Qazaqstan biyligi el aumaghyna kóz tigip, elbúzar sózder aitqan birqatar joghary lauazymdy reseylik sheneunikke Qazaqstangha kiruge tyiym saldy. Qazaqstanda elge kiruge tyiym salynghan reseylik sheneunikterding jәne sarapshylardyng beyresmy «qara tizimi» bar.

Búl turaly «Deutsche Welle» habarlady. Búl tizim turaly Kremliding baqylauyndaghy TMD elderi institutynyng ókili, atyshuly reseylik tarihshy Andrey Grozin Qazaqstangha kelmek bolghan kezde talqylandy. Qazaqstan Grozindi elge kirgizgen joq. Reseylik tarihshyny pasport tekseru ýstelinde keri qaytaryp, onyng «kereksiz adam» (nejelatelinaya persona) ekenin aitty.

«DW» habarlauynsha, múnday sheshimge reseylik «sarapshynyn» dauly mәlimdemeleri sebep bolghan: Ol qazaq halqyn kemsitetin sózder aityp, «Qazaqstanda biylikke «nasister» keldi» dep mәlimdegen. Grozin Kremliding Ukrainagha shabuyl jasaugha dayyndalyp jatqan kezinde aitqan ritorikasyn Qazaqstangha qarata qaytalaghan.

Resmy emes «qara tizimnin» baryn atalghan basylymgha beymilim derekkózder rastaghan. Al onda reseylik tarihshy-nasihatshy Grozinnen әldeqayda joghary lauazymdy adamdardyng aty-jóni jazylghan.

Búghan deyin tizimde reseylik LDPR partiyasynyng jetekshisi Vladimir Jirinovskiy bolghan. 2022 jyldyng qantarynda ol Qazaqstandy «jasandy memleket» dep atap, «kórshi eldi basyp alamyz» dep sóilegen.

«Qazir búl beyresmy «qara tizimde» Tina Kandelaki, Tigran Keosayan, Aleksandr Dugiyn, Nikita Mendkovich, Memlekettik Dumanyng deputattary Evgeniy Fedorov, Vyacheslav Nikonov jәne Petr Tolstoy siyaqty jaghymsyz túlghalar bar. Qazaqstanda kórgisi kelmeytinderding qatarynda Konstantin Zatulin men Evgeniy Primakov ta bar», - deydi derekkóz.

Búl adamdardyng barlyghy Qazaqstangha qatysty nebir dauly mәlimdemeder jasap, Jirinovskiyding ýlgisimen Qazaqstangha aumaqtyq talaptar qoyghan. Tizimdegi eng joghary lauazymdy túlgha - Resey Memlekettik Dumasynyng viyse-spiykeri Petr Tolstoy.

Petr Tolstoy ózining әsire onshyl kózqarastarymen tanymal jәne Kremliding agressiyalyq, otarshyldyq jәne ekspansionistik sayasatyn qoldaydy. Tolstoy  Qazaqstan qalalaryn «bastapqyda orystiki» (iskonno russkiye) dep ataghan.

Ol sonday-aq, Qazaqstandy «Resey ýshin Ukrainadan keyingi jana problemagha» ainalady» dep sóilegen. «Eger Putin «ýsh kýnde Kiyevte» tabysqa jetse, Qazaqstan agressiyanyng kelesi qúrbany boluy mýmkin edi deuge eleuli negizder bar», - degen әlgi Tolstoy.

Qalay degende de, Kremli ýgit-nasihaty kórshi últqa óshpendilik tudyru arqyly Resey júrtshylyghyn múnday ssenariyge belsendi týrde dayyndady. Búl ritorika Resey biyligining 2014 jyldan beri Ukrainagha qarsy qoldanyp jýrgen sayasatymen birdey. Qazaqstannyng «jasandylyghy», «orys jerleri», «qorghaudy qajet etetin «orys tildiler» jәne t. b. turaly ótirikter osylar.

Qazaqstanda Reseyding ýgit-nasihat jәne arandatushylyq sayasaty endi qabyldanbaydy. Saqtyq sayasaty ishki sheshim ghana emes, býkil Ortalyq Aziya aimaghy ýshin belgi.

Kerimsal Júbatqanov,

tarih ghylymdarynyng kandidaty, S. Seyfullin atyndaghy Qazaq agrotehnikalyq zertteu uniyversiytetining dosenti

Abai.kz