sheshimder qabyldaugha jeteleui qajet. Boks, kýres, dzudo sekildi jýldeden ýmitti sport týrlerimen qosa sporttyq gimnastika, kórkem gimnastika, úzyndyqqa sekiru, biyiktikke sekiru, su sporty týrleri, jenil atletika týrleri sekildi salalargha kóp kónil bólu qajet. Komandalyq sport týrlerindegi jaghday tipti syn kótermeydi. Shetten oralghan óz qandastarymyz el azamattyghyn der kezinde ala almay, zaryghyp jýrgende bizding sheneunikter Keniyadan alyp kelip, lezde Qazaqstan azamattyghyn bere qoyghan «legioner jelayaqtarymyz» 17-orynnan asa almay jýr, solardyng ornyna óz úl-qyzdarymyzdy tәrbiyelesek, әiteuir kóz quanysh bolmas pa edi. Pәlendey jetistikke jetpese de Olimpiadanyng Parij tórindegi jabylu saltanatynda el tuyn tik ústap shyqqan Batyrhan Tóleughaly men Elijana Taniyevany kórip, kónil shalqyghan joq pa?.. Jalpy sport salasyna reforma kerek, últtyq ústanym, otanshyldyq kózqaras qajet.

MINISTRDING QORYTYNDYSY: NE AYTYLDY?

Býgin QR Sport jәne turizm ministri Ermek Marjyqpaev Parij Olimpiadasynyng qorytyndysyna arnalghan alqa otyrysyn ótkizdi. Búl turaly ministrlikting telegram arnasy jazdy.

Otyrysqa Preziydent Ákimshiliginin, Ýkimet apparatynyn, deputattyq korpustyng ókilderi, sala ardagerleri, Olimpiada jýldegerleri, qúrmetti bapkerler, ónirlik basqarmalardyn, federasiyalardyn, vedomstvogha baghynysty úiymdardyng basshylary, sonymen birge BAQ ókilderi qatysqan.

Biz atalghan jiynda ministr Marjyqpaevtyng ne degenin Abai.kz oqyrmandarynyng talqysyna úsynghandy jón kórdik...

Ministr bayandamasyn Olimpiadada jýlde alghan sportshylar turaly sózben bastady. Onan song ministr Marjyqpaev: «Ózderiniz bilesizder, keshe ghana Memleket basshysy Qasym-Jomart Kemelúly Toqaev Olimpiada jýldegerlerimen kezdesti. Sportshylar men bapkerlerdi memlekettik nagradalarmen marapattady. Sportqa jýieli qoldau kórsetip, jan-jaqty damyghan, salauatty últ qalyptastyru manyzdy ekenin atap ótti. Jekelegen sport týrleri boyynsha nәtiyjeni jaqsartu kerek. Biz ýshin dәstýrli sanalatyn sport týrleri bar. Solardan dayyndyq tómen, nәtiyje nashar bolyp shyqty. Byltyr Hanchjouda Aziya oiyndary ótti. Aziadagha qatysqan sportshylardyng 80 payyzy biyl Parijge bardy. Al Hanchjoudan últtyq qúramanyng qanday nәtiyjemen kelgeni bәrimizge belgili. Tarihtaghy eng nashar Aziada boldy. Soghan qaramastan az uaqyt qalsa da, jaghday jasadyq. Biraq Parijdegi nәtiyjeni ózderiniz bilip otyrsyzdar», - dedi.

Ministr Olimpiadadaghy BOKSShYLARDYNG NÁTIYJESI turaly býidedi:

«Bokstan erler qúramasy barlyq salmaq dәrejesinde óner kórsetti. Mindettemeler  boyynsha olar 1 altyn, 1 kýmis jәne 1 qola medali alugha uәde bergen. Komanda tek 1 kýmis jenip aldy. Ekinshi oiyn qatarynan sportshylar birde-bir altyngha qol jetkize almady. Qazaqstandyq boks mektebi ózining jetekshi pozisiyalarymen әlemdik sport arenasynda әrqashan danqty boldy. Bizding boksshylar 1996 jyldan beri jarystargha qatysyp, barlyghy 22 medali jenip aldy: 7 altyn, 7 kýmis jәne 8 qola. Búl Olimpiadada bokstan últtyq qúrama ýzdik nәtiyje kórsete almady!», - dedi.

