BÚÚ Bas Assambleyasy Almatyda Ortalyq Aziya men Aughanstangha arnalghan BÚÚ-nyng Túraqty damu maqsattary jónindegi Ónirlik ortalyghyn qúru turaly qarardy qabyldady. Búl habardy Preziydentting kenesshisi hәm baspasóz hatshysy Ruslan Jeldibaydyng akkauntynan oqydym da, bólise salghanmyn. Endi býgin astaryna ýnilip otyrmyn.

Meninshe bastamany BÚÚ-gha mýshe 152 el qoldaghany manyzdy kórsetkish boldy-au deymin. Dәlirek aitqanda osy elderding barlyghy qújatqa qosalqy avtor bolypty. Sondyqtan qújat dauysqa salynghan joq. Al bayaghyda Qazaqstan BÚÚ Qauisizdik kenesine eki jyl túraqty emes mýshe bolugha niyet tanytqanda 138 memleket jaqtap dauys bergen. Demek osy jolghy bastamany qoldau rekord ornatqan siyaqty. Ári syrtqy sayasatymyzdaghy tәuir jetistik shyghar bәlkim. Óitkeni qabyldanghan sheshimning birneshe qyry bar.

Birinshiden, Almaty ónirdegi halyqaralyq sayasattyng manyzdy alanyna ainalady. Endi Ortalyq Aziya men Aughanstangha qatysty BÚÚ baghdarlamalary dәl osy qalada talqylanady. Búl Qazaqstangha ekonomikadan bastap qauipsizdikke deyingi negizgi prosesterge yqpal etuge mýmkindik beredi.

Ekinshiden, Qazaqstan jahandyq instituttar men Ortalyq Aziya arasyndaghy kópir retindegi ornyn nyghaytady. Nәtiyjesinde, Almaty ónirlik dengeyde Jeneva siyaqty halyqaralyq sheshimder qabyldanatyn ortalyqqa ainalu mýmkindigine ie bolady. Ári tútastay alghanda Ortalyq Aziya periyferiya emes, jahandyq sayasatta óz orny bar aimaqqa ainaluy mýmkin. «Orny bar» degende búrynghyday bizge qatysty sheshimder syrttay qabyldanatyn meken emes, mәsele osy ónirde talqygha týsetin ónir bolatyn shyghar dep ýmittenemin. Qazaqstannyng syrtqy sayasatynda qanday da bir jahandyq oqighalargha qatysty ústanymdy Ortalyq Aziya elderimen ýilestirip, bir auyzdy bolugha úmtylys basym. Almatyda BÚÚ ónirlik ortalyghynyng qúryluy tútas Ortalyq Aziyanyng syrtqy sayasattaghy ortaq ústanymyn nyghaytugha ong yqpalyn tiygizetin shyghar dep oilaymyn. Aytalyq, Aughanstangha qatysty sheshim qabyldanar bolsa aimaq elderining sózi ótui mýmkin. Shanyraq degen bar ghoy, kelgende soghan da qaraytyn shyghar.

Áriyne, Almatynyng bedeldi ónirlik ortalyqtardyng birine ainaluy ýshin qalada belsendi júmys kerek, halyqaralyq sarapshylar osynda ornyghyp, manyzdy kelissózder jýrip, Qazaqstannyng ónirlik mәselelerdi sheshuge belsene qatysuy qajet. Imidj da, naqty júmys ta qauyrt bolmaghy kerek.

Áriyne BÚÚ әlsiredi, yqpaly azaydy dep baybalam salamyz-au. Degenmen búl úiymnyng әli de biraz mәseleni sheshudi ýilestiruge qauqary bar. Kýni erteng úiymda keshendi reforma jýrip, Qauipsizdik kenesi keneyse, aimaqtyq ókildikterining qúzireti kýsheyse, Almatynyng da bәsi ósetin shyghar.

Amangeldi Qúrmetúly, sayasy sarapshy

Abai.kz