Qazaqstanda ipoteka men avtonesie 25 payyzgha deyin kóterilui mýmkin. Al tútynushylyq nesie tipti 40 payyzdan asyp týsui ghajap emes.

Búghan Últtyq bankting bazalyq mólsherlemeni 18 payyzgha kóterui sebep jazady Ertenmedia ekonomist Almas Shókinge siltep.

«Meninshe, qazirgi ahualdy «seysmikalyq ózgeris» degen sipattaghan jón. Tabanymyzdyng astyndaghy qara jerding ózi sәt sayyn shayqalyp túrghanday әser qaldyrady», — deydi el ekonomikasynyng shatqayaqtap túrghanyn menzegen Shókiyn.

Sarapshynyng aituynsha, bazalyq mólsherleme 18 payyzgha jetkende bankter eng senimdi kliyentterine qysqa merzimdi nesiyeni 22 payyzben ghana bere alady.

Al qarapayym halyqqa ipoteka men avtokredit keminde 24-25 payyz, tútynushylyq nesie bolsa 40 payyzgha deyin sharyqtaydy.

«Múndayda ekonomikagha investisiya tartyp, óndiristi qalay damytugha bolatynyn týsinu qiyn. Shaghyn biznes te, qarapayym halyq ta zardap shegedi. Eng ókinishtisi payyzdyq mólsherleme jaqyn uaqytta tómendey qoymaydy», – dep boljaydy sarapshy.

Ekonomist Bektenov ýkimetining sayasatyna synap otyr. Últtyq qordan alynatyn transfertting kólemin úlghaytu mýmkindigi tausylghasyn, biylik syrttan qaryz alugha kóshken. Mәselen 8 trillion tengelik memlekettik invest. baghdarlama «Bәiterek» arqyly jýzege aspaq. Ol ýshin «Bәiterekke» 1 trillion tenge bólinedi de, qalghan 7 trillion tengeni ishki naryqtan qaryzgha alady.

«Týsinbeytinim, ishki naryqtan múnday orasan somany qanday payyzben almaqshy? Búl da kemi 21-22 payyzben alynatyn nesie ghoy. Múnday payyzdyq jýktememen qay joba ózin aqtay alady? 22 payyzdyq nesie ýsh jarym jylda eki eselenedi», – dep atap ótti sarapshy.

Shókin Ýkimet tarapynan qolgha alynyp jatqan auqymdy investisiyalyq jobalardyng naqty óndiris pen tútynushy naryghyna paydasy shamaly ekenin aitady. Al Últtyq bank osy joly inflyasiyanyng sharyqtauyn tym kesh bayqap qalghan.

«Mýmkin Sýleymenovke bazalyq mólsherlemeni jazda-aq kótere týsu kerek pe edi? Qazirgi inflyasiya dengeyin tengening baghamyna qarap-aq boljaugha bolady. Dollar qayda ketse, inflyasiya da sol jaqqa ketedi. Nemese kerisinshe inflyasiya artsa, dollar da onyng sonynan eredi», – dep týiindedi sarapshy.

Abai.kz