Moldova biyligi Reseyding Ghylym jәne mәdeniyet ortalyghyn (Orys ýii) jabu turaly sheshim qabyldaghanyn jariyalady, dep habarlaydy “Adyrna” últtyq portaly.

13 aqpanda Kishiynevtegi Syrtqy ister ministrligi 1998 jyly jasalghan Moldova-Resey arasyndaghy mәdeny ortalyqtar qúru jәne júmys isteu turaly ýkimetaralyq kelisimdi birjaqty búzu turaly mәlimdedi. Búghan Reseyding soqqy beretin drondarynyng elding әue kenistigin búzuy sebep bolghan. Kelisimdi búzu rәsimi ayaqtalghannan keyin Resey mәdeniyet ortalyghy Moldova aumaghynda júmysyn toqtatuy tiyis dep mәlimdedi syrtqy ister ministrligi.

Keyin Moldova syrtqy ister ministrligi Resey elshisi Oleg Ozerovty shúghyl shaqyrtqan. "Kezdesude Moldova tarapy óreskel jaytqa baylanysty narazylyq bildirip, múnday oqighalar el qauipsizdigine jәne Moldova azamattaryna qauip tóndiretinin aitty. Resey diplomatyna múnday әreketter el egemendigin búzudy bildiredi jәne Resey tarapynan dostyqqa jatpaytyn kezekti ishara dep sanalatyny aityldy", – dep jazylghan SIM habarlamasynda.

Ministrlik elshige dron qaldyqtaryn kórsetkenin mәlimdedi.

Moldova aumaghyna qúlaghan reseylik drondardyng bólikteri Resey elshisine dәlel retinde kórsetildi. Kishiynevte Resey biyliginen búl shabuyldardy dereu toqtatudy jәne Moldova Respublikasynyng egemendigi men tәuelsizdigine, aumaqtyq tútastyghyna qatal qúrmetpen qaraudy taghy da súrady.

Sol kýni Moldova preziydenti Mayya Sandu Reseyding «Geran» BPLA drondarynyng qaldyghyn jariyalady. Búl Reseyding Irannyng Shahed drondarynyng analogtary dep atalady.

«Shahed drondary bizding әue kenistigimizdi búzdy. Ekeui bizding jerimizde jarylyp, moldovan halqynyng ómirine qauip tóndirdi», - dep mәlimdedi Sandu.

Reseylik drondar Moldova shekarasyndaghy Ukrainadaghy Odessa oblysyn atqylaghan bolatyn. Olardyng ekeui Moldova aumaghyna kirip, onda jaryldy.

Ayta ketsek, “Orys ýileri” әlemning kóptegen elderinde, sonyng ishinde Europanyng kóp bóliginde bar. Búl úiymdar “Rossotrudnichestvo”mýddesin qorghaydy jәne resmy mәlimetter boyynsha, «shetelde túratyn reseylikterge әrtýrli is-sharalar men qyzmetter úsynumen ainalysady, sonday-aq Resey mәdeniyetin, ghylymyn jәne bilimin nasihattaugha jauapty».

Aqpannyng basynda Ázerbayjan biyligi Mәskeuge Reseyding "Rossotrudnichestvo" agenttigi qyzmetin el aumaghynda toqtatatyny jayly resmy nota jibergen. Ázerbayjan SIM "Bakudegi "Orys ýii" zandy túlgha retinde tirkelmegen" dedi.

Baku men Mәskeuding qarym-qatynasy 2024 jyly jeltoqsanda Qazaqstannyng Aqtau qalasy manyna Azerbaijan Airlines әuekompaniyasynyng jolaushy úshaghy qúlaghannan keyin nasharlady. Ázerbayjan úshaqty bayqausyzda Reseyding әue qorghanys jýiesi atty dep, apatqa Mәskeudi aiyptay sóiledi.

Abai.kz