Ilon Masktyng shabuylynan keyin әlemdegi Azattyq radiolaryn basqaratyn jәne qarjylandyratyn AQSh-tyng USAGM jahandyq media agenttigi radiolar jelisin optimizasiyalau turaly josparyn dayynday bastady. Al kelesi aptada osy agenttik pen Ilon Mask basqaratyn tiyimdilikti arttyru ýshin ashylghan DOGE departamenti arasynda kelissózder ótpek.

"Ortalyq-shyghys Europadaghy, mysaly Rumyniya, Bolgariya, Vengriya, Soltýstik Makedoniyadaghy Azattyq radiolary tolyq jabylady. Olar óz missiyasyn 20 jyl búryn oryndap tastaghan. USAGM basqarushy komissiyasy osynday kuluarly sheshimge keldi. Endi protokolmen bekitedi", - deydi, Aq Ýige jaqyn DALA INSIDE derekkózi

Qalghan radiolar boyynsha A jәne B ssenariyleri dayyndaldy.

"A" ssenariyinde Ortalyq-shyghys Europa jabylady, al qalghan elderdegi redaksiyalarda 50 payyz qysqartu bolady. Ortalyq apparatta 40% payyz qysqartu jýredi. Jylyna 1 milliard dollardan shamamen jartysy ýnemdelui tiyis.

"B" ssenariyinde Iran men Reseyden basqa barlyq tәuelsiz memleketterdegi Azattyq redaksiyalaryn jabu kózdelgen. Olar Moldova, Rumyniya, Bolgariya, Vengriya, Soltýstik Makedoniya, Kosovo, Bosniya Gersogovina, Ukraina, Belarusi, Qazaqstan, Ózbekstan, Qyrghyzstan, Tәjikstan, Ázirbayjan, Armeniya, Ázirbayjan, Gruziya. Jabardyng aldynda elshilikter arqyly osy el ýkimetterine "senderge Azattyq radiosy kerek pe?" degen súraq qoyylatyn bolady. "Kerek emes" degen elderdegi redaksiya jabylmaq. Sonda Azattyq radiolary Resey men Irangha qysym rychagy retinde, jәne Kavkaz, Qyrym, Tatarstan, Sibir syndy bodan aimaqtarda júmysyn jalghastyruy tiyis.

Ortalyq apparat 70 payyzgha qysqarady. Búl jylyna bólinetin 1 milliard dollardyng 700 millionyn ýnemdemek.

Kelesi aptada jabyq kelissózder memlekettik hatshy Marko Rubio, Kongres ókilderi, DOGE jәne USAGM arasynda ótetin bolady. DOGE basshysy Ilon Mask keshe «Azattyq» pen «Amerika dauysy» radiolaryn jabugha shaqyryp, ol turaly ózining H әleumettik jelisinde jazghan bolatyn. Mask olardy «radikaldy solshyl esalandar» dep atap, salyq tóleushilerding qarajatyn ysyrap etip keledi dep aiyptady.

«Olar ózimen-ózderi sóilesip otyrghan, amerikandyq salyq tóleushilerding aqshasynan jylyna 1 milliard dollar jaghyp otyrghan radikaldy solshyl essizder ghana. Jabu kerek. Olardy endi eshkim tyndamaydy», - dep jazylghan Ilon Masktyng postynda.

Álem boyynsha Azattyq radiosynyng redaksiyalary Ilon Masktyng búl mәlimdemesine reaksiya bermedi.

Abai.kz