Býgin Oqu-aghartu ministri Ghany Beysembaev pen Sifrlyq damu, innovasiyalar jәne aerogharysh ónerkәsibi ministri Jaslan Mәdiyev 2025–2029 jyldargha arnalghan orta, tehnikalyq jәne kәsiptik, sonday-aq orta bilimnen keyingi bilim beru jýiesine jasandy intellektini engizuding tújyrymdamalyq negizderin bekitu turaly birlesken búiryqqa qol qoydy.

Búl turaly QR Oqu-aghartu minitsrligining baspasóz qyzmeti habarlady.

Qújat Memleket basshysynyng Qazaqstan halqyna Joldauynda berilgen tapsyrmasy ayasynda әzirlenip, bilim beru jýiesin janghyrtudyng manyzdy kezenine ainaldy. Alghash ret bilim beru salasynda jasandy intellektini qoldanudyng birynghay últtyq standarttary bekitilip, oghan etika, qúqyqtyq retteu, derbes derekterdi qorghau jәne akademiyalyq adaldyq mәseleleri engizildi.

Búl tújyrymdama mektepterdi ghana emes, tehnikalyq jәne kәsiptik bilim beru úiymdaryn da qamtidy. Ol jasandy intellektke arnalghan arnayy taqyryptardy oqu prosesine engizudi, zamanauy sifrlyq oqulyqtar shygharudy, oqushylardyng JY boyynsha sauattylyghyn qalyptastyrudy jәne olardyng jobalyq qabiletterin damytugha jaghday jasaudy kózdeydi. Sonymen qatar, pedagogterding kәsiby dengeyin Acquire → Deepen → Create ýshsatyly ýlgisi boyynsha jetildirudi qamtamasyz etedi.

Qújatta balanyng qúqyqtaryn qorghau men pedagogting kәsiby bedelin saqtau mәselesine airyqsha mәn berilgen. Mektepter men kolledjderde jasandy intellektini paydalanudaghy etika men akademiyalyq adaldyqtyng ortaq qaghidalary bekitiledi.

«Birlesken búiryqqa qol qoi – elimizding bilim beru jýiesin damytudyng jana belesi. Tújyrymdama strategiyalyq basymdyqtardy naqtylap qana qoymay, ony iske asyrudyng aiqyn mehanizmin, monitoring jýiesin jәne jol kartasyn bekitedi. Búl jasandy intellektini mektepter men kolledjderde jýieli әri qauipsiz engizuge jaghday jasaydy. Jasandy intellekt pedagogting ornyn baspaydy, qayta onyng rólin arttyrady. Sebebi, bilim beru prosesindegi týpkilikti sheshimderdi adam qabyldaydy», – dedi ministr Ghany Beysembaev.

Qazaqstan YuNESKO, EYDÚ jәne Europalyq odaqtyng úsynymdaryn negizge ala otyryp, búl baghytta ózindik últtyq jolyn aiqyndaghan alghashqy elderding biri boldy.

«Bilim beru salasyna jasandy intellektini engizu – Qazaqstannyng auqymdy sifrlyq janghyru strategiyasynyng qúramdas bóligi. Biz balalar men jastardyng tek zamanauy qúraldardyng qoldanushysy emes, solardyng qúrastyrushysy boluyna mýmkindik ashyp otyrmyz. Úsynylyp otyrghan tújyrymdama – bolashaq tehnologiyalaryn erkin mengergen, sonymen qatar últtyq qúndylyqtar men akademiyalyq adaldyqty saqtaghan jana buyndy qalyptastyrugha jol ashady», – dep atap ótti Jaslan Madiyev.

Ayta keteyik, 2025–2026 oqu jylynan bastap «Sifrlyq sauattylyq» pen «Informatika» pәnderine jasandy intellekt elementteri engizildi. Oqushylar ýshin Day of AI әdistemelik kesheni әzirlenip, pedagogter ýshin arnayy biliktilikti arttyru baghdarlamalary iske qosyldy.

Abai.kz