Ázerbayjan preziydenti Ilham Áliyev Aqtaudaghy úshaq apatyna qatysty pikir bildirip, Qazaqstanmen dostyq pen bauyrlastyq osynau qiyn synaqtan keyin búrynghydan da nyghaya týskenin aitty.

«Osy rette men preziydent Toqaevqa qayghyly oqigha saldarynan Qazaqstannyng alty azamaty qaza tapqanyna baylanysty kónil aittym. Ol da maghan kónil aitty. Búl oqigha qanshalyqty qayghyly hәm qiyn bolghanymen, búl da bir synaq boldy. Búl synaq - әr taraptyng qalay әreket etetinin kórsetetin synaq. Bizding dostyghymyz ben bauyrlastyghymyz osynau qiyn synaqtan keyin nyghaya týsti. Qazaqstan da osynday pikirde ekenine senimdimin», - dedi Áliyev.

Áliyev qazaqstandyq qútqarushylardyng enbegin atap ótti.

«Oqigha bolghan song birden qazaqstandyq qútqarushylar apat ornyna jedel jetip, qiraghan fuzelyajdan adamdardy shygharugha kiriskenin kórip-bilip, aqparat aldyq. Olar sol jerde jarylys bolatyn-bolmaytynyn bilmegendikten, óz ómirlerin qaterge tikken. Úshaqtyng bir bóligi órtenip ketken, al ekinshi bóligi órtenip ketui mýmkin edi. Biraq, soghan qaramastan olar naghyz erlik kórsetti. Búl rette medisina qyzmetkerlerining enbegi kóp boldy.

Zardap shekken jolaushylar dereu medisinalyq mekemelerge jetkizildi. Búl ýshin men preziydent Toqaevqa da rizashylyghymdy bildirdim. Qazaq bauyrlarymyzdyng yntymaghy, men biletindey, әzerbayjan halqynyng jýreginde tereng iz qaldyrdy.

Qarapayym azamattar Aqtaudaghy konsuldyghymyzgha gýl shoqtaryn qoyyp, bizge degen yqylastaryn bildirdi. Naghyz dostyq pen bauyrmaldyq degen osy! Sonymen birge, men preziydent Toqaevpen әngimede Ázerbayjannyng tergeuge qatysty ústanymyn aityp, onyng nazaryna men sizge aityp ótken jayttardy jetkizdim.

Biz halyqaralyq saraptamagha dayynbyz jәne eshbir jaghdayda búl mәseleni Memleketaralyq aviasiya komiytetining qúzyryna bere almaymyz. Búl ústanym týsinistikpen qabyldandy. Áriyne, bizding memlekettik organdardyng ókilderi, komissiya mýsheleri men basshylary, prokuratura ókilderi ýnemi baylanysta.

Qazaqstan da óz kezeginde memlekettik komissiya qúrdy, búl turaly maghan әngime barysynda preziydent Toqaev aitty. Olar әriyne, bolghan oqighanyng barlyq mәn-jayyn anyqtaugha tyrysady», - dedi preziydent Áliyev.

Osyghan deyin Ázerbayjan liyderi Ilham Áliyev Resey preziydenti Vladimir Putinmen telefon arqyly sóilesip:

«Álbette, bizding úshaqty abaysyzda atyp aluy mýmkin. Eshqanday qasaqana oilastyrylghan shabuyl emes. Sol sebepti kinәni moyyndap, Ázerbayjannan keshirim súrap, dos el retinde mәn-jaydy qoghamgha týsindiru kerek edi. Búl jasalugha tiyis qadamdar edi. Ókinishke oray alghashqy ýsh kýnde Resey tarapy aqylgha kelmeytin sandyraq núsqalardy aitudan basqa eshtene istemedi», - degen bolatyn.

Sonymen qatar, Ázerbayjan Reseyge birneshe talap-shart qoyghan. Olar:

Birinshiden, Resey Ázerbayjannan keshirim súrauy tiyis.

Ekinshiden, ol óz kinәsin moyyndauy qajet.

Ýshinshiden, qylmystyq jauapkershilik ayasynda barlyq kinәliler jazalanuy kerek.

Tórtinshiden, Ázerbayjan eline, japa shekken jolaushylar men ekipaj qúramyna tiyisti ótemaqy tólenui qajet.

Taqyrypqa túzdyq:

Aqtaudaghy әue apatyn tergeu jónindegi komissiya apat bolghan úshaqtyng qara jәshikterin Braziliyadaghy ortalyqqa jiberu turaly sheshim qabyldady. Búl turaly 29 jeltoqsanda Kólik ministrligi habarlady.

«CENIPA ortalyghynda qajetti tehnikalyq mýmkindikter qarastyrylghan, tiyisti qúraldarmen jabdyqtalghan jәne olardy oqu ýshin sertifikattalghan zerthana bar. Búl mәsele preziydent Qasym-Jomart Toqaevtyng jeke baqylauynda», - delingen habarlamada.

Abai.kz