Keshe nauryzdyng 18-i kýni Tramp pen Putin telefon arqyly sóilesti.  Aq ýy taraby Putinning AQSh úsynghan 30 kýn soghys toqtatu úsynysyn qabyldaghanyn jetkizdi.

Al Kremli bolsa, Putinning orys әskerine Ukrainanyng energiya jәne әleumettik manyzy bar nysandardy atqyludy toqtatugha búiryq bergenin aituda. Putin sonymen birge, ózara tútqyn almasugha da kelisim bergen.

Býgin soghysqan eki tarap 175 adamnan bosatady. Kremli basshysy soghys toqtatu merziminde Ukrainagha beliletin әskery jәne aqparattyq kómekting toqtatyluyn talap etken. "Ukrainagha batystyq kómekting toqtatyluy beybitshilik ornatudyng birden bir alghy sharty" dep basa aitqan.

Kremlidegiler telefon әngime eki jarym saghatqa sozylyp, tarihtaghy rekordty janartty dese, Amerika basylymdary bir jarym saghatta ayaqtady dep jazghan

"Eki el basshysy telefonmen sóilesip otyrghanda, Kiyevte әue qorghanys signaly bezildep, jarylys dýmpuleri estildi", - dep jazdy sheteldik BAQ.

Tramp pen Putinning kezdesuin әlem júrty, el basshylary jiti nazarda ústaghany belgili. Eki el preziydenti toqtap qalghan memleketaralyq  baylanysty jan-jaqty damytudy talqylaumen birge, Orta Shyghys mәselesin de talqylaghan. Eng ózegi әriyne - Ukraina mәselesi ekeni anyq.

Angliya basshysy Starmer Trampty qúttyqtap, kezdesuding nәtiyjeli bastalghanyn atap ótken. Finlandiyada saparlap jýrgen Zelenskiy eki preziydentting ne talqylaghanyn Aq ýy basshysy uaqyt tauyp ózine qúlaghdar etetininen ýmitti ekenin jetkizgen. Ol sonymen birge Resey taraptyng bala baqshalardy atqylaghanyn qatang aiyptaghan.

Germaniyada jýrgen Fransiya basshysy Makron Sholspen birge Putinning talabyna jauap retinde Ukrainagha әskery kómekting eshqashan toqtamaytynyn eskertken.

Osy aptanyng ayaghynda Amerika men Kremli ókilderi taghy da Saud Arabiyasynda bas qosyp, soghys toqtatudyn, úzaq merzimdi beybishilikting sharttaryn egjey-tegjeyine deyin talqylamaq.

Abai.kz