Amerikadaghy preziydent saylauyndaghy Donald Tramptyng jenisinen keyin qazaqtildi әleumettik jelilerde aluan týrli pikir, boljamdar aitylyp jatyr. Tipti, «Tramp qazaqty Qytay men Reseyden qorghaydy» dep jelpinetinder de jeterlik.

Biraq aqiqatqa tura qarayyq. Amerikanyng preziydenti kim bolsa da, ol Amerikanyng preziydenti. Eshbir shetel basshysy qazaqtyng múnyn múndap, bas qatyrmaydy, tek múnayyn soryp, óz esebin týgendeudi ghana oilaydy. Resey de, Qytay da, ózge de solay.

Onyng ýstine Tramp emosiyanyn, júmsaq sayasattyng adamy emes. Isker ortadan shyqqan ol Amerikanyng әr dollaryn eseppen júmsaytyn kәsipker. NATO elderinen qorghanys ýshin tólenetin qarjy kólemin úlghaytudy talap etip otyrghan ol – Ukrainagha da sonday esepshining kózqarasymen qaraydy.

Men onyng saylau aldyndaghy nauqanda Arizona, Soltýstik Karolina shtattarynda sóilegen sózderin ghana tyndadym. Bәrinde de demokrattardy aqylsyz, al qarsylasy Kamala Harristi «marksist, kommunist, Kamala joldas» dep kemsitip sóilep, amerikalyqtardyng sanasyndaghy kommunisterge degen jekkórushilikti jaqsy paydalandy.

Al onyng baghdarlamasynda Qazaqstangha paydaly tústary da bar siyaqty. Mysaly, Latyn Amerkasynan kelip jatqan zansyz bosqyndargha shekarany jabu. Reseyden, ózge elderden shekara asyp, aghylyp jatqandar erteng elge qauip tóndirmesine kim kepil?

Saylaudan keyin jaqtastary aldynda sóilegen sózinde: «Men baj salyghy degen sózdi jaqsy kóremin», - degen Tramp Qytaydan keletin ónimderge baj salyghyn 60 payyzgha, Europalyq Odaq elderi ýshin 20 payyzgha kóteru josparyn mәlimdedi. Búl da bizge ishki naryqty qorghau qshin qajet shara.

Elektr quaty tariyfin elu payyzgha deyin tómendetemin, Amerikany zansyz bosqyndardan tazartyp, qylmysty azaytyp, óndiristi shet elderden Amerikagha kóshiremin de júmys oryndaryn ashamyn degen Tramp halyqtyng kónil-kýiin dóp basty. «Djon Diyr» kompaniyasynyng basshylyghy kombayndardy Meksikada shygharmaq eken. Jaqsy, solay bolsyn. Biraq preziydent bolghannan keyin men Amerikagha әkelinetin «Djon Diyr» kombaynyna jýz payyz salyq engizemin», - dedi ol Arizona shtatyndaghy sózinde.

Yamaykalyq-ýndilik otbasynan shyqqan Kamala Harris bolsa - halyqtyng basym bóligin qúraytyn júmysshy tabyn nazardan tys qaldyryp, latynamerikalyq, aziyalyq saylaushylardyng qoldauyna ýmit artty.

«NBC» kompaniyasy jýrgizgen saualnamada halyqtyng 35 payyzy demokratiyalyq erkindikti, 31 payyzy ekonomikany, 14 payyzy әielderge týsik jasatu húqy beriluin, 11 payyzy bosqyndar aghynyn qysqartudy Amerika ýshin eng manyzdy mәsele dese, tek 4 payyzy ghana syrtqy sayasatty manyzdy mәseleler qataryna qosqan.

Bizde de ýkimetting әleumettik, sayasy manyzy bar sheshimderin osynday saualnamalar negizinde halyqtyng kónil auanyn eskerip, qabyldauyna mýmkindik beretin zertteu ortalyqtary bolsa artyq bolmas edi.

Marat Ermúqanov

Abai.kz