Qúdaydyng ereke balasyna ainalyp, mandayynan jel esken Timur Qúlybaevqa da «Ayaz әlindi bil, qúmyrysqa jolyndy bildin» keri keldi.

Qolda bar esep qisapqa senetin bolsaq, Qúlybaevtar Halyk kompaniyasynan $435 mln astam diviydend alady eken. 30 sәuirde Halyk MSA ótkizip, óz aksionerlerine 2024 jylghy diviydendter tóleu turaly sheshim qabyldaghan.

Ayta ketetin bolsaq, bankting ótken jyly tabysty bolyp, taza payda 921 mlrd tengeni qúraghan. Osy tabystyng 35%-yn aksionerler arasynda bólu úsynyldy.

«Almeks» kompaniyasy Qúlybaevtar júbynan, Halyk kompaniyasynan 224 mlrd astam tenge alady. Búl shamamen 435 mln dollardy qúraydy. Biraq onyng tabysy tap osy somamen shektelmeui mýmkin. Óitkeni, bank diviydendterdi jylyna eki ret tóley alady. 2024 jyly Halyk ózining barlyq aksionerlerine taza paydanyng 55%-yn bólip berse, biyl bar joghy 35%-dy berip otyruynyng astarynda biraz dýniyeler jatqany anyq.

Bank tóraghasynyng orynbasary Múrat Kóshenov taldaushylarmen bolghan kezdesude: «Kenes ekinshi tólemdi osy jyldyng ekinshi jartysynda úsynuy mýmkin, biraq ol sheshim jyldyng ekinshi jartysynda qabyldanady. Sondyqtan men qazir naqty jauap bere almaymyn. Biraq men, ózimizding jalpy diviydendtik sayasatymyzgha silteme jasay alamyn, onda belgili bir jaghdaylarda diviydendterdi tóleu koeffisiyenti taza paydanyng 50-den 100%-gha deyingi diapazonynda bolady dep jazylghan», - degen.

Búl jyrymdalghan aqsha Qúlybaevqa asa qajet boluy mýmkin, sebebi Bloomberg aqpan aiynda jazghanday, Timur Qúlybaev birinshi preziydent kezinde jinaqtalghan qarjysyna qatysty ýkimettik tergeu ayasynda memleketke 1 mlrd dollar tóleu turaly kelissózderge basy býtin sýngip ketti.

Basylym habarlaghanday, eger kelisimge qol jetkizilse, Núrsúltan Nazarbaevtyng kýieu balasy qarajattyng bir bóligin aqshamen, al ekinshi bóligin investisiya týrinde tóleydi. Búl rette atalghan tólem onyng kezinde jalghandy jalpaghynan basyp jasaghan ekonomikalyq-qylmystyq kinәsin basy býtin moyyndauyn esh bildirmeydi.

Ótken jyly Qúlybaevtar Halyk kompaniyasynan 265 mlrd tengeden sәl ghana astam qarajat ala alghan. Yaghni, óz aksionerlerin aqshadan qaqqan Qúlybaev tek bankten týsken tabysy arqyly ghana 2 jyl ishinde diviydendter alyp, memleket aldyndaghy qaryzyn tez arada jaba alady, dep jazady Bloomberg.

Abai.kz