Almaty qalasynyng Almaly audandyq sotynda Sanjar Boqaevqa, onyng jiyeni Madiar Qalmenovke jәne jeke mobilografy Úlan Nýsipqojagha qatysty qylmystyq is boyynsha kezekti sot otyrysy bastaldy.

Boqaevqa alayaqtyq, qylmystyq jolmen alynghan kiristerdi zandastyru, úrlyq jasau, aghashtardy zansyz kesu jәne kórineu jalghan aqparat taratu aiyptary taghylghan. Qalmenov alayaqtyq jәne qylmystyq kiristerdi zandastyru, al Nýsipqoja qalghan ýsh epizod boyynsha aiyptalyp otyr.

Qazirgi uaqytta avtosheru úiymdastyrugha arnalghan kelisimsharttardyng jasalu mәn-jaylaryna, merdiger kompaniyalardyng tandaluyna jәne osy maqsattargha kәsipodaq qarajatynan bólingen aqshanyng keyingi qozghalysyna qatysty alayaqtyq pen qylmystyq jolmen alynghan kiristerdi zandastyru derekteri boyynsha kuәgerlerden jauap alu jalghasyp jatyr.

Eske salsaq, aldynghy sot otyrysynda «QazaqGaz» ÚK» AQ departamentining bas menedjeri әri kәsipodaqtyng tekseru komissiyasynyng mýshesi Medetbek Ábdiqalyqov audit barysynda anyqtalghan «BM Trust» jәne «We Can» kompaniyalarymen jasalghan kýmәndi kelisimsharttar turaly aityp bergen edi.

Onyng sózinshe, bәsekelestik ortagha qaramastan, kelisimsharttar bir ghana kompaniyalarmen qayta-qayta jasalghan. Sonymen qatar smetalarda kórsetilgen qyzmet qúnyn negizsiz kóteru belgileri anyqtalghan. Al merdigerler Boqaevtyng tarapynan úsynylyp, ózge kompaniyalar, yaghny balama núsqalar esh qarastyrylmaghan.

Sonday-aq, kuәger jymqyru belgilerin anyqtaghannan keyin zanbúzushylyqtardy jasyrudy mýlde oilamaghanyn, bloger eken dep Boqaevtan mýlde qauiptenpegenin atap ótti. Zangha qayshy derekter anyqtalghan song kýmәndi kelisimsharttargha qatysty materialdar qúqyq qorghau organdaryna joldanghan.

Búdan bólek, revizordyng pikirinshe, imidjdik is-sharalardy qarjylandyru «QazTransGaz» AQ-nyng jarghylyq mindetterine kirmegen.

Taghy bir kuәger – «BM Trust» JShS-nyng negizin qalaushy Janbolat Maratov bastapqyda kompaniya katamarandardy jalgha berumen ainalysqanyn jәne týrli is-sharalardy úiymdastyrugha esh qatysy bolmaghanyn mәlimdedi.

Onyng aituynsha, 2017 jyly Boqaev firmany ózining jiyeni Madiar Qalmenovting atyna qayta rәsimdeudi úsynghan. Keyinnen kompaniya «QazTransGaz» ýshin týrli is-sharalardy úiymdastyrugha arnalghan merdigerlik tapsyrystardy ala bastaghan.

Búl rette, Maratov merdigerlermen jasalghan kelisimsharttardyng barlyghyna Boqaevtyng kabiynetinde qol qoyylghanyn algha tartqan bolatyn.

Abai.kz