Germaniyada XXXII jazghy Uniyversiada oiyndary óz mәresine jetti. Atalghan dýbirli dodada qazaqstandyq taekvondoshylar erekshe kózge týsken bolatyn. Búl turaly ÚOK mәlim etti.

Búl jarysta jerlesterimiz segiz medaligha qol jetkizdi. Qúrama sapynda jalghyz altyn medalidi Samirhon Ababakirov iyelendi. Osylaysha Qazaqstan qúramasy óz tarihyndaghy eng ýzdik kórsetkishin tirkedi.

Taekvondo jarystary 17-23 shilde aralyghynda úiymdastyryldy. Atalghan sport týri boyynsha sayystar Germaniyanyng Essen qalasynda ótti. Jalpy erler, әielder jәne komandalyq, aralas komandalyq syndar boyynsha 24 medali jiyntyghy sarapqa salyndy.

Qazaqstan qúramasy alghashqy kýnnen-aq sәtti óner kórsetti. Nәtiyjesinde segiz medaligha qol jetkizdi. Onyng bireui altyn. Al qalghany qola medali.

Jekeley sayysta qola medali iyelengender: Damir Shulenov (68 kelige deyin), Nodira Ahmedova (49 kelige deyin), Tamirlan Tileules (58 kelige deyin), Batyrhan Tóleughaly (80 kelige deyin), Beybarys Qablan (87 keliden joghary). Komandalyq sayysta әielder qúramasy jarystyng jartylay finalyna deyin jetip, qola medali enshiledi. Sonymen qatar aralas komandalar arasyndaghy aiqasta da otandastarymyz jenis túghyrynyng ýshinshi satysynan kórindi.

Al qúramadaghy jalghyz altyn medalidi 63 kelige deyingi salmaqta Samirhon Ababakirov jenip aldy. Qazaqstandyq taekvondoshy finalgha deyin jetip, Týrkiya elining ókilin jendi.

Otandasymyz jarystan keyin Olympic.kz saytyna súhbat bergen bolatyn. Ol jarysqa deyingi dayyndyghy men aldaghy maqsattary jayly aityp berdi.

— 2024 jylghy Olimpiadadan keyin ózimning jeke bapkerim Núrsúltan Mamaevpen birge dayyndaldym. Jalpy dayyndyq júmystary jaqsy ótti. Sonymen qatar búghan deyin jibergen qatelikterdi taldap, solarmen júmys istedik, — dedi sportshy.
Odan bólek, Samirhon Ababakirov Uniyversiada aldyndaghy turnirlerge ne ýshin qatyspaghanyn aitty.

— Uniyversiada aldyndaghy turnirlerge jaraqatyma baylanysty qatysa almadym. Oqu-jattyghu jiyndaryna da barugha mýmkindik bolmady. Soghan qaramastan jaraqatymdy tolyq emdep, jeke bapkerimmen josparly týrde dayyndyq jýrgizdim. Qazir barlyghy jaqsy. Kishkene em-dom sharalaryn jýrgizip, әri qaray jattyghugha kirisetin bolamyn, — dep bólisti Samirhon Ababakirov.
Endigi últtyq qúramanyng basty maqsaty Qytayda ótetin әlem chempionaty ekeni sózsiz. Osyghan baylanysty Uniyversiadanyng altyn jýldegeri Samirhon qazirgi dengeyi jәne aldaghy josparlary jayly aityp berdi.

— 2024 jylghy Olimpiadamen salystyrghanda qazir óz-ózime degen senimdiligim artty. Shynayy sporttyq babymda kele jatyrmyn deuge tolyq negiz bar. Aldaghy basty maqsatym — Qytayda ótetin әlem chempionatynda top jaru. Sonymen qatar 2028 jylghy Olimpiada oiyndarynda Qazaqstangha tarihy altyn medali syilau, — dep qorytty Samirhon Ababakirov.

Abai.kz