Elorda túrghynyn baspana alap beremin dep tanysy aldap ketken. Astana qalasy Polisiya departamenti baspasóz qyzmetining mәlimetinshe, jәbirlenushi tartymdy úsynysty qabyldap, alayda kópten kýtken baspanasyna ie bola almaghan.

Ol qylmyskerge 1 mln 500 myng tengeden astam somagha aldanyp qalghan. Keyin aldanghanyn týsingen elorda túrghyny polisiyagha jýgingen.

- Jedel-izdestiru is-sharalarynyng kóleminde Bayqonyr audanynyng kriminaldyq polisiya qyzmetkerleri kýdiktining túlghasyn anyqtady. Qarajatty alayaqtyqpen iyemdenip, osylaysha, materialdyq shyghyn keltirgen 35 jastaghy әiel adam ekeni mәlim boldy, - delingen Astana qalasy PD habarlamasynda.

Kýdikti qylmysyn moyyndady. Alayda jәbirlenushige aqshasy qaytarylmady, óitkeni qylmysker qarajatty әr týrli shottargha jibergen.

- Alayaqtyq faktisi boyynsha qylmystyq is qozghaldy. Tergeu barysynda kýdiktining taghy da úqsas qylmystargha qatystylyghy anyqtaldy. Qazirgi tanda qylmysker abaqtygha qamaldy, - dep habarlady qalalyq polisiya departamenti.

Polisiya barlyq jaghdaydy tekseru jәne qylmyskerding mýmkin bolatyn baylanystaryn anyqtau maqsatynda tergeudi jalghastyruda.

Abai.kz