Býgin tanerteng Irandaghy Ardebili qalasynan aktrisa Saya Abbaspur jazypty, suretterin de jibergen eken... 2018 jyly Aqtaudaghy Halyqaralyq festivalide tanysqanbyz. "Sen mening qolymnan ústaghansyn..." spektaklin kórsetken. Basty rólde Saya Abbaspur oinady. Onyng sahnadaghy oiyny, plastikasy, ýni, qozghalysy, kózqarasy әli esimde... Talantty da kórikti aktrisa.

S.Esenin jyrlaytyn naghyz "Shagane, ty moya Shagane".

Men Irannyng filimderin bilgenmen, teatr ónerinen habarym joq-ty... Bayaghyda kinofestivalige barghanymda Tegeran, Isfahan siyaqty ýlken tarihy qalalaryn kórgenmen, Ardebilige barghan emespiz. Irannyng soltýstiginde ornalasqan búl qala — Sablan, Talesh, Bozghúsh taularynyng eteginde. Qala sheyh Sefy ad- Din Ardebiliding atymen atalghan. Sevefid memleketining irgesin qalaghan shah 1334 jyly osy jerde qaytys bolghan song qala osylay atalghan. YuNESKO-gha kiretin onyng mavzoleyi әli kýnge saqtalghan. Ardebilide qazir 600 myngha juyq halyq túrady. Basym kópshiligi shiitter. Teatrlar memleket qarauynda.

Býgin sol Iranda túratyn aktrisa Saya Abbaspurdyng maghan jazghan hatyn bólisudi jón kórdim.

Sayanyng hatyn sol qalpynda salyp otyrmyn:

— Talghat agha! Qalaysyz?..

...Qazir Iranda soghys jýrip jatyr, elding jaghdayy óte auyr. Biz bәrimiz

qorqynysh pen belgisizdikte ómir sýrip otyrmyz. Býgin tirimiz, ómir sýrip jatyrmyz, biraq erteng ne bolatyny belgisiz — aman qalamyz ba, joq pa, eshkim bilmeydi. Endi bizding janymyzgha eshtene quanysh әkelmeydi, tipti teatr da mәnsiz bolyp qaldy. Internet jii óshiriledi. Halyq bir qaladan ekinshi qalagha ýdere kóshude. Baghalar kýn sanap sharyqtap barady. Iran halqynyng ómiri qauipke toly. Biz ýshin, Iran ýshin dúgha etinizder...

Meni úmytpaghandarynyz ýshin kóp rahmet! Soghys bitken song sizderge jaqsy teatrmen kelemiz dep ýmittenemin. Men sizderdi jii oilaymyn... Men Qazaqstanmen jәne sizdermen bolghan estelikterimdi eshqashan úmytpaymyn. Olar mening ómirimdegi eng jaqsy kýnder...

Kórermendi ónerimen, kórkimen, kórkem minezimen, aqyl-parasatymen bauraghan Saya súlu qyp-qyzyl órtting ishinde jýrip maghan hat joldaghanyna әri quandym, әri qobaljydym. Soghys degen zúlmat ayaqasty eken-au... Beybit kýnning qadirin osyndayda oilaysyn... Ertenge alandaysyn... Onyng betin ary qylsyn!..

Saya, aman bolyndar! Mening biletinim, soghys toqtaydy. Beybit ómir qayta keledi. Kýn men Týndey Jaqsylyq pen Jamandyq qatar jýredi. Jәne әlemdi Meyirim men Mahabbat, óner men óleng qútqaratynyna senem. Óitkeni, ónerding missiyasy — ómirdi Jaqsylyq pen Suyispenshilikti, araylap atqan aq tang men júldyzdy aspandy jyrlau... Sen sonday qyzsyn!..

Saya, biz senderge Alladan tek, sabyrlylyq pen amandyq tileymiz! Ózing aitqanday, dúghada bolamyz...

Talghat Temenov

Abai.kz