Keshe týrmede otyrghan búrynghy mәdeniyet jәne sport ministri Arystanbek Múhamediyúly ashtyq jariyalaghan degen habar taralyp, qyzu talqygha týsip edi. Tanymal jurnalist Qaynar Oljay jelidegi paraqshasynda:

"Áleumettik jeliden bilgenimiz Arekeng Atbasardaghy týrmeden hat joldapty. Onda ózining ashtyq jariyalaghanyn mәlim etipti. Kók siyaly qalam men qyzyl siyaly qalamdy aralastyra jazghany mekteptegi kezimizdi eske saldy. Qyzdargha hatty, olardyng alibomyna jazbany osylay eki, keyde tipti jasyldy qosyp, ýsh siyany aralastyra jazatyn edik. Sonymen oilanyp otyrmyz…", - dep jazghan edi.

Búrynghy Mәdeniyet ministrining ashyq haty turaly mәselege baylanysty Aqmola oblysy boyynsha qylmystyq-atqaru jýiesi departamenti (QAJD) búl aqparat shyndyqqa janaspaydy dep mәlimdedi.

– Ol tamaq ishedi, beynebaqylau kameralaryndaghy jazbalar múny rastaydy. Odan shaghym, ótinish týsken joq. Tәrtipke sәikes, sottalghan adam [týrmede] úyaly telefon paydalana almaydy, – dep habarlady qylmystyq-atqaru jýiesi departamenti.

"Múhamediyúly ashtyq jariyalaghan" degen aqparat 10 aqpanda eks-ministrding Facebook-tegi paraqshasynda shyqty. Onda "Ashtyq jariyaladym, óitkeni ózimdi basynan bastap kinәsiz dep sanadym!" dep jazylghan.

QAJD Múhamediyúlynyng atynan әleumettik jelide jazba jariyalau faktisi boyynsha tekseru jýrgiziledi dedi.

Búghan qosa, eks-ministrding paraqshasynda onyng atynan jazyldy degen hat jariyalandy. Onyng avtory eks-ministr isine qatysy bar sudiyalar men taghy birneshe adamnyng aty-jónin atap, olardy aiyptaghan.

"Búl sot isterin tәuelsiz sarapshylar qaraytyn bolsa, barlyq aiyptaudyng oidan shygharylghany, zansyz jәne jalghan qorytyndylargha negizdelgeni anyq bolatynyna senimdimin", – degen hat avtory.

"Atbasar qalasyndaghy týrmeden barshagha ýndeu jasay otyryp, ajalyma jogharyda aty-jóni atalghan adamdar kinәli dep sanaudy súraymyn. Búl jýgensiz zansyzdyqty "ólim" ghana toqtata alady degen qorytyndygha kelip otyrmyn" delingen jazbada.

Abai.kz