Jetisu oblysynda júmysshy mamandyqtary jyly ayasynda «Enbekpen er atanghan» kósh kerueni mәdeny sharalary bastaldy. Oblystyq mәdeniyet, arhivter jәne qújattama basqarmasynyng úiymdastyruymen qolgha alynghan is-shara ayasynda enbekting qúndylyghyn úghyndyratyn kitaptar men suretter kórmesi, muzey jәdigerlerinen kórmeler qoyylyp, konserttik baghdarlamalar úsynyluda. Býginge deyin osynday kósh keruen Eskeldi, Kóksu audandarynda bolyp ótti, - dep habarlaydy Jetisu oblysy әkimining baspasóz qyzmeti.

Shara barysynda Qarabúlaq jәne Balpyq by auyldaryndaghy mәdeniyet ýilerinde Seyfullin atyndaghy oblystyq ortalyq kitaphana «Adal adam - Adal  enbek - Adal tabys» atty kitap kórmelerin úiymdastyrdy. Onda Qúttybek Bayandinning «Núrmolda Aldabergenov», «Nar túlgha», Nikita Golovaskiiydin  óz tәjirbiyesi jayly syr bólisken «Chelovek na zemle», «Deni, ravnyy godu», sol siyaqty Sosialistik Enbek Eri Zyliha Tamshybaevagha arnalghan «Jetisudyng júldyzy», «Jer turaly jyr»  kitaptary qoyyldy. Sol siyaqty auyl sharuashylyghy, egin sharuashylyghy, qyzylsha, jýgeri, kartop, jemis-jiydekterdi ósiru tehnologiyasy, ony damytu joldary men tiyimdiligi turaly kitaptarmen qatar traktorshy, kombaynshy, jýrgizushi, dәnekerleushi, sanitarlyq tehniyk, aspaz t.b mamandyqtar turaly anyqtamalar men kәsiby baghdar beretin baspalyq dýniyeler kópshilik nazaryna úsynyldy. Sonday-aq әdebiyettegi enbek adamynyng beynesin ashatyn kórkem shygharmalar da atalghan kórmeden tabyldy.

Osy kýnderi Taldyqorghandaghy Kórkemóner galereyasynyng kórmesi qoyylyp, oghan kәsipqoy suretshiler J.Mýsәpir, J.Seyithamiyt, Q.Orazghaliyev, M.Ábdreev, N.Joshybaev jәne t.b. suretshilerding júmystary aparyldy. Sonymen qatar  elimizding órkendeuine zor ýles qosqan Sosialistik enbek erleri Z.Tamshybaeva, D.Qonaev, N.Aldabergenov, N.Golovaskiy, B.Tatenova, A.Zaynaudinova, M.Álimbaeva, K.Aytjanova, J.Moldasanovtyng fotosuretteri, oghan qosa ónirdegi muzeylerding jәdigerleri kópshilik nazaryna úsynyldy. Is-sharalar D.Raqyshev atyndaghy oblystyq filarmoniyanyng konserttik baghdarlamasymen týiindeldi.

Kósh kerueni mәdeny jobasyn eskeldilik jәne kóksulyq aqsaqaldar, ústazdar, mektep oqushylary, jalpy audan túrghyndary tamashalady.

- Biylghy jyldy Memleket basshysy Júmysshy mamandyqtarynyng jyly dep jariyalady. Múndaghy maqsat – qoghamnyn, jastardyng nazaryn júmysshy mamandyqtaryna audaru. Áriyne, mamandardy bir-aq jyldyng ishinde jappay dayarlap, júmysshy kadrlar jetispeushiligin sheshu mýmkin emes. Eng bastysy, ýlken isting basy bastaldy, júmysshy mamandyqtarynyng artyqshylyghyn, qajettiligin úghyndyru, enbekting qúndylyghyn ilgeriletu erekshe ekpinmen qarqyn alyp otyr. Býgin enbek erleri turaly, manday terding jemisi jayly birqatar shygharmalarmen tanysyp, tәnti boldyq. Osynday sharalar әsirese jastar ýshin asa qajet, - dedi Jetisu oblysynyng Qúrmetti azamaty Nauryz Qylyshbaev.

Atap ótsek, búl ruhany joba bir aigha juyq uaqyt boyy, yaghny 21 aqpangha deyin jalghasady. Is-shara oblystyng barlyq audan-qalalaryn qamtidy. Kósh keruenining qorytyndysynda konferensiya úiymdastyrylyp, enbek adamdaryna arnalghan jurnal shygharylady dep josparlanyp otyr.

Jalpy búl jobanyng maqsaty - enbek adamdarynyng jetistikterin dәripteu, qoghamdaghy rólin kóteru, enbek adamdarynyng ómirlik jolyn әdeby jәne óner tuyndylary arqyly tanytu, sol arqyly jastardy enbekke, adaldyqqa jәne jauapkershilikke tәrbiyleu, aimaqtyng enbek dәstýrlerin janghyrtu әri saqtau, júmysshy mamandyqtarynyng tarihy men zamanauy mýmkindikterin tanystyru.

Jetisu oblysy әkimining baspasóz qyzmeti.

 Fotosuretterdi týsirgen: Dmitriy Erofeev

Abai.kz