Ózbekstan men Tәjikstan óz mýddelerin qatang qorghap, bukmekerlik biznes pen oghan qatysty qarjylyq aghymdardy bir ortalyqtan retteudi úsynghan Umar Kremlevting (Lutfulloev) bastamasynan bas tartty. Eki el de derekterding kórshiles memleketting arnayy qyzmetterining qolyna ótip ketu qaupin týsinip, últtyq baqylau tetikterin damytudy jón kórdi. Al Qazaqstannyng qazirgi pozisiyasy әli kýnge deyin týsiniksiz.

Kotyol basylymy Umar Kremlevting songhy jyldary Ortalyq Aziyany ainalshyqtap jýrgenin jazady. Ol Tashkentte kenestik boksshylargha eskertkish ashyp, Dushanbe qalasynda joghary lauazymdy túlghalarmen kezdesip, ózbek olimpiadashylaryna qomaqty syilyqtar ýlestirdi. Biraq múnyng bәri onyng týpki maqsatyn iske asyrugha kómektespedi. Ol aimaqtyng bukmekerlik naryghyn baqylaugha alyp, Reseyding ýstemdigin ornatugha talpynghan edi.

Kremlevke jaqyn derekkózderding baghalauynsha, onyng Ortalyq Aziya aimaghyn aralauyna 3 million dollardan astam qarajat júmsalghan. Degenmen, Ózbekstanda búl joba tolyq kýiredi. Resmy Tashkent qúmar oiyn biznesin zandastyru mәselesin úzaq talqylap, nәtiyjesinde monopoliyany ózining Últtyq perspektivalyq jobalar agenttigining (NAPP) qarauyna berdi.

Tәjikstanda da úqsas jaghday qalyptasty. Kremlevting preziydentting úly Rustam Emomaliymen jyly qarym-qatynasyna jәne tughan Gissar audanynda jol salu jobasyna qaramastan, eldegi bukmekerlik naryqty retteu Qarjy ministrligining qúzyrynda qala berdi.

Osy sәtsizdikterden keyin Kremlevting Qazaqstan men Qyrghyzstannan basqa amaly qalmay otyr. Týrkimenstan ony mýlde jolatpaghan. Bizding elimizde birneshe jyldan beri Bәs tigulerdi esepke aludyng birynghay jýiesin (ESU) engizu mәselesi talqylanyp keledi. Eldegi sarapshylar men derekkózder búl prosesti Reseyding SUPIS jýiesimen tikeley baylanystyrady. SUPIS býginde Reseydegi býkil bukmekerlik naryqty baqylap otyr jәne milliardtaghan tabys әkelude. Sarapshylardyng pikirinshe, «qúmar oiyngha tәueldilikpen kýres» pen «kólenkeli shemalardy jon» degen resmy úrannyng astarynda әldeqayda qauipti әreket jatyr. Búl – Qazaqstannyng qarjy infraqúrylymyna sanksiya astyndaghy reseylik qúrylymdardy kiriktiru amaly.

Qazaqstan әzirge Kremlevting úsynysyna resmy týrde «joq» demedi. Degenmen júmys toptarynda otyrghan keybir memlekettik qyzmetshiler múnday «birizdendirudin» tәuekelderine alandaushylyq bildirip jýr. Al Qyrghyzstanda mәsele әli kýnge deyin talqylanyp jatyr. Bishkek te týpkilikti sheshimin qabyldaghan joq.

Abai.kz