Qazaqstan Respublikasynyng Premier-ministrine!

Saualdy birinshi kezekte Memleket basshysynyng Últtyq Qúryltaydaghy ishki sayasatqa baylanysty mәlimdemesinen bastaghym kelip otyr. Óitkeni Preziydent elimizding ishki sayasatyna tikeley aralasqan syrtqy kýshterding júmysyn syngha alyp, olargha naqty min taqty.

Mysaly, Qasym-Jomart Kemelúly óz sózinde: «Jahandanu ýderisining mәn-manyzy joghalyp barady. Memlekettik últshyldyq, yqpal jýrgizetin aumaqtardy bóliske salu, әlemdik sayasatta aimaqtargha bólinu ýrdisi aldynghy qatargha shyqty», – dedi.

Óitkeni geosayasattaghy dominant memleketter ózining jeke mýddesi men sayasy yqpalyn jýrgizip qana qoymay, ony iske asyru ýshin әr týrli әdis-tәsilderdi paydalanyp keldi. Mysaly, memleketterding últtyq qúndylyqtaryn jonggha baghyttalghan әsirefeministik, LGBT, emo jәne basqa da submәdeniyettik qozghalystar arnayy, josparly týrde milliondaghan AQSh dollarymen qarjylandyryldy.

Odan qalsa, olar últarazdyq pen diny alauyzdyqty, separatizm men traybalizmdi bizding sayasy kýn tәrtibimizge engizuge kýsh saldy. Múny Preziydent Qúryltayda «halyqaralyq ýkimettik emes qorlar men úiymdar kóptegen elding ishki isine negizsiz aralasty» – dep qadap aitty.

Degenmen, songhy kezde AQSh-tyng biyligi óz ishki jәne syrtqy sayasatyn qayta qarauda. Tipti AQSh-tyng Kongresinde Halyqaralyq damu agenttiginin, yaghny USAID-ting júmysy toqtatylatyny turaly mәsele qaralyp jatyr.

Songhy on jyldyqta Qazaqstannyng ishki sayasatyna yqpal etu ýshin USAID-ten 150 mln. dollardan astam qarajat bólinipti. Osynday úiymdar demokratiyalyq qaghidattardy jeleu etip, jalang úranmen «júmsaq kýsh» arqyly ózining jymysqy sayasatyn iske asyru ýshin ózge memleketterge qansha qarajat bólgenin elestetip kóriniz. Mysaly, Qiyr Shyghystaghy, Ortalyq Aziyadaghy, Afrikadaghy, Europadaghy birqatar damushy elderde biylikke qarsy tónkerister úiymdastyrylghany belgili.

Bizde sheteldik grant «emizigine» otyryp alghan keybir, taghy da aitam keybir ýkimettik emes úiymdar  kóbinese, týimedeydi týiedey qylyp, negativti terip-jinap, kuratorlaryna ótirik esep berip, «oybay búl elde adam qúqyghy taptalghan», «sóz bostandyghy shektelgen», «sizder aralaspasanyzdar qúrdymgha ketuding aldynda túrmyz» – dep baybalam salady. Tipti bizdegi jaghdaydy damymay qalghan ýshinshi memlekettermen negizsiz, dәlel-dәieksiz tenestiredi.

Olargha Qazaqstannyng jaqsarghany emes, shayqalghany paydaly. Sebebi ózderining jeke basynyng paydasyna, yaghny «gumanitarlyq biznesterine» qarjy kerek.

Osylardy nazargha alyp, Burabayda Toqaev myrza óz sózinde: «sheteldegi jaghdaydy ýnemi eskerip otyru manyzdy. Biraq biz aldymen óz elimizding ishki mәselelerine den qongymyz kerek. Biz últtyq mýddemizdi qorghau ýshin aldaghy uaqytta da útymdy әri bayypty әreket etemiz» – dep naqty tapsyrma berdi.

Osy rette, birinshiden, Qazaqstanda ishki sayasatty iske asyratyn, onyng baghyt-baghdaryn anyqtaytyn biylik instituttary, Qúdaygha shýkir, bar.

Ekinshiden, elimizding ishki isine, últtyq iydeologiyasyna, ruhaniy-mәdeny dýniyetanymymyzgha, yaghny ishki sayasatymyzgha syrtqy kýshterding aralasuyna jol bermeymiz jәne zang ayasynda batyl jauap beremiz.

Mәselen, AQSh, Qytay, Resey siyaqty alpauyt memleketter ishki sayasattaryna ózgelerding aralasuyna jol bermeytin zandar qabyldaghan.

Osyghan baylanysty Ýkimet tez arada kelesi mәselelerdi qolgha aluy kerek:

Eng aldymen, Qarjy ministrligi men tiyisti memlekettik organdardy iske qosyp, elimizding ishki sayasatyna aralasugha baghyttalghan syrttan qúiylghan qarjyny anyqtap, tiyisti shara qabyldasyn.

Kelesi, shetelden qarjylandyrylatyn úiymdardyng qyzmetin retteytin qoldanystaghy zannamanyng tiyimdiligine taldau jýrgizsin.

Sonday-aq, sheteldik granttar arqyly qarjylandyrylatyn jobalar men úiymdardyng qyzmetin baqylau jәne retteu mehanizmderin jetildiru qajet.

Osyghan oray bir mәselening basyn ashyp alayyq.

Syrttan keletin qarjy, eger taza bolyp, investisiya retinde ekonomikany damytugha qúiylatyn bolsa, ekologiya men densaulyq saqtau salasyn jaqsartatyn bolsa, onda oghan jol ashyq.

Al, eger ishki sayasatymyzgha qarsy, últtyq dýniyetanymymyzgha jat, túraqtylyghymyzdy shayqaytyn jobalardy qarjylandyrsa, onda onday úiymdargha jol jabyq.

Odan qalsa Memleket basshysynyng Qúryltaydaghy tapsyrmasyna sәikes, Tәuelsizding alghaly birinshi ret elimizde ishki sayasat Tújyrymdamasy әzirlenedi. Búl – últtyq qúndylyqtarymyzdyng negizinde ishki sayasattyng baghyt-baghdaryn, qúrylymyn jәne Erejelerin aiqyndaytyn, el mýddesi ýshin sayasy toptardy biriktiretin, osy sharalardyng nәtiyjesinde memleketimizding ishki sharuasyna aralasqysy keletin sayasy avanturister men destruktivti toptargha tosqauyl qoighy mýmkindik tughyzatyn strategiyalyq qújat bolmaq.

Edil Janbyrshiyn,

Mәjilis deputattary, «AMANAT» partiyasy Fraksiyasynyng mýsheleri

Abai.kz