29 mamyr kýni Mәskeude Qazaqstannyng búrynghy preziydenti Núrsúltan Nazarbaev pen Resey preziydenti Vladimir Putin jeke kezdesu ótkizdi. Búl turaly Resey preziydentining baspasóz hatshysy Dmitriy Peskov TASS agenttigine bergen týsiniktemesinde mәlimdedi.

«Býgin, 29 mamyr kýni, preziydent Kremlide Mәskeude jýrgen Qazaqstannyng birinshi preziydenti Núrsúltan Nazarbaevpen kezdesti», – dedi Peskov.

Kezdesu beyresmy sipatta ótken. Alayda taraptar qanday mәselelerdi talqylaghany turaly naqty aqparat әzirge jariyalanghan joq.

Búl eki sayasatkerding songhy jeke kezdesui 2024 jyldyng jeltoqsanynda ótken bolatyn. Sol joly da Nazarbaev Mәskeuge arnayy baryp, Putinmen jeke jýzdesken edi.

Núrsúltan Nazarbaevtyng búl jolghy saparyna qatysty el ishinde týrli pikirler men alyp-qashpa әngimeler taray bastady. Ásirese әleumettik jeli qoldanushylary arasynda «Nazarbaev Mәskeude ne istep jýr?» degen súraq jii kóterildi.

Osyghan baylanysty Elbasynyng baspasóz hatshysy Aydos Ýkibay arnayy týsinikteme berip, jaghdaygha nýkte qoydy. Onyng aituynsha, Nazarbaev Mәskeuge óz erkimen emes, Resey tarapynyng shaqyruymen barghan jәne sapar resmy sharalarmen baylanysty bolmaghan.

«Sapar Jenis kýnimen oraylastyrylghan. Alayda Qasym-Jomart Toqaevtyng qatysuymen ótken resmy paradpen qabattaspau ýshin, Núrsúltan Ábishúly Kremlige keyinirek barghan. Búl – dostyq sipattaghy, beyresmy kezdesu boldy», – dedi Ýkibay.

Ol sonday-aq Nazarbaevtyng Putinmen ghana emes, Týrkiya, Qytay, BAÁ, Ózbekstan jәne Belarusi basshylarymen de jii habarlasyp, beyresmy formatta kezdesip túratynyn atap ótti. Múnday diplomatiyalyq qarym-qatynas halyqaralyq tәjiriybede qalypty jaghday sanalady.

Sonynda Ýkibay eks-preziydentting shetelge birjola kóship ketkeni turaly qauesetti joqqa shyghardy.

«Núrsúltan Ábishúly Qazaqstanda túrady. Eshqayda qonys audarghan joq. Alyp-qashpa әngimelerge senbenizder», – dep mәlimdeme jasady baspasóz hatshysy.

Abai.kz