QR Parlamenti Mәjilisining deputaty Ýnzila Shapaq jaqynda qabyldanghan Jasandy intellekt turaly zannyng qalay júmys istep jatqany turaly toqtaldy.

— Búl qújat elimiz ýshin alghashqy әri manyzdy qadamnyng biri bolmaq. Zang ayasynda jasandy intellektige qatysty jana qúqyqtyq týsinikter engizilip, últtyq jasandy intellekt platformasyn qúru kózdelgen. Songhy jyldary JY taqyryby әlemdik dengeyde qyzu talqylanyp keledi. Búl tehnologiyalar bizding kýndelikti ómirimizge enip qana qoymay, zang túrghysynan da jana talaptardy qajet etip otyr. Qazaqstan da osy ýrdisten shet qalghan joq. Jasandy zeyin adamdy tolyqqandy almastyra almaydy. Biraq týrli týitkilderding sheshimin izdeude taptyrmas qúral. JIY-di әzirlep engizu ýshin aldymen Últtyq platforma qúru kerek, - dedi ol Jibek Joly telearnasyndaghy «Bugin Live» baghdarlamasynda.

Deputat búl túrghyda derekterding qauipsizdigi birinshi orynda boluy manyzdy ekenin aitty. Sondyqtan zannamada atalghan platformagha audit jasau mýmkindigi de qarastyrylghan.

— Jasandy Intellekt arqyly jasalghan sintetikalyq kontentti mindetti týrde tanbalau talaby bekitildi. Búl – azamattardyng aqparatqa degen senimin arttyrugha baghyttalghan shara. Búghan qosa, adamnyng kelisiminsiz minez-qúlqyna әser etu, emosiyasyn taldau nemese әleumettik mәrtebesine qaray jikteu siyaqty birqatar funksiyalargha zang jýzinde tyiym salyndy. Jana zang bir jaghynan innovasiyalyq damugha jol ashsa, ekinshi jaghynan qoghamnyng qauipsizdigi men azamattardyng qúqyghyn qorghaudy kózdeydi. Búl rette avtorlyq qúqyq mәseleleri de nazardan tys qalmay, JY kómegimen jasalghan shygharmashylyq ónimderge qatysty naqty normalar engizildi, - dedi Ýnzila Shapaq.

Abai.kz