Áygerim Altynbek XI Halyqaralyq opera әnshilerine arnalghan Portofino bayqauynda finalgha ótti. Atalghan bayqau 2025 jyldyng 22-27 shilde aralyghynda Italiyada ótip jatyr.

Mәdeniyet jәne aqparat ministrligining mәlimetinshe, CLIP bayqauy alghash ret 2015 jyly úiymdastyrylyp, 32 jasqa deyingi opera әnshileri ýshin eng bedeldi halyqaralyq dodalardyng birine ainaldy. Qazylar alqasynyng qúramynda Milan qalasyndaghy «La Scala», Monte-Karlodaghy Opera, Buenos-Ayrestegi Kolon teatry, Madridtegi Koroli teatry, Visbaden memlekettik teatry syndy tanymal teatr basshylary bar.

Qatysushylar birneshe kezennen ótedi. Eng әueli qatysushylar aldyn ala tyndaudan ótedi. Keyin orkestrding sýiemeldeuimen Piazzetta di Portofino dep atalatyn Portofinonyng ortalyq alanynda ótetin finalgha qatysady. Búl is-shara gala-konsertpen ayaqtalady.

Áygerim Altynbek әlemning 50-ge juyq elinen kelgen 92 qatysushyny basyp ozyp, klassikalyq vokal ónerinde Qazaqstannyng ornyn aishyqtap berdi, - delingen ministrlik habarlamasynda.

Ayta keteyik, Áygerim Altynbek kóptegen halyqaralyq bayqaulardyng laureaty atanghan. Búghan deyin ol Italiyada ótken opera әnshileri bayqauynyng jenimpazdary qatarynan kórinip, Modena qalasynda (Italiya) ótken Nikolay Gyaurov atyndaghy halyqaralyq opera bayqauynda ýshinshi oryndy iyelendi. Sonymen qatar ol әigili Italiya opera әnshisi Miyrella Freny atyndaghy arnayy marapatty jenip aldy. Sonymen qatar әnshi әigili «La Skala» teatrynyng jastar baghdarlamasyna qatysty jәne aldaghy eki jyl boyy sol jerde bilim alady. Al mausym aiynda ol әlemdik opera júldyzdary Hose Karreras jәne Andrea Bochelliymen birge bir sahnada óner kórsetti.

Abai.kz