Onan song JENIL ATLETIKA NÁTIYJELERI boyynsha sóiledi:

«Jenil atletika komandasynyng 8 liysenziyasy boldy. Alghan mindettemeleri boyynsha komanda 1 kýmis medalidi uәde etken edi, shyn mәninde, sportshylardyng eng jaqsy nәtiyjesi 9-oryn ghana boldy.

2000 jyldan beri, Tokio oiyndaryn qospaghanda, sportshylar túraqty týrde jýldeli oryndargha ie boldy. Barlyghy 87 sportshy jarystargha qatysyp, 5 medali jenip aldy: 2 altyn, 1 kýmis jәne 2 qola. Osy medaliding 3-eui bir sportshygha ghana – Oliga Rypakovagha tiyesili.

Nadejda Duboviskayanyng búl mausymdaghy eng jaqsy kórsetkishi – 1,92 m. Edi. Parijde ótken irikteu kezeninde ol nebәri 1,83 m. biyiktikti baghyndyrdy. Al Matveeva Elizaveta jaqsyraq nәtiyje kórsete alar edi, sebebi búryn ol 1,92 m. kórsetkishti baghyndyrghan bolatyn. Búl oiyndarda ol 1,88 m. ghana sekirdi. Jenil atletikadan jaqsy nәtiyje kýtken edik, ýmitimiz aqtalmady!», - dedi.

Ministr ERKIN KÝRES NÁTIYJELERI turaly:

Ermek Marjyqpaev erkin kýres komandasy qola medali alugha uәde bergenin atap ótti. Alayda sportshylar shiyrek finalgha óte almay, birinshi ainalymnan shyghyp qaldy. Tipti medali jenip alu jaghynan eng sәtsiz degen Tokio Olimpiadasynda qola medali bolghan edi.

«Tarihta alghash ret әielder kýresinen sportshylar Oiyndargha qatysqan joq. Búryn bizde dәstýrli týrde jaqsy pozisiyalar bolghan», - dedi ministr.

Ári qaray ministr Ermek Marjyqpaev ónirlerding jaghdayyna toqtaldy.

«Últtyq qúramagha 17 ónirding sportshylary kirdi. Almaty (17), Astana (14) jәne Shymkent (12) ókilderi kóp joldamagha ie boldy. Al Qostanay, Úlytau jәne Manghystau oblystarynyng sportshylary birde-bir liysenziya alghan joq. Jýldeger sportshylar kelesi oblystardan shyqty: Jambyl oblysy (altyn – Smetov E.), Almaty qalasy (kýmis – N. Qúrbanov, 3 qola: Gh. Qyrghyzbaev, N. Qyzaybay, I. Sәtpaev jәne A. Le), Astana qalasy (kýmis –N.Oralbay), Almaty oblysy (kýmis – D. Jadyraev)», - dep atap ótti ministr.

Ermek Marjyqpaev jergilikti atqarushy organdar olimpiadalyq sport týrlerine basymdyq berip, salany damytu sayasatyn qayta qarauy qajet ekenin aitty.

«Qazirden bastap mýddeli taraptarmen birge aqparattyq-týsindiru júmystaryn jýrgizu kerek. 6 aidan keyin Harbinde 9-shy Qysqy Aziya oiyndary ótedi. Milan men Kortina-dAmpesso qalalarynda ótetin 25-shi Qysqy Olimpiada oiyndaryna da az uaqyt qaldy. Últtyq qúramanyng dayyndyghyn kýsheytu qajet», - dedi ministr.

Ministr Parij Olimpiadasynyng qorytyndysyna arnalghan alqa otyrysyndaghy bayandamasyn ayaqtay kele jogharyda ataghan sharalar aldaghy uaqytta jemisin beretinine senim bildirdi.

«Sportty basqarugha, sportshylardyng dayyndyghyna jaqsy әser etedi dep oilaymyn. Biz jana Olimpiadalyq sikldi qazirden bastadyq. Alda Los-Andjeles Olimpiadasy kýtip túr. Manyzdy dodagha qazirden dayyndalu kerek. Ministrlik, federasiyalar, bapkerler, әkimdikter, Últtyq Olimpiada komiyteti Parijdegi jaghdaydan sabaq shygharyp, sapaly júmys jýrgizui qajet. Búl – bәrimizge ortaq mindet», - dep qorytyndylady alqa otyrysyn.

Abai.kz