Sayasattanushylar jii mysalgha keltiretin evrey jazushynyn: «Qúday arab pen evreydi tatulastyra almay, qúsadan óldi», - degen sózi bar.

Tramptyng ant beru múrәsimining aldynda Izraili men HAMAS toby soghysty toqtatugha kelisip, ózara tútqyn almasa bastap edi. Tramptyng ótken aptanyng seysenbisinde jylan jylyndaghy alghashqy sheteldik qonaghy Netaniyahudy eski qúdasynday qarsy alyp, Bayden bekitken «key qaru týrlerin Izrailige satudy shekteu» búiryghynyng kýshin joyyp ghana qoymay, «Gazany AQSh-tyng basqaruyna alu josparyn» úsynuy tayau shyghystaghy arab elderimen Izraili arasyn odan ary ushyqtyrdy.

Netaniyahu «tarihy sheshim» dep ataghan, Evrey basshysyna mayday jaqqan Aq ýiding jana basshysynyng bastamasy - BÚÚ-nyng «eki memleket» sheshimine mýlde qayshy ekenin aitpasa da týsinikti. Oghan arab  elderi ghana emes, Qytay, Fransiya bastatqan elderding de qarsy boluy zandy da.Tramptyng baspasóz hatshysy «Gazany basqarugha alu mәselesi kýn tәrtibinde túrghan joq» dep mәlimdese de Netaniyahudyng jeligi basylar emes. Tramptyng qauipsizdikti jeleu etip, gazalyqtardy ózge arab elderine kóshirip, jerin minadan tazalap, júmaq ornatu jasparyna alghashqy bolyp qarsy shyqqan,Arab elderining azulysy -  Saud Arabiyamen ashyq qarsylyqqa kóshti. Qyzdy-qyzdymen qasiyetti júma kýni «palestinalyqtargha shynayy jany ashysa, jeri keng ghoy, óz ishinen memleket qúryp bersin!» dep saldy.

Arab jәne Islam elderi birlestigi úiymy Evrey basshysynyng sózin «nәsildik kemsitu» dep baghalap, Saud Arabiyanyng egemendigimen oinamaugha shaqyrdy.

Saud taraby Netaniyahudyng búl әreketin «ózining palestinalyqtargha jasaghan qandy qylmysyn úmyttyru, әlem nazaryn basqa arnagha búru amaly» dep atady. Palestinalyq bauyrlarynyng qúqyna eshkim qúl súgha almaytynyn, olardyng eshqayda ketpeytinin, qansha uaqyt kerek bolsa da, «eki memleket» sayasaty negizinde óz memleketin óz jerinde qúratynyn qadap aitty.

Senimdi aqparat kózderine qaraghanda Izraili әskeri gazalyqtardy kýshtep kóshiruge saqaday say túrugha búiryq alghan.

Preziydenttigin bastamay jatyp, Livandyq Hursitterdi, Gazany bólip biylegen HAMAS tobyn tәubege keltirgen maqtauly Tramp orynsyz bastama kóterip Orta shyghystyng jaghdayyn qayta shiyelenistirdi. Meyli Tramp aitqanday júmaq bolsa da palestindiktersiz gazany jergilikti júrt ta, tuysqan arab elderi de, әlemdik qauymdastyqtar da qabyldamaytyny aiday aqiqat. Tramptyng gazany AQSh-tyng basqaruyna alu jospary, jyljymaytyn mýlik saudagerinen sayasatqa kelgen Aq ýiding jana basshysynyng taza ekonomikalyq payda túrghysynan aitylghan shiyki jospar ekeni anyq.

Abai.kz