Innovasiyany damytugha arnalghan zang jobasyn talqylau kezinde Astana Hub halyqaralyq tehnoparki men «Innovasiyalyq tehnologiyalar parki» derbes klasterlik qoryn biriktiru prosesin zanmen retteu normalary tanystyryldy.

Deputattar atalghan eki úiymgha memleketten ýlken qoldau kórsetilip otyrghanymen soghan sәikes baqylau bolmay jatqanyn synady.

«Jalpy tehnoparkte qazirgi tanda 18 mlrd tengege 204 joba jýzege asyrylyp jatyr. Sondaghy әr jobadan qansha salyq týskeni, qansha júmys ornyn ashqany turaly taldau jasalu kerek. Songhy bes jylda tehnopark pen Astana Hub-ta qansha subekt boldy? Olar ne istep jatyr? Qansha kiris tapqanyn jazbasha úsynynyzdar. Biz soghan taldau jasauymyz kerek», - dedi Núrtay Sabiliyanov.

Deputat tipti Astana Hub-ta tirkelgen kәsiporyndargha úsynylyp otyrghan salyq jenildikterin azaytudy úsyndy.

«Bes jylda Astana Hub 864 mlrd tenge kiris alghan eken. Sodan budjetke bar tólegeni 7 mlrd 630 mln tenge ghana. Al ondaghy subektilerge 133 mlrd tenge salyq jenildigi berilgen. Sondyqtan Salyq kodeksin qaraghan kezde osynday salyq jenildikterin alyp tastaugha júmys isteuimiz kerek. Nege biz biznes subektilerge salyq jenildikterin berip, subsidiya beremiz? Al basqa salalargha aqsha jetpey jatady. Eger ondaghy jobalar jana júmys oryndaryn ashyp, jana tehnologiyalardy damytyp jatsa týsiner edim. Al bizde janalyq joq. Sondyqtan osy jaghyna basty nazar audaramyz», - dedi Mәjilis deputaty.