Keles ózenining suy mikrobiologiyalyq túrghydan lastanghan. Búl turaly Týrkistan oblysynyng sanitariyalyq-epiydemiologiyalyq baqylau departamenti mәlimdedi.

Saryaghash audandyq sanitariyalyq-epiydemiologiyalyq baqylau basqarmasynyng mamandary «Saryaghash túrmys» memlekettik kәsipornyna jospardan tys tekseru jýrgizip, mekemege qarasty kәriz jýiesinen ýsh óreskel zanbúzushylyq anyqtaghan.

Anyqtalghan kemshilikterge baylanysty zandy túlghagha 160 ailyq eseptik kórsetkish kóleminde әkimshilik aiyppúl salyndy jәne núsqama berildi.

Sonday-aq, Saryaghash audanyna qarasty Kókterek eldi mekenindegi kәriz jýiesine qatysty mәseleler jergilikti atqarushy organnyng qarauyna úsynys hat arqyly joldandy.

Mekeme tarapynan Keles ózenining suynan mikrobiologiyalyq jәne virusologiyalyq kórsetkishterge zertteu maqsatynda synama alyp, zertteu ýshin Últtyq saraptama ortalyghy Týrkistan oblysy boyynsha filialynyng Shymkent qalalyq bólimshesine tapsyrylghan.

Zertteu nәtiyjesinde laktoza ong ishek tayaqshalarynyng indeksi sanitarlyq normadan asyp ketkeni belgili boldy.

Normativ boyynsha 1 dm³ sudaghy shekti kórsetkish 5000-nan aspauy tiyis bolsa, Keles ózenindegi kórsetkish 9100-ge jetken.

— Búl Keles ózenining mikrobiologiyalyq túrghyda lastanghanyn bildiredi. Ózen suy auyzsu retinde paydalanugha jaramsyz, degenmen balyqtargha ziyany joq, — delingen Týrkistan oblysynyng sanitariyalyq-epiydemiologiyalyq baqylau departamenti aqparatynda.

Ekologiyalyq talaptar da saqtalmaghan

Saryaghash audanynyng Kókterek eldi mekeninde Keles ózenine kәriz suynyng tógilui boyynsha әleumettik jelide jariyalanghan viydeogha baylanysty Týrkistan oblysy boyynsha ekologiya departamenti de «Saryaghash-Túrmysqa» jospardan tys tekseru jýrgizdi.

Sarqyndy su synamasyn alyp, taldau nәtiyjesinde Ekologiya kodeksining 106 jәne 222-baptarynyng talaptarynyng búzylghanyn anyqtady.

Osyghan baylanysty Ákimshilik qúqyq búzu turaly kodeksining negizinde hattama toltyryldy.

Sarqyndy sudaghy lastaushy zattardyng shoghyrlanuy mynaday:

Nitrattar — 0,78 mg/dm³

Nitritter — 0,206 mg/dm³

Fosfattar — 1,9 mg/dm³

Sulifattar — 900,78 mg/dm³

Hloridter — 241,1 mg/dm³

Aniondy bettik belsendi zattar — 0,36 mg/dm³

Ammoniy — 22,66 mg/dm³

Sutek kórsetkishi (rN) — 7,4

Qúrghaq qaldyq — 2293,0 mg/dm³

Ekologiya kodeksining 216-babynyng 2-tarmaghyna sәikes, rúqsat etilgen tógindiler normativterine deyin tazartylmaghan sarqyndy sulardy su obektilerine nemese jer bederine tóguge tyiym salynady.

Al 222-baptyng 8-tarmaghynda tazartylu dәrejesine qaramastan, múnday sulardy auyzsu kózderi men sanitariyalyq qorghau aimaqtaryna tóguge jol berilmeytini naqty jazylghan.

Mamandar túrghyndargha ózen suyn tútynbau keregin eske salady. Olardyng aituynsha, ózen suyn auyz su retinde nemese túrmystyq maqsatta paydalanbaghan dúrys. Sebebi búl adam densaulyghyna keri әser etui mýmkin.

Ayta keteyik, búdan búryn Saryaghash sanatoriyinen aqqan kәriz suy Keles ózenine qúiylghany mәlim bolghan edi.

Abai.kz