كەشە ناۋرىزدىڭ 18-ءى كۇنى ترامپ پەن پۋتين تەلەفون ارقىلى سويلەستى.  اق ءۇي تارابى ءپۋتيننىڭ اقش ۇسىنعان 30 كۇن سوعىس توقتاتۋ ۇسىنىسىن قابىلداعانىن جەتكىزدى.

ال كرەمل بولسا، ءپۋتيننىڭ ورىس اسكەرىنە ۋكراينانىڭ ەنەرگيا جانە الەۋمەتتىك ماڭىزى بار نىسانداردى اتقىلۋدى توقتاتۋعا بۇيرىق بەرگەنىن ايتۋدا. پۋتين سونىمەن بىرگە، ءوزارا تۇتقىن الماسۋعا دا كەلىسىم بەرگەن.

بۇگىن سوعىسقان ەكى تاراپ 175 ادامنان بوساتادى. كرەمل باسشىسى سوعىس توقتاتۋ مەرزىمىندە ۋكرايناعا بەلىلەتىن اسكەري جانە اقپاراتتىق كومەكتىڭ توقتاتىلۋىن تالاپ ەتكەن. "ۋكرايناعا باتىستىق كومەكتىڭ توقتاتىلۋى بەيبىتشىلىك ورناتۋدىڭ بىردەن ءبىر العى شارتى" دەپ باسا ايتقان.

كرەملدەگىلەر تەلەفون اڭگىمە ەكى جارىم ساعاتقا سوزىلىپ، تاريحتاعى رەكوردتى جاڭارتتى دەسە، امەريكا باسىلىمدارى ءبىر جارىم ساعاتتا اياقتادى دەپ جازعان

"ەكى ەل باسشىسى تەلەفونمەن سويلەسىپ وتىرعاندا، كيەۆتە اۋە قورعانىس سيگنالى بەزىلدەپ، جارىلىس دۇمپۋلەرى ەستىلدى", - دەپ جازدى شەتەلدىك باق.

ترامپ پەن ءپۋتيننىڭ كەزدەسۋىن الەم جۇرتى، ەل باسشىلارى ءجىتى نازاردا ۇستاعانى بەلگىلى. ەكى ەل پرەزيدەنتى توقتاپ قالعان مەملەكەتارالىق  بايلانىستى جان-جاقتى دامىتۋدى تالقىلاۋمەن بىرگە، ورتا شىعىس ماسەلەسىن دە تالقىلاعان. ەڭ وزەگى ارينە - ۋكراينا ماسەلەسى ەكەنى انىق.

انگليا باسشىسى ستارمەر ترامپتى قۇتتىقتاپ، كەزدەسۋدىڭ ناتيجەلى باستالعانىن اتاپ وتكەن. فينلانديادا ساپارلاپ جۇرگەن زەلەنسكي ەكى پرەزيدەنتتىڭ نە تالقىلاعانىن اق ءۇي باسشىسى ۋاقىت تاۋىپ وزىنە قۇلاعدار ەتەتىنىنەن ءۇمىتتى ەكەنىن جەتكىزگەن. ول سونىمەن بىرگە رەسەي تاراپتىڭ بالا باقشالاردى اتقىلاعانىن قاتاڭ ايىپتاعان.

گەرمانيادا جۇرگەن فرانتسيا باسشىسى ماكرون شولتسپەن بىرگە ءپۋتيننىڭ تالابىنا جاۋاپ رەتىندە ۋكرايناعا اسكەري كومەكتىڭ ەشقاشان توقتامايتىنىن ەسكەرتكەن.

وسى اپتانىڭ اياعىندا امەريكا مەن كرەمل وكىلدەرى تاعى دا ساۋد ارابياسىندا باس قوسىپ، سوعىس توقتاتۋدىڭ، ۇزاق مەرزىمدى بەيبىشىلىكتىڭ شارتتارىن ەگجەي-تەگجەيىنە دەيىن تالقىلاماق.

Abai.kz