Aqtaudaghy úshaq apatyna baylanysty Ázirbayjan men Resey arasy suyp ketkeni belgili. Búl suystyq songhy kýnderi janasha sipat ala bastady. Ázirbayjan men Resey arasyndaghy qarym-qatynastar 27 mausymda Ekaterinburgte últy әzerbayjan 50-den astam adam ústalghannan keyin ushyghyp ketti. Orys qúqyq qorghau oryndarynyng reydi kezinde eki adam qaza tauyp, taghy ekeui auyr jaraqat alghan. Resmy Baku búl oqighagha kinәlilerdi jauapqa tartudy talap etti.

Kelensiz oqighadan keyin Ázirbayjanda Reseyding memlekettik jәne jeke mekemeleri josparlaghan barlyq birlesken mәdeny is-sharalar toqtatyldy. Ázirbayjan mәdeniyet ministrligi múnday sheshimning qabyldanuyna Reseyding Ekaterinburg qalasynda reseylik qúqyq qorghau organdarynyng «әzirbayjan últy ókilderine qarsy maqsatty týrde jasaghan әreketteri sebep bolghanyn» atap ótti.

Osyghan baylanysty reseylikterding qatysuymen ótedi dep josparlanghan konsertter, festivalider, kórmeler, spektaklider men ózge de mәdeny is-sharalar pyshaqpen keskendey short toqtatyldy.

Ázirbayjannyng parlamenttik delegasiyasy Resey Federasiyasy jinalysynyng parlamentaralyq yntymaqtastyq jónindegi komissiya otyrysyna qatyspaudy úighardy.

Dýisenbi, 30 mausym kýni Ázirbayjandaghy Kremlige jaqyn «Sputnik Ázirbayjan» basylymynyng redaksiyasyna polisiya tintu jýrgizgen. Birneshe adam ústalghan. IIM alayaqtyq, zansyz kәsipkerlik jәne qylmystyq jolmen alynghan mýlikti zandastyru baptary boyynsha qylmystyq is qozghaghan.

Reseyding syrtqy ister ministrligi Ázirbayjan elshisin shaqyrtyp, «Bakuding dostyqqa jat әreketterine jәne jurnalisterding zansyz ústaluyna» baylanysty narazylyq bildirdi.

Ázirbayjan ishki ister ministrligining qyzmetkerleri Bakude Irannan esirtki tasymaldap, ony internet arqyly satumen jәne kiyberalayaqtyqpen ainalysqan úiymdasqan qylmystyq top mýsheleri degen kýdikpen birneshe adamdy ústaghan.

1 shilde kýni «Report.az» agenttigi alghan aqparatyna sýienip: «Ústalghan adamdar – Resey azamattary», - dep habarlady.

Oghan jauap retinde Reseyding Ekaterinburg qalasynda «Ázirbayjan-Oral» úiymynyng basshysy Shahin Shihlinskiy ústalghan.

Búryn kenes qúramynda bolghan eki elding bir-birine qarymta qaytaru sipatyndaghy qaqtyghysynyng úzyn-yrghasy osynday. Tuysqan Ázirbayjan taraby óz aumaghyndaghy Reseyding júmsaq kýshterining erkinsigen әreketine jaghday ushyqqan tústa tózimsizdik tanytsa, Kramli taraby Orta Aziya men Kavkaz aimaghynan kelgenderge múrynyn shýiire qaraytyn, tize batyratyn, adamdyq qúqyn taptaytyn eski әdisine basyp otyr.

Resey әskerining bas qolbasshysy Geresimovtyng әskery doqtorinasy boyynsha qazirgi zamanghy soghys – әskery qaru-jaraqpen atysudan ghana túrmaydy. Aqparattyq soghys, ekonomikalyq soghys, energetikalyq bopsa, esirtki biznesi, qoghamdyq, diny úiymdardy jastardy tartugha paydalanu siyaqty san-salaly bolyp keledi.

Ázirbaydan bauyrlardyng Kenes ýkimeti taray sala, Elisinning dәuirinde-aq «russkiy miyr-den» irgesin aulaq salyp, Týrkiyagha, Europagha bet búrghany belgili. Olar búl qadamyn orys әlipbiyinen bas tartyp, latynshagha kóshuden bastady.

2000 jyly Kenes odaghyn qayta ornatudy kózdeytin Putin Kremlige biylikke kelgenge deyin últtyq baghytyn aiqyndap, ense tiktep aldy.

Putin Ukrainagha soghys ashqannan keyin búrynghy Kenes odaghy qúramynda bolghan elder óz egemendigine qauip tóne bastaghanyn sezine bastady. Resey sayasatkerleri «Kenes odaghy zandyq túrghydan әli taraghan joq», - dep aidy aspangha bir-aq, shyghardy.

«Balapan basyna, túrymtay túsyna» ketken Elisin dәuirinde shynayy egemendigin zandyq negizde túghyrlap, últtyq memleketke ainalghan elder odan yghyp túrghan joq. Yqpaydy da...

Ázirbayjan bauyrlardyng songhy kýnderdegi әreketi sonyng kórinisi. Iliham Áliyevtyng búl batyl qadamy Mәskeuge qarap bas shúlghyp kele jatqan ózge elderge ýlgi bolsa, kәni?!

Esbol Ýsenúly

Abai.kz