Almatyda respublikalyq «Taza Qazaqstan» baghdarlamasy men qalalyq «Almaty – ortaq ýiimiz» bastamasy ayasynda jyljymaly ekohab úiymdastyryldy, dep habarlaydy Almaty.tv.

Qala túrghyndary plastikti qayta óndeu ýderisimen tanysyp, ekologiyalyq jauapkershilik turaly kóbirek maghlúmat aldy jәne plastikalyq búiymdardy fandomatqa ótkizip, aqshalay syiaqy alu mýmkindigin synap kórdi.

Eco Network jobasynyng negizin qalaushy Evgeniy Múhamedjanov múnday bastamalar qala túrghyndaryna ekologiyalyq әdetterdi siniruge kómektesetinin atap ótti:

"Fandomattar – búl plastik qaldyqtarynan qútyludyng ynghayly әdisi ghana emes, sonymen qatar qorshaghan ortagha sanaly kózqarasty qalyptastyrudyng qúraly. Biz adamdardyng qarapayym әreketi de ekologiyany jaqsartugha ýles qosa alatynyn týsingenin qalaymyz. Qaldyqtardy qayta óndeu bir rettik emes, kýndelikti ómirding bir bóligine ainaluy tiyis. Almaty ekologiyalyq bolashaqqa qaray qadam jasap keledi, jәne búl – tek bastamasy!" – dedi ol.

Is-shara qonaqtarynyng arasynda 5-synyp oqushysy Iliyas Ahmetov te boldy.

"Eger әr aulada osynday apparattar ornatylsa, eshkim plastik bótelkelerdi jay ghana qoqysqa tastamas edi. Ekologiya turaly búryn oilanbaghan dostarymnyng ózi qyzygha bastady. Biz mektepten keyin plastik jinap, ony ótkizip túrugha kelistik", - deydi ol.

Búl ekohab almatylyqtar arasynda ekologiyalyq әdetti nasihattaugha baghyttalghan taghy bir manyzdy qadam boldy. Úiymdastyrushylar múnday sharalardy qoghamdyq oryndarda ghana emes, sauda ortalyqtarynda, sayabaqtarda jәne qalalyq alandarda ótkizip, mýmkindiginshe kóp adamdy qorshaghan ortany qorghau isine tartudy josparlap otyr.

Abai.kz